४० वर्षांची परंपरा! बाप्पाच्या विसर्जन मिरवणुकीवर मुस्लिम बांधवांकडून होते पुष्पवृष्टी

कराड शहरातील वेताळ पेठ येथे गणेश विसर्जन उत्सवात एक अनोखी परंपरा पाहायला मिळते. गेल्या ४० वर्षांपासून येथील मुस्लिम बांधव गणरायाच्या विसर्जन मिरवणुकीवर पुष्पवृष्टी करत आहेत. ही परंपरा हिंदू-मुस्लिम एकतेचे प्रतीक आहे. या वर्षीही श्री विठ्ठल देवीचा माळ येथील राजेराव रंभा तरुण मंडळाच्या मानाच्या पहिल्या गणपतीच्या मिरवणुकीवर मुस्लिम बांधवांनी पुष्पवृष्टी केली. जमा मशिदीवरून हा पुष्पवृष्टीचा कार्यक्रम राबविला जातो. यावेळी मिरवणुकीत सहभागी असलेल्या मंडळांच्या अध्यक्षांचाही मुस्लिम बांधवांकडून सत्कार केला जातो. पोलीस प्रशासनानेही यावेळी सुरक्षा व्यवस्था बळकट केली होती. ही परंपरा सांप्रदायिक सौहार्दाचा एक उत्तम आदर्श आहे.