Maharashtra News LIVE : नरेंद्र मोदी आणि शहांनी केजरीवालांची माफी मागावी- संजय राऊत

संजय राऊत यांचे अत्यंत मोठे विधान

नरेंद्र मोदी आणि शहा यांनी अरविंद केजरीवाल यांची माफी मागावी, असे मोठे विधान संजय राऊत यांनी केले.

शाळेतील सांस्कृतिक कार्यक्रमादरम्यान मद्यपान करून राजकीय भाषण, धक्कादायक प्रकार

बीडच्या केज तालुक्यातील साळेगाव येथील जिल्हा परिषद शाळेत सांस्कृतिक कार्यक्रम पार पडला. त्या कार्यक्रमासाठी प्रमुख पाहुणे म्हणून उपस्थित राहिलेले शिक्षण विस्तार अधिकारी दत्तात्रय मुरलीधर चाटे यांनी मद्यपान करून राजकीय भाषण केल्याची तक्रार वंचित बहुजन आघाडीचे लक्ष्मण ओव्हाळ यांनी जिल्हाधिकारी आणि जिल्हा परिषदेचे मुख्य कार्यकारी अधिकारी यांच्याकडे व्हिडिओ पुराव्यांसह केली आहे. तर शिस्तभंग आणि निलंबनाची कारवाई करण्याची मागणी तक्रारीत केली आहे.

सुप्रिया सुळे ब्रीच कँडी रुग्णालयात , शरद पवारांची प्रकृती कशी ?

सुप्रिया सुळे ब्रीच कँडी रुग्णालयात आल्या आहेत. शरद पवार यांच्यावर सध्या उपचार सुरू असून त्यांची प्रकृती स्थिर असल्याची माहिती समोर आली आहे.

वरळी शिवडी उन्नत मार्गाच्या कामावेळी लोखंडी रॉड कोसळला, 1 जखमी

वरळी शिवडी उन्नत मार्गाच्या कामावेळी लोखंडी रॉड कोसळून 1 जण जखमी झाला आहे.  केईएम हॉस्पिटल परिसरात ही घटना घडली आहे. या अपघातात 1 व्यक्ती गंभीररित्या जखमी झाली असून त्याच्या डोक्याला बराच मार लागला आहे.

छत्रपती संभाजीनगर – वृक्षतोडीस तोडीस पर्यावरण प्रेमीचा कडाडून विरोध

छत्रपती संभाजीनगर – गरवारे क्रीडा संकुल येथे आंतरराष्ट्रीय दर्जाचे क्रिकेट स्टेडियम उभारण्यासाठी झाडांची कत्तल होणार आहे. गरवारे स्टेडियम येथील 75 झाडे तोडण्यासाठी महानगरपालिकेने प्राधिकरण समितीकडे प्रस्ताव सादर केला होता.  मात्र या वृक्षतोडीस पर्यावरण प्रेमींनी कडाडून विरोध दर्शवला आहे.  महानगरपालिकेच्या विरोधात वृक्ष प्रेमींनी आक्रमक भूमिका घेतली आहे.

–

भुसावळ – डोक्यात झाडाची कुंडी मारून एकाची हत्या….

डोक्यात झाडाची कुंडी मारून एकाची हत्या करण्यात आल्याची धक्कादायक घटना भुसावळच्या आनंदनगर नेपा कॉलनीत घडली. किरकोळ शाब्दिक कारणातून अनिल उर्फ पिंटू आत्माराम सावकार ( वय 25) असे मृत इसमाचे नाव आहे. या घटनेमुळे भुसावळ हादरलं.

पुणे – निलेश घायवळच्या साथीदाराला अटक

पुणे – कुख्यात गुंड निलेश घायवळ टोळीशी संबंधित आणि मकोका दाखल गुन्ह्यातील फरार आरोपीला सोलापूर जिल्ह्यातील बार्शी येथून अटक करण्यात यश ालं आहे.  वारजे माळवाडी पोलिसांनी अमोल दत्तात्रय लाखे (वय 27 ) याला अटक करत बेड्या ठोकल्या.

डोंबिवली PNT कॉलनीत भीषण पाणीटंचाई; संतप्त नागरिकांचा KDMC मुख्यालयावर मोर्चा

डोंबिवली PNT कॉलनीत भीषण पाणीटंचाई आहे. ‘टँकर नको, हक्काचं पाणी द्या’ म्हणत संतप्त नागरिकांनी KDMC मुख्यालयावर मोर्चा काढला.  निवडणुकीत धोधो पाणी, आता कोरडे नळ; टँकरच्या पाण्यावर जीव, कायमस्वरूपी तोडगा काढावा अशी ठाम मागणी करण्यात आली. उपाय न झाल्यास तीव्र आंदोलनाचा इशारा देण्यात आला आहे.