Maharashtra News LIVE: बच्चू कडूंना विधान परिषदेचे आमदारकी देण्यात शिंदेंची शिवसेना इच्छुक..
Maharashtra News LIVE Updates : बच्चू कडू यांची आज शिंदेंच्या शिवसेना नेत्यांसोबत महत्त्वाची बैठक आहे. विधान परिषदेच्या आमदारकीसाठी त्यांच्यासमोर मोठी अट आहे. त्यावर बच्चू कडू काय निर्णय घेतात, हे पाहणं महत्त्वाचं ठरणार आहे.
LIVE NEWS & UPDATES
-
ॲस्टोमो कंपनीत वरिष्ठ अधिकाऱ्याकडून महिलेचा विनयभंग
जळगावच्या बांभोरी येथील ॲस्टोमो कंपनीत वरिष्ठ अधिकाऱ्याकडून शरीर सुखाची मागणी करत कर्मचारी महिलेचा विनयभंग. पीडित महिलेने दिलेल्या तक्रारीवरून जनार्दन नामक कंपनीच्या वरिष्ठ अधिकाऱ्यावर धरणगाव पोलिस ठाण्यात गुन्हा दाखल झाला आहे. पीडिती महिलेने तिच्या आजारी मुलीसाठी सुट्टी मागितली असता अधिकाऱ्याची महिलेकडे शरिरसुखाची मागणी करत जबरदस्ती करण्याचा प्रयत्न. तू खूप सुंदर आहे, मला तू आवडते, तू मला खुश कर, मी तुला दोन दिवस काय दहा दिवसाच्या सुट्ट्या देईन आणि पगारही कापणार नाही,” असे म्हणून अधिकाऱ्याने पीडितेचा विनयभंग केल्याचे तक्रारीत नमूद
-
पिंपरी चिंचवड शहरात आज सायंकाळी पाणीपुरवठा बंद
ॉपिंपरी चिंचवड महापालिकेच्या वतीन निगडी जलशुद्धीकरण केंद्रात करण्यात येणाऱ्या स्थापत्य आणि विद्युत विषयक देखभाल-दुरुस्तीच्या कामामुळ आज पिंपरी चिंचवड शहरातील सर्व भागांचा सायंकाळचा पाणीपुरवठा बंद राहणार आहे. तसेच उद्याही सकाळचा पाणीपुरवठा अनियमित आणि कमी दाबाने होणार आहे. नागरिकांनी पाण्याचा पुरेसा साठा करावा,अस आवाहन महापालिकेच्या पाणीपुरवठा विभागाच्या वतीन करण्यात आलय.
-
-
बच्चू कडूंना विधान परिषदेचे आमदारकी देण्यात शिंदेंची शिवसेना इच्छुक..
बच्चू कडू आणि मंत्री उदय सामंत यांच्यामध्ये मुंबईत काल झालेल्या बैठकीची इनसाईड स्टोरी tv9 मराठीच्या हाती. बच्चू कडूंना विधान परिषदेचे आमदारकी देण्यात शिंदेंची शिवसेना इच्छुक; मात्र प्रहारच्या विलानीकरणाच्या मुद्द्यावर एकमत नाही. बैठकीमध्ये बच्चू कडूंनी विलनीकरणासंदर्भात ठोस निर्णय घेतला नाही. प्रहार चे शिवसेनेत विलानीकरण करणार की नाही याबाबत कालच्या बैठकीत बच्चू कडू यांनी भूमिका स्पष्ट केली नाही. आज देखील बच्चू कडू यांची शिवसेनेच्या वरिष्ठ नेत्यासोबत सोबत बैठक..
-
मस्साजोग ग्रामपंचायत निवडणुकीसाठी आज मतदान
मस्साजोगच्या ग्रामपंचायत समितीच्या सरपंचपदासाठी आज निवडणूक आहे. संतोष देशमुख यांच्या निधनानंतर ही निवडणूक बिनविरोध व्हावी, अशी सर्वांची इच्छा होती. मात्र, तसे होऊ शकले नाही. आज मतदान प्रक्रियेला सुरूवात झाली.
-
उच्च न्यायालयाच्या कर्मचारी भरती प्रक्रियेच्या लेखी परीक्षेदरम्यान केंद्रात मोबाईल नेणाऱ्या परीक्षार्थी उमेदवाराला अटक
जळगावात उच्च न्यायालयाच्या कर्मचारी भरती प्रक्रियेच्या लेखी परीक्षेदरम्यान केंद्रात मोबाईल नेणाऱ्या परीक्षार्थी उमेदवाराला अटक करण्यात आली आहे. परीक्षेदरम्यान मोबाईल नेण्यास मनाई असतानादेखील परीक्षार्थी उमेदवाराने परीक्षा केंद्रात मोबाईल नेल्याचा प्रकार समोर आला. परीक्षार्थी उमेदवाराविरोधात गुन्हा दाखल करण्यात आला असून त्याला अटक झाली आहे. मुंबई उच्च न्यायालयाच्या लिपिक, शिपाई, वाहनचालक या पदांच्या परीक्षेदरम्यान गणेश कॉलनीमधील प. न. लुंकड कन्या शाळेच्या केंद्रावर प्रकार घडला आहे.
-
-
बच्चू कडू हे उपमुख्यमंत्री एकनाथ शिंदे यांच्या शिवसेनेकडून विधान परिषदेवर जाण्याची शक्यता
प्रहारचे अध्यक्ष बच्चू कडू हे उपमुख्यमंत्री एकनाथ शिंदे यांच्या शिवसेनेकडून विधान परिषदेवर जाण्याची शक्यता आहे. शिवसेनेचे नेते मंत्री उदय सामंत यांच्यासोबत बच्चू कडूंची काल मुंबईत बैठक झाल्याची सूत्रांची माहिती आहे. आज देखील शिवसेनेच्या नेत्यांसोबत बच्चू कडूंची महत्त्वाची बैठक आहे. विधान परिषदेच्या आमदारकीसाठी प्रहार पक्ष शिवसेनेत विलीन करावा लागणार, अशी मोठी अट बच्चू कडू यांच्यासमोर शिवसेनेची आहे.
-
नाशिक मेडिकल कॉलेजमध्ये लिफ्ट दुर्घटनेत महिला कर्मचाऱ्याचा उपचारादरम्यान मृत्यू
नाशिक मेडिकल कॉलेजमध्ये लिफ्ट दुर्घटनेत महिला कर्मचाऱ्याचा उपचारादरम्यान मृत्यू झाला. आडगाव परिसरातील मेडिकल कॉलेजमध्ये कामावर असताना ज्योती अहिरे यांच्या अंगावर लिफ्ट कोसळल्याची घटना घडली होती. गंभीर जखमी अवस्थेत उपचार सुरू असतानाच ज्योती अहिरे यांचा मृत्यू झाल्याची माहिती समोर येत आहे. दैनंदिन कर्तव्य बजावताना घडलेल्या या भीषण घटनेने मेडिकल कॉलेज परिसरात खळबळ उडाली आहे.
-
-
नाशिकमध्ये साधूग्रामसाठी तपोवनात भूसंपादन वेगात
नाशिकमध्ये साधूग्रामसाठी तपोवनात भूसंपादन वेगात होत असून जमीनमालकांवर अन्याय होऊ देणार नाही अशी स्पष्ट ग्वाही महापौरांनी दिली आहे. सिंहस्थ कुंभमेळ्यासाठी आवश्यक ३७७ एकरपैकी ९४ एकर जमीन आधीच अधिग्रहित असून उर्वरित २८३ एकर संपादन प्रक्रिया सुरू आहे. अतिरिक्त १९२ एकर भूसंपादनाचा प्रस्तावही जिल्हाधिकारी कार्यालयामार्फत राज्य शासनाकडे पाठवला आहे. तपोवन बैठकीत जमीनमालकांनी सेल इंडेक्सनुसार दर निश्चितीची मागणी करत भरपाईबाबत भूमिका मांडली. महापौर हिमगौरी आडके यांनी मुख्यमंत्री आणि कुंभमेळामंत्र्यांशी चर्चा करून प्रश्न शिखर समितीसमोर मांडण्याचं आश्वासन दिलं.
-
जळगावच्या पिंप्राळा परिसरात नागरिकांना दूषित पाण्याचा पुरवठा
जळगावच्या पिंप्राळा परिसरात नागरिकांना दूषित पाण्याचा पुरवठा होत असून नळातून चक्क मातीच्या रंगाचं पाणी येत आहे. यामुळे नागरिकांचं आरोग्य धोक्यात आलं आहे. पिंप्राळा परिसरात ओमकार पार्क परिसरात दूषित पाण्याचा पुरवठा होत आहे. नळातून माती बरोबरच इतर कचरा येत असल्याने पाणी पिण्यायोग्य नसल्याची नागरिकांची माहिती आहे. महापालिकेनं पाणी पुरवठा करणाऱ्या जलवाहिनीची तपासणी करून दुरुस्ती करण्याची नागरिकांची मागणी आहे.
-
मुख्यमंत्री देवेंद्र फडणवीस आज सोलापूर दौऱ्यावर
मुख्यमंत्री देवेंद्र फडणवीस आज सोलापूर दौऱ्यावर असून ते बार्शी इथं भगवंताची महापूजा तसंच सोलापुरात भव्य कार्यकर्ता मेळाव्याला उपस्थित राहणार आहेत. सोलापुरातील ऐतिहासिक विजयाच्या उत्सवानिमित्त निवडून आलेल्या पदाधिकाऱ्यांचा सत्कार करण्यात येणार आहे. यावेळी फडणवीस कार्यकर्त्यांना संबोधित करणार आहेत. शहरातील हरीभाई देवकरण प्रशालेच्या मैदानावर हा मेळावा पार पडणार आहे.
-
धाराशिव जिल्हा परिषदेच्या स्वीकृत सदस्य निवडीचे राजपत्र जाहीर
धाराशिव जिल्हा परिषदेच्या स्वीकृत सदस्य निवडीचं राजपत्र जाहीर करण्यात आलं आहे. धाराशिव जिल्हा परिषदेमध्ये पाच स्वीकृत सदस्यांची निवड होणार आहे. जिल्हा परिषदेचा निकाल लागल्यानंतर तब्बल 95 दिवसानंतर स्वीकृत सदस्य निवडीचं राजपत्र जाहीर करण्यात आलं. स्वीकृत सदस्य निवडीचे सर्व अधिकार जिल्हाधिकाऱ्यांना असून जिल्हा परिषदसह पंचायत समितीमध्येही स्वीकृत सदस्य असणार आबेत. सदस्य संख्याबळाआधारे स्वीकृत सदस्याची निवड होणार आहे.
-
धुळ्यातील शिरपुरात १३ वर्षीय मुलीवर लैंगिक अत्याचार
धुळ्यातील शिरपुरात १३ वर्षीय मुलीवर लैंगिक अत्याचार करण्यात आला. कुटुंबासह भाडेकरु म्हणून राहण्यासाठी आलेल्या नराधमानेच हा अत्याचार केला. याप्रकरणी शिरपूर शहर पोलीस ठाण्यात गुन्हा दाखल करण्यात आला आहे. भूषण गुलाब पाटील या २४ वर्षीय नराधमाला शिरपूर शहर पोलिसांनी अटक केली आहे. या घटनेचा पुढील तपास सुरू आहे.
-
गोंदिया जिल्ह्यात उन्हाचा कडाका वाढल्याने शाळेच्या वेळेत बदल
गोंदिया जिल्ह्यात उन्हाचा कडाका वाढला असून शाळांच्या वेळेत बदल करण्यात आला आहे. त्यामुळे आता सकाळी 7 ते 10 पर्यंत शाळांची वेळ असेल. जिल्हाधिकाऱ्यांनी हे नवे आदेश दिले आहेत.
प्रहारचे अध्यक्ष बच्चू कडू हे उपमुख्यमंत्री एकनाथ शिंदे यांच्या शिवसेनेकडून विधान परिषदेवर जाण्याची शक्यता आहे. शिवसेनेचे नेते मंत्री उदय सामंत यांच्यासोबत बच्चू कडू यांची सोमवारी मुंबईत बैठक झाल्याची सूत्रांची माहिती आहे. आजदेखील शिवसेनेच्या नेत्यांसोबत बच्चू कडूंची महत्त्वाची बैठक आहे. विधान परिषदेच्या आमदारकीसाठी प्रहार पक्ष शिवसेनेत विलीन करावा लागणार, अशी मोठी अट बच्चू कडू यांच्यासमोर शिवसेनेची आहे. बच्चू कडू काय निर्णय घेणार, हे आज स्पष्ट होण्याची शक्यता आहे. तर दुसरीकडे मुख्यमंत्री देवेंद्र फडणवीस आज सोलापूर दौऱ्यावर आहेत. बार्शी इथं भगवंताची महापूजा तसंच सोलापुरात भव्य कार्यकर्ता मेळाव्याला ते उपस्थित राहणार आहेत. सोलापुरातील ऐतिहासिक विजयाच्या उत्सवानिमित्त निवडून आलेल्या पदाधिकाऱ्यांचा सत्कार करण्यात येणार असून यावेळी फडणवीस कार्यकर्त्यांना संबोधित करणार आहेत. यासह राज्यातील इतर घडामोडी, देश-विदेश, मनोरंजन, क्रीडा क्षेत्रातील अपडेट्स जाणून घेण्यासाठी हा ब्लॉग फॉलो करा.
Published On - Apr 28,2026 8:00 AM
