भिवंडी निजामपूर शहर महानगरपालिका निवडणूक 2026

भिवंडी-निजामपूर महानगरपालिका ही भिवंडी व निजामपूर या दोन शहरांचा कारभार पाहते. या महापालिकेचे मुख्यालय भिवंडी येथे आहे. 2011 च्या जनगणनेनुसार या ठिकाणी 7,09,665 इतकी लोकसंख्या होती. विणकरांची नगरी म्हणून ओळखल्या जाणाऱ्या भिवंडीचा व्यावसायिक आणि औद्योगिक विकास हे या महापालिकेचे महत्त्वाचे कार्य आहे. 2017 मध्ये भिवंडी महानगरपालिका निवडणूक पार पडली होती. यावेळी काँग्रेस,भाजप , शिवसेना, समाजवादी पार्टी, कोणार्क आघाडी आणि अपक्ष इतक्या पक्षाचे उमेदवार निवडणुकीच्या रिंगणात होते. 2017 च्या निवडणुकीत काँग्रेस पक्षाला बहुमत मिळाले होते. काँग्रेस पक्षाचे महापालिकेत 47 जागा जिंकत स्पष्ट बहुमत मिळवलं होतं. या निवडणुकीत भाजपचे 19, शिवसेना 12, समाजवादी पार्टी 2, कोणार्क आघाडी 4 तर अपक्ष 6 उमेदवार निवडून आले होते. यामुळे भिवंडीच्या महापालिकेवर काँग्रेसचा महापौर तर शिवसेनेचा उपमहापौर अशी आघाडी करून महापालिकाचा कारभार सुरु होता.