Maharashtra News LIVE Updates : दोन्ही बंधू एकत्र आले तरी कोणताही परिणाम नाही – दानवे

दोन्ही बंधू एकत्र आले तरी कोणताही परिणाम नाही – दानवे

दोन्ही बंधू एकत्र आले तरी कोणताही परिणाम मुंबई महापालिकेवर होणार नाही असे भाजपाचे नेते रावसाहेब दानवे यांनी म्हटले आहे. संजय राऊत माझा मित्र आहे, आम्ही शेजारी राहिलेलो आहे, थोडे थोडके नाही तर दहा वर्ष मी आणि संजय राऊत भिंतीला भिंत असे राहिलेलो आहे, त्यामुळे संजय राऊत किती थापा मारतात याचा मला स्वतःला अनुभव आहे असेही दानवे यांनी म्हटले आहे.

उल्हासनगरात भरारी पथकाने पैशांनी भरलेली बॅग पकडली

उल्हासनगरमध्ये भरारी पथकाने पैशांनी भरलेली बॅग पकडली आहे. येथील सुभाष टेकडी परिसरातील आंबेडकर चौक परीसरातील ही घटना घडली असून घटनास्थळी पोलीस आणि निवडणूक भरारी पथक दाखल झाले आहे. ही बॅग निवडणूक भरारी पथकाने ताब्यात घेतली असून चौकशी सुरु आहे.

पुणे आणि पिंपरी -चिंचवडमध्ये दोन्हीकडे माझा महापौर होणार – अजित पवार

पुणे आणि पिंपरी -चिंचवडमध्ये दोन्हीकडे माझा महापौर होणार,इतक्या दिवस गोठ्या खेळतो का असा सवाल उपमुख्यमंत्री अजित पवार यांनी म्हटले आहे.

पिंपरी- चिंचवडमध्ये पैसे वाटताना एकाला पकडले, भाजपचे राष्ट्रवादीवर आरोप!

पिंपरी- चिंचवडमध्ये प्रचाराच्या तोफा थंडावत असताना प्रभाग क्रमांक 17 मध्ये पैसे वाटताना एकाला पकडण्यात आले असून इतर दोघे पसार झाले आहे. सायंकाळी चारच्या सुमारास भाजपने हा प्रकार उघडकीस आणला. प्रभाग 17 मधील अजित पवार राष्ट्रवादीच्या उमेदवारांनी मतदारांना पैशांचे वाटप केल्याचा आरोप भाजपच्या उमेदवाराने केला आहे.

10 मिनिटांत डिलिव्हरीवर बंदी

कामगार मंत्री मनसुख मांडविया यांनी डिलिव्हरी बॉय सुरक्षेबाबत केलेल्या हस्तक्षेपाचे परिणाम दिसून येत आहेत. 10 मिनिटांच्या डिलिव्हरीवर बंदी घालण्यात आली आहे. ब्लिंकिटने त्यांच्या सर्व ब्रँडमधून 10 मिनिटांचा डिलिव्हरी कलम काढून टाकला आहे. केंद्रीय मंत्री मनसुख मांडविया यांनी या मुद्द्याबाबत ब्लिंकिट, झेप्टो, स्विगी आणि झोमॅटोच्या अधिकाऱ्यांशी चर्चा केली आणि त्यांना डिलिव्हरीची वेळ मर्यादा काढून टाकण्याचे आवाहन केले.

मला असा भारत निर्माण करायचा आहे जिथे लोक एकमेकांचे ऐकतील: राहुल

तामिळनाडूमधील एका कार्यक्रमात राहुल गांधी म्हणाले की, मला असा भारत निर्माण करायचा आहे जिथे लोक दयाळू असतील, एकमेकांचे ऐकतील, एकमेकांच्या भाषा आणि धर्माचा आदर करतील.

जिल्हा परिषद आणि पंचायत समिती निवडणूक 5 फेब्रुवारीला

• उमेदवारी अर्ज 16 जानेवारी ते 21 जानेवारी 2026
• अर्ज छाननी 22 जानेवारी 2026
• उमेदवारी माघारीची तारीख 27 जानेवारी 2026 रोजी, दुपारी 3 वाजेपर्यंत
• अंतिम उमेदरवारांची यादी आणि निवडणूक चिन्ह वाटत 27 जानेवारी 3.30 नंतर
• मतदान 5 फेब्रुवारी सकाळी 7.30 ते 530 वाजेपर्यंत
• मतमोजणी 7 फेब्रुवारी रोजी

12 जिल्हा परिषद, 125 पंचायत समितीमध्ये निवडणुका  होणार

राज्य निवडणूक आयोगाने जिल्हा परिषद आणि पंचायत समितीच्या तारखांची घोषणा केली.  सर्वोच्च न्यायलयाच्या आदेशानंतर 12 जिल्हा परिषद, 125 पंचायत समितीमध्ये निवडणुका  होणार आहे.  प्रत्येक निवडणुकीला दोन मतं द्यावी लागतील. उमेदवारी नोंदणीसाठी महापालिकेचा पॅटर्न वापरला जाईल. नामनिर्देशन प्रक्रिया महापालिकेसारखीच ऑफलाईन घेतली जाईल.

जम्मू-काश्मीर: दहशतवादी संबंधांच्या आरोपाखाली 5 सरकारी कर्मचारी निलंबित

जम्मू आणि काश्मीरमधील पाच सरकारी कर्मचाऱ्यांना दहशतवाद्यांशी संबंध असल्याच्या आरोपाखाली काढून टाकण्यात आले आहे. काढून टाकण्यात आलेल्यांमध्ये मोहम्मद इश्तियाक (शिक्षक), तारिक अहमद शाह (लॅब टेक्निशियन), बशीर अहमद मीर (लाइनमन), फारूक अहमद भट (कामगार) आणि मोहम्मद युसूफ (आरोग्य विभागात चालक) यांचा समावेश आहे.

अहिल्यानगर : द ग्रेट खलीने केला भाजपाच्या उमेदवारांचा प्रचार

अहिल्यानगरमध्ये भाजपा उमेदवारांच्या प्रचारासाठी आयोजित रॅलीत आंतरराष्ट्रीय कीर्तीचे रेसलर द ग्रेट खली यांनी हजेरी लावली. नगर शहरातून भव्य रोड शो काढण्यात आला असून या रोड शोमध्ये खली यांच्यासह भाजपाचे माजी खासदार सुजय विखे उपस्थित होते. खली यांच्या उपस्थितीमुळे प्रचार रॅलीकडे नागरिकांची मोठी गर्दी पाहायला मिळाली. अहिल्यानगर महापालिकेच्या एकूण 68 जागांसाठी निवडणूक होत असून भाजपा ही अजित पवार यांच्या राष्ट्रवादी काँग्रेससोबत युतीत निवडणूक लढवत आहे.

नालासोपारा : सापडलेल्या पैशांचा महायुतीशी काहीही संबंध नाही

ऐन निवडणुकीच्या काळात नालासोपाऱ्यात पैसे सापडले होते. यावर बोलताना शिवसेनेचे आमदार विलास तरे यांनी म्हटले की, नालसोपाऱ्यात जे पैसे पकडले त्याचा भाजप किवा महायुती चा काही संबध नाही. मुद्दाम भाजपला बदनाम करण्यासाठी भाजपचे नाव असणाऱ्या पिशवीचा विरोधकाकडून वापर ही झाला असू शकतो असा आमचा संशय आहे.

बदलापूर : भाजपकडून शगोफ गोरे यांना स्वीकृत नगरसेवक पद

बदलापुरात भाजपकडून शगोफ गोरे यांना स्वीकृत नगरसेवक पद देण्यात आले आहे. मात्र शगोफ यांच्या नगरसेवक पदावर मनसेने आक्षेप घेतला आहे. हिंदुत्ववादी म्हणणाऱ्या भाजपने पक्षात सक्षम कार्यकर्ते असताना मुस्लिम उमेदवाराला स्वीकृत नगरसेवक पद का दिलं? अला सवाल मनसेच्या राम जगताप यांनी विचारला आहे.

लाडकी बहीण योजना बंद होणार नाही – एकनाथ शिंदे

उपमुख्यमंत्री एकनाथ शिंदे यांनी दहिसर प्रभाग क्रमांक 6 मध्ये शिवसेनेच्या उमेदवार दीक्षा हर्षद कारकर यांचा प्रचार केला. यावेळी शिंदे म्हणाले की, दीक्षा हर्षद कारकर या आपल्या शिवसेना भाजपा महायुतीच्या उमेदवार आहेत आणि त्यांना आपण आशीर्वाद द्यायला या ठिकाणी भर उन्हात आलेला आहे. एवढ्या महिला माझ्या लाडक्या बहिणीकडे आहे आणि उमेदवार पण लाडकी बहिणी त्यामुळे लाडक्या बहिणीचा विजय पक्का आहे. मी मुख्यमंत्री असताना लाडकी बहीण योजना सुरू केली. काही लोक निवडणूक आयोगात गेले की पैसे बंद करा परंतु पैसे कधी तुमचे बंद होणार नाही.

रवींद्र चव्हाण यांचे संजय राऊतांना लुंगी टीकेवरून प्रत्युत्तर, सोशल मीडियावरून थेट वार

भाजप प्रदेशाध्यक्ष रवींद्र चव्हाण यांनी शिवसेना ठाकरे गटाचे खासदार संजय राऊत यांना लुंगीवरुन केलेल्या टीकेवरून प्रत्युत्तर दिलं आहे. “जिनके खुद के घर शीशे के हों, वो दूसरों के घर पर पत्थर नहीं फेंका करते” अशा शब्दात रवींद्र चव्हाण यांनी राऊतांना सोशल मीडियावरुन सुनावलं आहे.

रवींद्र चव्हाण यांनी प्रचारसभेत लुंगी परिधान केली होती. यावरुन संजय राऊतींनी चव्हाणांवर टीका केली होती.  तर मी गुडघ्याच्या व्याधीमुळे लुंगी घातली होती, असं स्पष्टीकरण चव्हाण यांनी दिलं होतं.

“ती माझी वैयक्तिक बाब; राष्ट्र प्रथम, नंतर पक्ष, शेवटी स्वतः”, असं म्हणत चव्हाण यांनी संयमाचा सूर आळवला. विकासावर बोलण्यासारखं काही नसेल तेच अशी वक्तव्ये करतात, असा टोलाही चव्हाण यांनी लगावला. तसेच संजय राऊत यांनी त्यांच्या आरोग्याची काळजी घ्यावी, निरोगी आयुष्याच्या शुभेच्छा असंही चव्हाण म्हणाले.

शिवडीत आदित्य-अमित ठाकरे बंधुंचा रोड शो

शिवडीत आदित्य-अमित ठाकरे बंधुंचा रोड शो पार पडत आहे. या रोड शोला ठाकरेंच्या शिवसैनिकांसह मनसेसैनिकांची गर्दी पाहायला मिळत आहे. अमित ठाकरे यांनी या रोड शोदरम्यान माध्यमांशी संवाद साधला. 2 पक्ष नाही तर 2 परिवार एकत्र आले आहेत, अशी प्रतिक्रिया यावेळेस अमित ठाकरे यांनी दिली.

अविनाश जाधव यांनी दाखल केलेल्या याचिकेवर बुधवारी सुनावणी

मनसेच्या अविनाश जाधव यांनी दाखल केलेल्या याचिकेवर बुधवारी मुंबई उच्च न्यायालयात सुनावणी होणार आहे. जाधव यांनी बिनविरोध निवडून आलेल्या नगरसेवकांविरोधात ही याचिका दाखल केलीय. त्यानंतर ही तातडीची सुनावणी होणार आहे.

दहीसरमध्ये एकनाथ शिंदे यांची तोफ धडाडणार

मुंबई महापालिका निवडणुकीच्या प्रचारासाठी शेवटचे काही तास बाकी आहेत. अशात दहीसरमध्ये एकनाथ शिंदे यांची तोफ धडाडणार आहे. एकनाथ शिंदे यांची दहिसर पूर्वमधील वॉर्ड क्रमांक 6 मध्ये सभा होणार आहे. शिंदे या सभेत काय बोलणार? याकडे राजकीय वर्तुळाचं लक्ष असणार आहे.

115 पैकी 60 पेक्षा जास्त जागा जिंकत भाजपाचा महापौर होईल- भागवत कराड

महानगरपालिका निवडणूक प्रचाराचा शेवटचा दिवस आहे, आणि पाच वाजता आज प्रचार थांबणार आहे. याच पार्श्वभूमीवर भारतीय जनता पार्टीच्या वतीने शहरातील 22 प्रभागात रॅली काढण्यात येत आहोत. छत्रपती संभाजीनगरचा महापौर भाजपाचा होईल. तसेच 60 प्लस जागा जिंकणे आमचे टारगेट असल्याचे भागवत कराड यांनी म्हणत, बहुमतापेक्षा जास्त आम्ही जागा जिंकू, असा विश्वासही भाजपा खासदार कराड यांनी व्यक्त केला.

प्रचारातून वेळ काढत परिक्षा प्रताप सरनाईकांनी कार्यकर्त्यांसोबत खाल्ला वडापाव

ठाण्यातील प्रभाग क्रमांक 5 मधून निवडणुकीच्या रींगणात असलेल्या शिंदेंच्या शिवसेनेच्या उमेदवार आणि परिवहन मंत्री प्रताप सरनाईक यांच्या पत्नी परिक्षा प्रताप सरनाईक यांनी प्रचाराच्या धामधुमितून वेळ काढत आपल्या कार्यकर्त्यांसोबत वडापावचा आस्वाद घेतलाय.

ठाकरेंच्या शिवसेनेचे राजू भांदुर्गे यांची बिनविरोध निवड

वाशिम नगरपरिषद उपाध्यक्षपदी ठाकरेंच्या शिवसेनेचे राजू भांदुर्गे यांची बिनविरोध निवड झाली आहे. भाजपचे सर्वाधिक १४ नगरसेवक निवडून येऊनही उपाध्यक्ष पदासाठी मात्र अर्ज केला नाही. आता अध्यक्ष भाजपचा तर उपाध्यक्ष ठाकरेंच्या शिवसेनेचा असेल. उपाध्यक्ष पदासाठी अर्ज न भरून भाजपाने केली अप्रत्येक्ष ठाकरेंच्या शिवसेनेला मदत.

राष्ट्रवादी अजित पवार गटाच्या उमेदवारच्या अडचणीत मोठी वाढ

राष्ट्रवादी अजित पवार गटाचे प्रभाग क्रमांक 9 मधील उमेदवार बाबुराव चांदेरे यांच्या अडचणीत वाढ होण्याची शक्यता आहे. भारतीय जनता पार्टीचे उमेदवार गणेश कळमकर यांची बाबुराव चांदेरे यांचे विरोधात मुंबई हायकोर्टात धाव घेतली आहे. बाबुराव चांदेरे यांनी निवडणूक अर्ज भरताना गंभीर गुन्हे दाखल असल्याची माहिती लपवली असल्याचा आरोप आहे. बाबुराव चांदेरे यांचे नामनिर्देशन रद्द करण्यात यावी अशी मागणी या याचिकेतून केले आहे.

नालासोपाऱ्यातील पकडलेल्या पैसा प्रकरणात मोठा खुलासा

नालासोपाऱ्यात पकडलेले पैसे हे एका फॉर्च्युनर गाडीतून आले होते.फोर्च्युनर गाडीवर शिवसेना जिल्हाध्यक्ष असे लिहिलेले होते. त्याच फॉर्च्युनर गाडीतूनअक्टिव्हा चालकाना पैशाची पिशवी दिली असल्याचा आरोप वॉर्ड क्रमांक १९ चे बविआ चे उमेदवार प्रफुल्ल पाटील यांनी केला आहे. एक्टिव्हा गाडीत दोन पिशव्या होत्या. एका पिशवीत प्रभाग निहाय पदाधिकारी यांचे नाव तर दुसऱ्या पिशवीवर भाजपा चे नाव लिहिलेले होते. त्यात ५२ पांढऱ्या कलर चे पैशाचे पॉकेट होते. कार्यकर्त्यांनी पैसे घेवून जाणाऱ्या दोन्ही अक्टिव्हा चालकाना पकडून गस्तीवरील पोलिसांच्या ताब्यात दिले असता त्यात १० लाख ९ हजार रुपये निघाले असल्याचा दावा ही प्रफुल्ल पाटील यांनी केला आहे

भाजपावर प्रणिती शिंदे यांची टीका

राष्ट्रवादी अजितदादा गटाच्या उमेदवाराने भाजपला पाठिंबा दिल्यानंतर खासदार प्रणिती शिंदे यांनी टीका केली.भाजपा पळवापळवी टवाळगिरी, गुंडागर्दी करून सोलापूरची संस्कृती खराब करतेय, अशी टाका खासदार प्रणिती शिंदे यांनी केली. यातून आता लोकांमधेच एक उमेद आहे. तेच भाजपला धडा शिकवू शकतील. जनतेच भाजपला जागा दाखवू शकते, असा विश्वास त्यांनी व्यक्त केला.

प्रचार रॅलीचा धुराळा

आज प्रचाराचा अंतिम दिवस असल्याने छत्रपती संभाजीनगर शहरात सर्वच पक्ष आज शहरातून प्रचार रॅली काढतआहे, भाजपच्या उमेदवारांच्या प्रचारार्थ मंत्री अतुल सावे यांच्या उपस्थितीत सिडको भागात प्रचार रॅली काढण्यात आली. भाजपने 94 जागेवर आपले उमेदवार उभे केले आहेत.

दोन भाऊ एकत्र आल्याचा फायदा होईल

मुंबई /महाराष्ट्राच व्हिजन पुत्र म्हणून आदित्यकडे पाहिले जाते.शाखेतील लोकांनी बळ देण्यासाठी शाखा भेट सुरु आहे.दोन भाऊ एकत्र आल्याने लोकांना आनंद झाला आणि फायदाच होईल. 2017 नंतर निवडणुका ह्या सरकार नि घेतल्या नाही. मुंबईच्या ठेवी कशा मोडून टाकल्या आणि परत अजून मुंबई गिळायची असं काही चित्र दिसतेय त्याला लोक उत्तर देतील, असे वक्तव्य माजी महापौर किशोरी पेडणेकर यांनी केले.

पैसे वाटपाची यादीच सोशल मीडियावर व्हायरल

छत्रपती संभाजीनगर शहरात बेगमपुरा भागात मनपा निवडणुकीत पैसे वाटपा वरून आगळा गोंधळ दिसून आला. पैसे वाटपासाठी करण्यात आलेली एक यादी सोशल मीडियावर व्हायरल होत आहे.त्या प्रभागातील तरुणांनी फोटोतील यादी करणाऱ्या व्यक्तीचे घर शोधले.त्या व्यक्तीला जाब विचारला सुरुवात केली.काही तरुणांनी एकत्र येत त्या व्हायरल यादीचे बॅनर लावले.शेकडो लोकांनी यादी करणाऱ्यांनी संताप केला, हा व्हिडिओ व्हायरल होत आहे.

तेजस्वी घोसाळकर यांची उद्धव सेनेवर टीका

दहिसर प्रभाग क्रमांक २ मधील भाजप उमेदवार तेजस्वी घोसाळकर यांनी प्रचारादरम्यान उद्धव सेनेवर टीका केली.तेजस्वी घोसाळकर म्हणाल्या की अभिषेक घोसाळकर यांच्या नावाने गलिच्छ राजकारण केलं जातं आहे.जर मी माझ्या पतीचा फोटो लावला नाही तर कोण लावेल? सुषमा अंधारे आणि आदित्य ठाकरे इथे येत काहीही बोलत आहेत, असे म्हटले.

प्रचाराच्या शेवटच्या दिवशी तेजस्वी घोसाळकर यांचे शक्तीप्रदर्शन

दहिसर प्रभाग क्रमांक २ मधील भाजप उमेदवार घोसाळकर कुटुंबाची सून तेजस्वी घोसाळकर या भव्य रॅलीद्वारे आपली शक्तीप्रदर्शन करत आहेत. आज निवडणूक प्रचाराचा शेवटचा दिवस आहे आणि तेजस्वी घोसाळकर आज पहिल्यांदाच मुलासह या रॅलीत सामील झाल्या आहेत.तेजस्वीच्या या रोड शोमध्ये माजी महापौर शुभा राऊळ आणि माजी खासदार गोपाळ शेट्टी उपस्थित आहेत.

भाजपला जनसेवा करण्याची पात्रता राहिली नाही – प्रणिती शिंदे

भाजपला जनसेवा करण्याची पात्रता राहिली नाही. त्यांना फक्त आता लक्ष्मीसेवा करायची आहे. जनसेवा भाजपचा खोटा चेहरा आहे. खरा चेहरा आता समोर येतोय. लोकांना हे आता कळावं आणि दिसावं अशीच मी सिद्धेश्वर महाराजांच्या चरणी पार्थना करते… असं वक्तव्य प्रणिती शिंदे यांनी केलं आहे.

डोंबिवली पूर्व तुकारामनगरमध्ये भाजप आणि शिवसेना शिंदे गट कार्यकर्त्यांची तुंबळ हाणामारी…  

डोंबिवलीच्या पॅनल क्रमांक 29 मध्ये काल रात्री पैसे वाटप चा आरोप करत राडा झाला होता. हाणामारीत उमेदवार सह चार जण जखमी असून पोलीस गुन्हा दाखल करणीची प्रक्रिया सुरू आहे. याआधी देखील भाजपच्या चार कार्यकर्त्यांकडून पैसे वाटप सुरू असल्याचा आरोप करत याच परिसरात  गोंधळ झाला होता. काल पुन्हा या ठिकाणी भाजप शिवसेना उमेदवारांसह पदाधिकारी आणि कार्यकर्त्यांमध्ये आधी शिवीगाळ नंतर थेट हाणामारी झालेली व्हिडीओ व्हायरल होत आहे.

नागपूर महानगर पालिका निवडणुकीच्या प्रचाराचा आज शेवटचा दिवस

नागपूर महानगर पालिका निवडणुकीच्या प्रचाराचा आज शेवटचा दिवस आहे. मुख्यमंत्री देवेंद्र फडणवीस यांचा रोड शो थोड्या वेळात सुरू होत आहे. वेगवेगळ्या प्रभागातून हा रोड शो जाणार असून मुख्यमंत्री स्वतः बुलेट चालविणार आहेत.

बेगमपुरा भागात मनपा निवडणुकीत पैशे वाटपा वरून आगळा गोंधळ

पैसे वाटपासाठी करण्यात आलेली एक यादी सोशल मीडियावर व्हायरल होत आहे. त्या प्रभागातील तरुणांनी फोटोतील फरशीवरून यादी करणाऱ्या व्यक्तीचे घर शोधले आहे. त्या व्यक्तीला जाब विचारला सुरुवात केली असून काही तरुणांनी एकत्र येत त्या व्हायरल यादीचे बॅनर लावले आहेत.

मुंबईत बॅनर वॉर, मातोश्री आणि भाजप कार्यालयाबाहेर उत्तर भारतीयांचे ना बटेगा ना बिकेगा पोस्टर

मुंबई महानगरपालिका निवडणुकीच्या प्रचाराचा शेवटचा टप्पा अत्यंत अटीतटीचा ठरत असतानाच शहरात राजकीय बॅनर वॉर पेटले आहे. काल रात्री उशिरा शिवसेना भवनासह मातोश्री आणि मुंबई भाजप अध्यक्ष अमित साटम यांच्या कार्यालयाबाहेर उत्तर भारतीयांच्या नावाने लक्षवेधी बॅनर लावण्यात आले होते. या बॅनरवर उत्तर भारतीय – ना बटेगा ना बिकेगा असा मजकूर लिहून राजकीय पक्षांना थेट संदेश देण्याचा प्रयत्न करण्यात आला आहे. जरी हे बॅनर सध्या प्रशासनाकडून काढून टाकण्यात आले असले, तरी प्रचाराच्या शेवटच्या क्षणी उत्तर भारतीय मतांचे ध्रुवीकरण रोखण्यासाठी हे पोस्टर कुणी लावले, याबाबत आता मुंबईच्या राजकीय वर्तुळात मोठी चर्चा रंगली आहे.

पुणे मनपा निवडणूक: प्रचाराच्या शेवटच्या दिवशी अजित पवारांचे शक्तिप्रदर्शन

पुणे महानगरपालिका निवडणुकीच्या प्रचाराचा आज अंतिम दिवस आहे. उपमुख्यमंत्री अजित पवार यांनी प्रचाराच्या मैदानात जोरदार एन्ट्री केली आहे. आज अजित पवार प्रभाग क्रमांक ३४, ३२ आणि ८ मध्ये भव्य रोड शो करत असून, त्यांच्या स्वागतासाठी कार्यकर्त्यांनी मोठी गर्दी केली आहे. प्रचाराच्या शेवटच्या टप्प्यात मतदारांना आकर्षित करण्यासाठी राष्ट्रवादी काँग्रेसने (अजित पवार गट) पूर्ण ताकद झोकून दिली आहे. या रोड शोच्या माध्यमातून अजित पवार पुण्याच्या विकासाचा अजेंडा मतदारांपर्यंत पोहोचवत असून, आजचा हा शेवटचा दिवस पुण्याच्या राजकीय वातावरणात मोठी चुरस निर्माण करणारा ठरणार आहे.

पुण्याला बदल हवाय, 16 तारखेला पुण्याचा कारभारी बदललेला दिसेल; रुपाली चाकणकर यांचा विश्वास

राष्ट्रवादी काँग्रेस (अजित पवार गट) नेत्या रुपाली चाकणकर यांनी पुणे महानगरपालिका निवडणुकीच्या पार्श्वभूमीवर मोठे विधान केले आहे. पुण्याला आता बदल हवा असून १६ तारखेला पुण्याचा कारभारी बदललेला दिसेल, असा विश्वास त्यांनी व्यक्त केला. यावेळी त्यांनी जनतेला मोठी आश्वासने देताना सांगितले की, अजित पवार हे केंद्र सरकारशी चर्चा करून पुण्यातील मेट्रो आणि बस प्रवास मोफत करतील. दरम्यान, कुख्यात गजानन मारणे याच्या प्रकरणावर विचारले असता, तो न्यायालयीन प्रक्रियेचा भाग असल्याचे सांगत त्यांनी अधिक भाष्य करणे टाळले. आगामी निवडणुकांच्या निकालाकडे आता संपूर्ण पुण्याचे लक्ष लागले आहे.

नाशिकमध्ये निवडणुकीचा थरार, आप उमेदवारावर बंदूक ताणली

नाशिकच्या सातपूर भागात प्रभाग ११ मध्ये प्रचारादरम्यान आम आदमी पक्षाचे उमेदवार समाधान आहेर यांच्यावर बंदूक ताणून त्यांना धमकी देण्यात आल्याचा धक्कादायक प्रकार समोर आला आहे. प्रचाराला फिरू नकोस असे धमकावत एका तरुणाने बंदूक काढली, मात्र तिथे उपस्थित असलेल्या संतप्त जमावाने त्याला पकडून चांगलेच चोपले आणि पोलिसांच्या ताब्यात दिले. बंदूक ताणणारा युवक हा जेलमधून निवडणूक लढवणारे आरपीआय जिल्हाध्यक्ष प्रकाश लोंढे यांचा कार्यकर्ता असल्याचा गंभीर आरोप आम आदमी पक्षाने केला आहे. या सर्व प्रकाराचा व्हिडिओ मोबाईलमध्ये कैद झाला असून, तो सोशल मीडियावर तुफान व्हायरल झाला आहे. पोलीस सध्या या प्रकरणाचा अधिक तपास करत आहेत.

सोलापुरात महायुतीत ठिणगी, भाजप आमदार देवेंद्र कोठे आणि शिवसेना शिंदे गटात थेट सामना

सोलापूर महानगरपालिका निवडणुकीच्या पार्श्वभूमीवर सत्ताधारी महायुतीमधील मित्रपक्ष असलेल्या भाजप आणि शिवसेना (शिंदे गट) यांच्यात राजकीय कलगीतुरा रंगला आहे. भाजप आमदार देवेंद्र कोठे आणि शिवसेनेचे जिल्हाप्रमुख अमोल शिंदे यांच्यात सध्या जाहीर आव्हान-प्रतिआव्हानांचे सत्र सुरू झाले असून, पालकमंत्री जयकुमार गोरे यांनी अमोल शिंदेंवर बोचरी टीका केली आहे. कोठे असले १० लोक खिशात घेऊन फिरतात, अशा शब्दांत गोरेंनी शिंदेंना लक्ष्य केले, तर अमोल शिंदे यांनीही येणाऱ्या विधानसभेला मी देवेंद्र कोठेंच्या विरोधात उमेदवार असेन,” असे खुले आव्हान देऊन निवडणुकीतील रंगत वाढवली आहे. सोलापुरात भाजप स्वबळावर, तर शिवसेना आणि राष्ट्रवादी (अजित पवार गट) युतीमध्ये लढणार असल्याने हा संघर्ष अधिक तीव्र झाला आहे.

पुणे पोलिसांची चाहूल लागताच सचिन घायवळ शेतातून फरार, मदत करणाऱ्या महिलेला ताब्यात घेण्याचे आदेश

कोथरूड गोळीबार आणि खंडणी प्रकरणात मोक्का अंतर्गत कारवाई झालेला कुख्यात गुंड निलेश घायवळचा भाऊ सचिन घायवळ पोलिसांना चकवा देऊन पुन्हा फरार झाला आहे. जामखेड तालुक्यातील एका शेतात तो लपल्याची माहिती मिळताच गुन्हे शाखेने तिथे छापा टाकला, मात्र एका महिलेच्या मदतीने तो निसटण्यात यशस्वी झाला. पोलीस आयुक्त अमितेश कुमार यांनी या प्रकरणाची गंभीर दखल घेतली असून, घायवळला पळून जाण्यास मदत करणाऱ्या त्या संबंधित महिलेला तात्काळ ताब्यात घेण्याचे आदेश दिले आहेत.

मतदानासाठी ज्येष्ठ नागरिकांना थेट मतदान केंद्रावरच जावे लागणार

75 वर्षांवरील नागरिकांना यावेळी घरोघरी मतदानाची सुविधा नाही.यामुळे वृद्ध मतदारांमध्ये नाराजी व्यक्त होत आहे. गर्दीमुळे टक्का घसरण्याची शक्यता वर्तवली जात आहे. निवडणूक आयोगाने व्हीलचेअर सह विविध सुविधा उपलब्ध केल्या आहेत. दिव्यांग व गर्भवती महिलांसाठी विशेष प्राधान्य देण्यात येणार.

महानगरपालिका निवडणुकीच्या प्रचाराचा आज अंतिम दिवस

उपमुख्यमंत्री अजित पवार यांचा आज प्रभाग क्रमांक ३४ ,३२ व ८ मध्ये रोड शो. निवडणुकीच्या प्रचाराचा आज शेवटचा दिवस

सोलापुरात महापालिका निवडणूक सत्ताधारी भाजप आणि शिवसेना शिंदे गटामध्ये जुंपली

भाजप आमदार देवेंद्र कोठे विरुद्ध शिवसेना शिंदे गटाचे जिल्हाप्रमुख अमोल शिंदे यांच्यात आव्हान-प्रतिआव्हान. असले 10 लोकं आमदार देवेंद्र कोठे खिशात घेऊन फिरतात. लढाई ही बरोबरीच्या पैलवानासॊबत केली जाते. पालकमंत्री जयकुमार गोरेंची शिवसेना जिल्हाप्रमुख अमोल शिंदेंवर टीका तर आमदार देवेंद्र कोठेंना काय खुमखूमी आलीय माहिती नाही पण येणाऱ्या विधानसभेला भाजप आमदार देवेंद्र कोठे विरुद्ध मी विधानसभेचा उमेदवार असेल.

डॉ. निखिल सैंदाणे गजाआड; ‘सिव्हिल’मधील आयसीयू फसवणूकप्रकरणी अटक

कोव्हिड काळात बनावट कंपनीमार्फत शासनाची ३ कोटी ३७ लाखांची फसवणूक केल्याचा आरोप. जिल्हा रुग्णालयाचे तत्कालीन मुख्य प्रशासकीय अधिकारी असताना गैरप्रकार. सरकारवाडा पोलिसांकडून सोमवारी सायंकाळी राहत्या घरातून अटक. नाशिक सिव्हिलमध्ये ३० खाटांचे आयसीयू उभारणीचे कंत्राट

नाशिकच्या प्रभाग 11 मध्ये उमेदवारावर ताणली बंदूक

नाशिकच्या सातपूर भागात आम आदमी पक्षाचे उमेदवार समाधान आहेर यांच्यावर बंदूक ताणत प्रचाराला न फिरण्याची दिली धमकी. घटनेनंतर जमावाने बंदूक ताणणाऱ्या तरुणाला चोप देत दिले पोलिसांच्या ताब्यात. बंदुक ताणणारा युवक जेल मधून निवडणूक लढणारा आर पी आय जिल्हाध्यक्ष प्रकाश लोंढेचा कार्यकर्ता असल्याचा आम आदमी पक्षाचा आरोप

पुणे- राज्यातील 107 परीक्षा केंद्र रद्द

पुणे- राज्यातील 107 परीक्षा केंद्र रद्द करण्यात आल्या आहेत. गैरप्रकार आढळल्याने केंद्रावर राज्य मंडळाची कारवाई करण्यात आली. महाराष्ट्र राज्य माध्यमिक आणि उच्च माध्यमिक शिक्षण मंडळातर्फे दहावी आणि बारावीच्या परीक्षेत यापूर्वी काही प्रकार झालेल्या परीक्षा केंद्रावर कारवाईचा बडगा उभारण्यात आला आहे. त्यानुसार राज्यभरातील दहावीची 31 बारावीची 76 केंद्राची मान्यता रद्द करण्यात आले आहे. यात परीक्षा केंद्र छत्रपती संभाजी नगर विभागातील आहेत.

नाशिक- टिळकवाडी तरण तलाव रस्ता तब्बल १२ महिने पूर्णतः बंद राहणार

नाशिक- टिळकवाडी तरण तलाव रस्ता तब्बल १२ महिने पूर्णतः बंद राहणार आहे. रस्ता रुंदीकरण आणि मजबुतीकरण कामासाठी वाहतूक बंदी करण्यात आली. महापालिका आणि सार्वजनिक बांधकाम विभागाकडून निर्णय घेण्यात आला आहे. अवजड वाहनांना या मार्गावर पूर्ण मज्जाव करण्यात आला आहे.

नाशिकच्या प्रभाग 11 मध्ये उमेदवारावर ताणली बंदूक

नाशिकच्या प्रभाग 11 मध्ये उमेदवारावर बंदूक ताणली गेली. नाशिकच्या सातपूर भागात आम आदमी पक्षाचे उमेदवार समाधान आहेर यांच्यावर बंदूक ताणत प्रचाराला न फिरण्याची धमकी देण्यात आली. घटनेनंतर जमावाने बंदूक ताणणाऱ्या तरुणाला चोप देत पोलिसांच्या ताब्यात दिलं. बंदुक ताणणारा युवक जेलमधून निवडणूक लढणारा आर पी आय जिल्हाध्यक्ष प्रकाश लोंढेचा कार्यकर्ता असल्याचा आम आदमी पक्षाचा आरोप आहे.

जळगावात पैसे वाटप करतानाचा व्हिडिओ व्हायरल

जळगावात पैसे वाटप करतानाचा व्हिडिओ व्हायरल झाला असून या व्हिडिओबाबत अपक्ष उमेदवारांनी जिल्हाधिकाऱ्यांकडे लेखी तक्रार दाखल केली आहे. प्रभाग 11 मधील शिवसेना शिंदे गटाच्या उमेदवारांच्या कार्यकर्त्यांकडून मतदारानां मतदानासाठी पैसे वाटप केले जात असल्याचं लेखी तक्रारीत नमूद आहे. पैसे दिल्यावर मतदान कसं आणि कुणाला करावं याबाबत देखील डेमो दिला जात असल्याचं व्हिडिओमध्ये पहायला मिळत आहे.

नाशिक- 122 जागांसाठी 729 उमेदवारांचा प्रचार आज थांबणार

नाशिक- 122 जागांसाठी 729 उमेदवारांचा प्रचार आज थांबणार आहे. अनेक ठिकाणी आज प्रचार रॅली आणि घरोघरी जाऊन प्रचार करण्यात येणार आहे. प्रभाग क्रमांक 25 मध्ये सर्वाधिक मतदान केंद्र असणार आहेत. निवडणुकीच्या कामासाठी दहा निवडणूक निर्णय अधिकारी, 30 सहाय्यक निवडणूक निर्णय अधिकारी, तसंच दहा हजार कर्मचारी तैनात असतील.

नाशिकमध्ये भाजपकडून 54 बंडखोरांची हकालपट्टी 

नाशिकमध्ये भाजपकडून 54 बंडखोरांची हकालपट्टी करण्यात आली आहे. हकालपट्टी करण्यात आलेल्यांमध्ये माजी महापौरांसह 20 माजी नगरसेवकांचा समावेश आहे. नाशिकमध्ये भाजपच्या इतिहासातील ही सर्वात मोठी कारवाई आहे. भाजपच्या अधिकृत उमेदवारांविरोधात अपक्ष उमेदवारी ( बंडखोरी ) आणि पक्षाची शिस्त मोडल्याने कारवाई करण्यात आली. भाजप शहराध्यक्ष सुनील केदार यांच्याकडून कारवाई करण्यात आली.

गुंड निलेश घायवळचा भाऊ सचिन घायवळ शेतातून फरार

पुणे- पोलीस शोधत येत असल्याची माहिती मिळताच गुंड निलेश घायवळचा भाऊ सचिन घायवळ शेतातून फरार झाला. कोथरूड गोळीबार प्रकरणी गुंड निलेश घायवळ परदेशात लपून बसला आहे. तर त्याचा भाऊ सचिन घायवळवर मकोका अंतर्गत कारवाई करण्यात आलीय. एका व्यावसायिक महिलेकडून 40 लाखांची खंडणी उकळल्याप्रकरणी सचिन घायवळवर कारवाई करण्यात आली. गुन्हा दाखल झाल्यापासून सचिन घायवळ फरार असून तो जामखेड तालुक्यातील एका शेतात लपल्याची माहिती गुन्हे शाखेला मिळाली होती.