Maharashtra News LIVE : संजय राऊत मालेगाव कोर्टात हजर
Maharashtra News LIVE Updates : आगामी कुंभमेळ्याच्या पार्श्वभूमीवर कुंभ दूत ॲपचे लॉन्चिंग करण्यात आलं. सिंहस्थात २० पेक्षा अधिक भाषांमध्ये 'कुंभदूत' ॲप काम करणार आहे. श-विदेश, महाराष्ट्र, क्रीडा, मनोरंजन क्षेत्रातील सर्व घडामोडींचे ताजे अपडेट्स या ब्लॉगमध्ये वाचायला मिळतील.
LIVE NEWS & UPDATES
-
व्याजाने दिलेले पैसे परत कर म्हणत अपमानास्पद वागणूक दिल्याने तरुणाची आत्महत्या
बीडच्या धारूर तालुक्यातील गावंदरा गावच्या एका बावीस वर्षीय तरुणाने गळफास घेऊन आत्महत्या केल्याची घटना घडली. धर्मराज बडे असे या तरुणाचे नाव आहे. बडे यांना बालासाहेब कांबळे याने पन्नास हजार रुपये व्याजाने दिले होते. ते परत मागण्यासाठी कांबळे हा बडे यांच्या घरी गेला होता आणि त्या ठिकाणी बडे याच्या कुटुंबीयांच्या विषयी अश्लील शब्द वापरत कांबळे याने त्रास दिला होता.
-
भूम तालुक्यातील शेतकऱ्याच्या कथित अपहरण प्रकरणाला नवे वळण
पाटसांगवी गावात 60 वर्षीय शेतकऱ्याचे सख्या पुतण्याने अपहरण करून जबरदस्तीने जमीन खरेदी करून घेतल्याचा आरोप काही दिवसांपूर्वी समोर आला होता. संबंधित वृद्ध शेतकऱ्याला अनेक दिवस डांबून ठेवून मारहाण व दमदाटी करण्यात आल्याचा दावा करण्यात आला होता. या दबावाखाली त्याच्या नावावर असलेली साडेसहा एकर जमीन जबरदस्तीने खरेदी करून घेतल्याचे आरोप होते.
-
-
पेपर सुरू झाला अन् अवघ्या 10 मिनिटांत 10 रुपयाला प्रश्नपत्रिका विकली गेली
दमहाराष्ट्र राज्य माध्यमिक आणि उच्च माध्यमिक शिक्षण मंडळाच्या वतीने शुक्रवारपासून दहावीच्या परीक्षेला सुरुवात झाली. मात्र, पहिल्याच दिवशी मातृभाषा असलेल्या मराठीच्या पेपरमध्ये कॉपीमुक्त अभियानाचा पैठणमध्ये अक्षरशः फज्जा उडाल्याचे धक्कादायक चित्र समोर आले आहे. परीक्षा केंद्राबाहेर पोलिसांनी उपस्थित असतानाही उघडपणे कॉपीची देवाणघेवाण सुरू होती. हा सर्व प्रकार काल घडला असून त्याचा व्हिडीओ आता व्हायरल होत आहे
-
संजय राऊत मालेगाव कोर्टात हजर
संजय राऊत हे नुकताच मालेगाव कोर्टात हजर झाले आहेत. दादा भुसे यांनी संजय राऊत यांच्याविरोधात अब्रुनुकसानीचा दावा केला होता, त्याच्या सुनावणीसाठी राऊत कोर्टात हजर झाले.
-
राहुल गांधी यांना मुलुंड चेक नाका इथे कार्यकर्त्यांनी दाखवले काळे झेंडे
राहूल गांधी यांना मुलुंड चेक नाका इथे कार्यकर्त्यांनी दाखवले काळे झेंडे. मोठा पोलीस बंदोबस्त असूनही राहूल गांधींनी दाखवण्यात आले काळे झेंडे. पोलिसांकडून अज्ञातांची धरपकड
-
-
गृह विभागाने काढली माजी विरोधी पक्षनेते अंबादास दानवे यांची वाय प्लस सुरक्षा
माजी विरोधी पक्षनेते अंबादास दानवे यांची वाय प्लस सुरक्षा गृह विभागाने काढली आहे. सुरक्षा पुनरावलोकन समितीच्या अहवाला नंतर निर्णय घेतल्याची माहिती समोर आली आहे. अंबादास दानवे यांचा विरोधी पक्षनेते पदाचा कालावधी संपल्यानंतर वाय प्लस सुरक्षा काढून घेण्यात आली.
-
संतोष देशमुख खून प्रकरणाची बीडच्या विशेष मकोका न्यायालयात सुनावणी.
बीड – संतोष देशमुख खून प्रकरणाची बीडच्या विशेष मकोका न्यायालयात सुनावणी होणार आहे. आरोप निश्चिती झाल्यानंतर आज प्रथमच खून आणि खंडणी या प्रकरणांवर युक्तिवाद सुरू होण्याची शक्यता आहे. आजच्या सुनावणीत आरोपी विष्णू चाटे याने बीड कारागृहात ठेवण्यासंदर्भात केलेल्या अर्जावर देखील सुनावणी होऊ शकते.
-
-
पोलिस असल्याचे सांगून भामट्यांचा वृद्धेला गंडा, दीड लाखांचे दागिने लंपास
जळगाव शहरातील जुने जळगाव परिसरात तीन भामट्यांनी महिलेची फसवणूक केली. आम्ही पोलिस आहोत, पुढे खून झालाय, पुढे जाऊ नका, असे सांगून तीन भामट्यांनी वृद्धेला फसवलं आणि तिचे 1 लाख 56 हजारांचे सोन्याचे दागिने काढून घेऊन फसवणूक केली.
-
वाळूज येथे सावत्र बापाकडूनच मुलीवर अत्याचार, आरोपी फरार
छत्रपती संभाजीनगरमध्ये माणू,सकीला काळिमा फासणारी घटना घडली आहे. वाळीज परिसरात सावत्र बापानेच चिमुरड्या मुलीवर अत्याचार केल्याची घटना उघडकीस आली. या घटनेनमतर आरोपी पिता फरार झाला असून पोलिसांनी गुन्हा दाखल करत त्याचा शोध सुरू केला आहे.
-
छत्रपती संभाजीनगर – शिवजयंतीच्या मिरवणुकीत गर्दीचा फायदा घेत चोरट्यांनी केला हात साफ
छत्रपती संभाजीनगर शहरातील क्रांती चौक परिसरात शिवजयंतीनिमित्त आयोजित करण्यात आलेल्या मिरवणुकीत चोरट्यांनी डल्ला मारला. छत्रपती शिवाजी महाराज पुतळा परिसरात दर्शनासाठी झालेल्या प्रचंड गर्दीचा फायदा घेत अज्ञात चोरट्यांनी डल्ला मारला. मिरवणूक पाहण्यासाठी आलेल्या 12 महिलांची मंगळसूत्रे आणि 3 तरुणांच्या सोन्याच्या साखळ्या चोरट्यांनी लांबवल्या आहेत.
-
धाराशिव जिल्ह्यात भूम, परांडा आणि वाशी तालुक्यात ठाकरे शिवसेनेला खिंडार ?
भूम, परंडा आणि वाशी तालुक्यातील उद्धव बाळासाहेब ठाकरे यांच्या शिवसेनेला मोठा धक्का बसण्याची चिन्हे दिसत आहेत. जिल्हा परिषद आणि पंचायत समिती निवडणुकीत पराभूत झालेल्या उमेदवारांनी आता पक्षांतराची तयारी सुरू केल्याची माहिती समोर आली आहे. जिल्हा परिषद आणि पंचायत समितीला पराभूत झालेल्या उमेदवारांनी घेतलेल्या मंथन बैठकीत पक्षांतराचा सूर दिसत आहे.
-
राहुल गांधी आज मुंबईत
लोकसभेचे विरोधी पक्ष नेते राहुल गांधी आज मुंबईत येणार आहेत. त्यांच्या आगमनाच्या पार्श्वभूमीवर मुंबई विमानतळावर सुरक्षा वाढवण्यात आली आहे. राहुल गांधी सकाळी 9 वाजून 15 मिनिटांच्या सुमारास छत्रपती शिवाजी महाराज आंतरराष्ट्रीय विमानतळावर पोहोचतील. त्यानंतर भिवंडी सत्र न्यायालयामध्ये 11.30 वाजता हजर होणार आहे. राहुल गांधींच्या स्वागतासाठी काँग्रेस कार्यकर्ते मुंबई विमानतळावर पोहोचले आहेत.
लोकसभेतील विरोधी पक्ष नेते राहुल गांधी आज मुंबईच्या दौऱ्यावर येणार आहेत. सकाळी 11.30 वाजत भिवंडी सत्र न्यायालयात ते हजर होणार आहेत. महात्मा गांधी यांच्या हत्येमागे आरएसएसचा हातच असल्याचं वक्तव्य राहुल गांधी यांनी केलं होतं. या संदर्भात कोर्टात नवीन जामीनदार सादर करण्यात येणार आहे. त्याच पार्श्वभूमीवर राहुल गांधी आज मुंबईत येणार आहेत. छत्रपती संभाजीनगर येथे शहरातील क्रांती चौक परिसरात शिवजयंतीनिमित्त आयोजित करण्यात आलेल्या मिरवणुकीत चोरट्यांनी हात साफ केला. १२ महिलांची मंगळसूत्रे आणि तीन तरुणांच्या साखळ्या लंपास करण्यात आल्या. शिवसेना ठाकरे गटाचे खासदार संजय राऊत मालेगाव न्यायालयात हजर राहणार आहेत. मंत्री दादा भुसे यांनी गिरणा सहकारी साखर कारखान्यात 178 कोटी रुपयांचा शेअर्स घोटाळा केल्याचा बदनामीकारक मजकूर सामनामध्ये प्रसिद्ध केल्याचा आरोप खासदार संजय राऊत यांच्यावर केला आहे. यासह देश-विदेश, महाराष्ट्र, क्रीडा, मनोरंजन क्षेत्रातील बातम्या वाचण्यासाठी दिवसभर हा ब्लॉग फॉलो करा.
Published On - Feb 21,2026 9:02 AM
