Maharashtra News LIVE : मुंबईकडे कूच करण्यासाठी जरांगे पाटलांचा बी प्लॅन तयार

मराठा आरक्षण आंदोलनाचे नेते मनोज जरांगे पाटील आजपासून अंतरवली सराटीत आमरण उपोषणाला बसणार आहेत. 58 लाख नोंदींची कुणबी प्रमाणपत्रे आणि त्यांची पडताळणी तातडीने करावी ही त्यांची मागणी आहे. छत्रपती संभाजीनगर जिल्ह्यातल्या वैजापूर मध्ये काल पाण्याच्या टाकीवर चढून आंदोलन करण्यात आलं होतं. खरंतर जात वैधता प्रमाणपत्र काढण्याच्या संदर्भात गेल्या आठ महिन्यांपासून सोनवणे कुटुंब जात पडताळणी समितीकडे चकरा मारत आहे. मात्र कागदपत्राची पूर्तता करूनही जात प्रमाणपत्र निघत नसल्याने सोनवणे कुटुंब काल पाण्याच्या टाकीवर चढून संतापल्याचं पहायला मिळालेलं होतं. मात्र जरांगे पाटील यांनी फोन द्वारे संवाद साधून त्यांना अंतरवलीत येण्याचा आवाहन केलं होतं. त्यामुळे ते थेट आता आंतरवाली सराटीमध्ये जरांगे पाटलांच्या भेटीसाठी दाखल झालेलं आहे.