रत्नागिरीः नवरात्र आणि दसरा तोंडावर असताना दापोली (Dapoli) समुद्र किनाऱ्यावर एक बोट आढळल्याने एकच खळबळ माजली. आज सकाळी रत्नागिरी (Ratnagiri) जिल्ह्यातील दापोली समुद्र किनाऱ्यावर ही बोट (Boat) आढळल्याने तटरक्षक जवानांनी लगेच तपास सुरु केला. मात्र ही बोट संशयास्पद नाही, असा खुलासा करण्यात आला आहे. विजयदुर्ग किनाऱ्यावर बुडालेल्या पार्थ जहाजाचा लाइफ क्राफ्ट असल्याचं सांगण्यात येत आहे. मागील महिन्यात रायगड येथील हरिहरेश्वर येथील समुद्र किनाऱ्यावर संशयित बोट सापडली होती. त्यात काही शस्त्रास्त्रही सापडली होती. त्यानंतर काही दिवस राज्यातील विविध शहरांतील सुरक्षा व्यवस्था वाढवण्यात आली होती.