Marathi News Photo gallery Madhuri dixit luxurious mumbai home on 53rd floor art meets smart technology music room arabian sea view
Madhuri Dixit: माधुरी दीक्षितचं 53 व्या मजल्यावरचं स्वप्नवत घर; समुद्राच्या विहंगम दृश्यापासून म्युझिक रुमपर्यंत, पहा खास झलक
Madhuri Dixit: मुंबईतील एका उंच इमारतीच्या 53 व्या मजल्यावर माधुरी दीक्षितचं हे अत्यंत आलिशान आणि सुंदर असं घर आहे. या घरातून समुद्राचं विहंगम दृश्य पहायला मिळतं.
बॉलिवूडची ‘धकधक गर्ल’ माधुरी दीक्षित हिच्या अभिनयाइतकंच तिचं वैयक्तिक आयुष्य आणि तिची लाइफस्टाइलही चाहत्यांच्या चर्चेचा विषय असते. आता तिच्या मुंबईतील आलिशान घराची झलक समोर आली असून, या घरातील प्रत्येक कोपरा माधुरी आणि तिचे पती डॉ. श्रीराम नेने यांच्या आवडी-निवडीची खास झलक दाखवतो.
1 / 9
तब्बल 5500 चौरस फुटांच्या या घराची खासियत म्हणजे समुद्राचं विहंगम दृश्य, आधुनिक तंत्रज्ञान आणि प्रसिद्ध चित्रकार एम. एफ. हुसैन यांच्या कलाकृतींचा अप्रतिम संगम.
2 / 9
माधुरी आणि डॉ. श्रीराम नेने यांचं हे घर मुंबईतील एका उंच इमारतीच्या 53व्या मजल्यावर आहे. या घरातून अरबी समुद्र आणि मुंबईच्या स्कायलाइनचं सुंदर दृश्य दिसतं. घराची रचना प्रसिद्ध आर्किटेक्ट अपूर्वा श्रॉफ यांनी केली आहे.
3 / 9
घरासाठी माधुरी आणि डॉ. नेने यांची कल्पना अगदी स्पष्ट होती. आधुनिक, पण कमीत कमी सजावट असलेलं आणि कुटुंबाला आरामदायी वाटेल असं घर. त्यामुळे घराच्या इंटिरिअरमध्ये सरळ रेषा, न्यूट्रल रंग आणि मोकळी जागा यांना महत्त्व देण्यात आलं आहे.
4 / 9
या घरात प्रवेश करताच सर्वांचं लक्ष वेधून घेतात त्या एम. एफ हुसैन यांच्या रंगीबेरंगी पेंटिंग्स. हुसैन यांनी माधुरीला काही खास चित्रं भेट दिली होती. घराच्या प्रवेशद्वाराजवळच हुसैन यांची गणेशाची चित्रं पाहायला मिळतात.
5 / 9
डॉ. श्रीराम नेने हे तंत्रज्ञानाचे चाहते असल्यामुळे घरात स्मार्ट ऑटोमेशनचाही मोठ्या प्रमाणात वापर करण्यात आला आहे. घरातील लाइटिंगपासून विविध सुविधांपर्यंत आधुनिक तंत्रज्ञानाचा वापर करण्यात आला आहे. मात्र, टेक्नॉलॉजीचा वापर करताना घराचा शांत आणि आकर्षक लूक कायम ठेवण्यात आला आहे.
6 / 9
घरात होम थिएटर आणि स्वतंत्र म्युझिक रूम देखील आहे. या रूममध्ये गिटार, ड्रम्स आणि पियानो ठेवण्यात आले आहेत. कुटुंबासोबत संगीताचा आनंद घेण्यासाठी ही जागा खास तयार करण्यात आली आहे. याशिवाय ऑटोमेटेड बार आणि अत्याधुनिक गॉरमेट किचनही घराचा आकर्षणाचा भाग आहे.
7 / 9
इतक्या महागड्या आणि आधुनिक सुविधांनी सजलेल्या घरामागे माधुरीसाठी एक भावनिक बाजूही आहे. तिच्यासाठी घर म्हणजे केवळ लक्झरी किंवा इंटिरिअर नसून कुटुंबासोबत निवांत आणि आनंदी वेळ घालवण्याची जागा आहे.
8 / 9
समुद्राचं शांत दृश्य, कलेचा सहवास, संगीत आणि कुटुंबासाठी तयार केलेल्या जागा यामुळे या घराला एक खास वैयक्तिक स्पर्श मिळतो.
