Maharshtra News LIVE : आज राहुल गांधी पुण्यात, दौऱ्यापूर्वीच एनएसयू अभाविपमध्ये जोरदार राडा
आज काँग्रेस नेते राहुल गांधी महाराष्ट्राच्या दौऱ्यावर आहेत, ते पुण्यामध्ये छात्रों की गुंज कार्यक्रमात सहभागी होणार आहेत. यासह राज्यातील इतर महत्त्वाच्या घडामोडी, देश-विदेशातील, क्रीडा आणि मनोरंजन क्षेत्रातील इतरही अपडेट्स जाणून घेण्यासाठी हा ब्लॉग फॉलो करा.
LIVE NEWS & UPDATES
-
मिरा -भाईंदरमध्ये ज्वेलर्सच्या दुकानातून नोकराने लांबवले ४ कोटींचे सोने
मिरारोड पूर्वेतील ‘शगुन गोल्ड’ दुकानातून ३५ वर्षीय नोकर दिनेश रावत याने ४ किलो ३०० ग्रॅम सोन्याचे दागिने लांबवले आहे, ज्या दागिन्यांची किमंत अंदाजे, 4 कोटी रुपये एवढी आहे, या प्रकरणात गुन्हा दाखल करण्यात आला असून, आरोपीचा शोध सुरू असल्याची माहिती पोलिसांकडून देण्यात आली आहे.
-
पावसामध्ये मोठा खंड, जालना जिल्ह्यात शेतकऱ्यांची चिंता वाढली
पावसाळा सुरू होऊन दोन महिन्याचा कालावधी उलटून गेला असला तरीही जालना जिल्ह्यात अद्यापही दमदार पाऊस झाला नसल्याने ग्रामीण भागातले छोटे-मोठे पाझर तलाव नदी ओढे अद्यापही कोरडेच आहेत, जेमतेम झालेल्या पावसावर शेतकऱ्यांची पिके तग धरून होती, मात्र अशातच गेल्या पंधरा दिवसांपासून पाऊस न पडल्यामुळे शेतकऱ्यांची चिंता वाढली आहे, पिके सुकू लागली आहेत.
-
-
कळंबमध्ये नगरसेवकांच्या पक्षांतरावरून ठाकरे गट आक्रमक
महाविकास आघाडीच्या माध्यमातून निवडून आलेल्या शिवसेना ठाकरे गटाच्या ९ नगरसेवकांनी भाजपमध्ये प्रवेश केल्याच्या निषेधार्थ ठाकरे गटाकडून कळंब शहरात फलकबाजी करण्यात आली आहे. या पक्षप्रवेशाविरोधात शिवसेना ठाकरे गटाच्या कार्यकर्त्यांनी चांगलीच आक्रमक भूमिका घेतली आहे.
-
आज राहुल गांधी पुण्यात, दौऱ्यापूर्वीच एनएसयू अभाविपमध्ये जोरदार राडा
आज काँग्रेस नेते राहुल गांधी महाराष्ट्राच्या दौऱ्यावर आहेत, ते पुण्यामध्ये छात्रों की गुंज कार्यक्रमात सहभागी होणार आहेत. मात्र त्यापूर्वीच एनएसयू आणि अभविपमध्ये जोरदार राडा झाला आहे, या प्रकरणात पोलिसांकडून गुन्हा दाखल करण्यात आला आहे.
आज काँग्रेस नेते राहुल गांधी महाराष्ट्राच्या दौऱ्यावर आहेत, ते पुण्यामध्ये छात्रों की गुंज कार्यक्रमात सहभागी होणार आहेत. नीट परीक्षेचा पेपर फुटल्यानंतर देशभरात वातावरण चांगलंच तापलं होतं, या प्रकरणात शिक्षण मंत्री धर्मेंद्र प्रधान यांच्या राजीनाम्यासाठी कॉकरोच जनता पार्टीच्या वतीने मोठं आंदोलन उभारण्यात आलं, अखेर त्यानंत धर्मेंद्र प्रधान यांनी आपल्या पदाचा राजीनामा दिला, या सर्व पार्श्वभूमीवर राहुल गांधी यांच्या या कार्यक्रमाला विशेष महत्त्व प्राप्त झालं आहे. दरम्यान दुसरीकडे राहुल गांधी हे पुण्यात येण्यापूर्वीच एनएसयू आणि अभाविपमध्ये चांगलीच जुंपल्याची पहयला मिळत आहे. शुक्रवारी रात्री जोरदार राडा झाला, या प्रकरणात पोलिसांनी गुन्हा दाखल केला आहे. यासोबतच आज आपण इतरही अनेक घडामोडी जाणून घेणार आहोत.
Published On - Aug 22,2026 9:34 AM
