Photo : ‘सगळ्यात जास्त जेतेपद ते गोलमास्टर…’ वाचा यूरो कपचा 60 वर्षाचा रेकॉर्ड आणि इतिहास

युरोपियन फुटबॉलच्या सर्वात मोठी आंतरराष्ट्रीय स्पर्धाला आज सुरुवात होत आहे. इटली विरुद्ध तुर्की या मॅचने युरो चषकाला आजपासून सुरुवात होत आहे. स्पर्धेच्या इतिहासात प्रथमच 11 देशांतील 11 शहरांमध्ये या स्पर्धेचे आयोजन करण्यात आले आहे. (UEFA Euro 2020 most titles Goals And record)

1/5
युरोपियन फुटबॉलच्या सर्वात मोठी आंतरराष्ट्रीय स्पर्धाला आज सुरुवात होत आहे. इटली विरुद्ध तुर्की या मॅचने युरो चषकाला आजपासून सुरुवात होत आहे. स्पर्धेच्या इतिहासात प्रथमच 11 देशांतील 11 शहरांमध्ये या स्पर्धेचे आयोजन करण्यात आले आहे. दर चार वर्षांनी आयोजित केली जाणारी ही स्पर्धा फ्रान्समध्ये प्रथम 1960 मध्ये आयोजित केली गेली होती. सोव्हिएत युनियनने पहिलं जेतेपद मिळवलं होतं. त्यानंतर आतापर्यंत 15 वेळा या स्पर्धेचे आयोजन करण्यात आलं. आता 16 व्या मोसमापूर्वी स्पर्धेचा इतिहास आणि मोठ्या विक्रमांबद्दल आपण जाणून घेऊया...
2/5
UEFA Euro 2020 most titles Goals And record
युरो चषकात आतापर्यंत 10 वेगवेगळ्या संघांनी विजेतेपद जिंकले आहे, परंतु आतापर्यंत सर्वांत जास्त वेळा जर्मनी आणि स्पेनने करंडक आपल्या नावे केलाय. आतापर्यंत 3-3 वेळा दोन्ही संघ चॅम्पियन बनले आहेत. 1972, 1980 आणि 1996 मध्ये जर्मनीने विजेतेपद जिंकले. दुसरीकडे स्पेनने 1964, 2008 आणि 2012 मध्ये विजेतेपद मिळविलं.
3/5
UEFA Euro 2020 most titles Goals And record
स्पेन हा युरोपमधील एकमेव देश आहे, ज्याने सलग दोन वेळा विजेतेपद पटकावलं .2008 मध्ये चॅम्पियन बनल्यानंतर स्पेन संघाने 2012 मध्ये दुसऱ्यांदा विजेतेपद जिंकून इतिहास रचला. परंतु 2016 साली स्पेनला हॅटट्रिक करता आली नाही.
4/5
UEFA Euro 2020 most titles Goals And record
या दोन संघांव्यतिरिक्त फ्रान्सने दोन वेळा जेतेपद जिंकलं आहे. तर सोव्हिएत युनियन, इटली, चेकोस्लोवाकिया, नेदरलँड्स, डेन्मार्क, ग्रीस आणि पोर्तुगाल यांनी प्रत्येकी एकदा विजेतेपद जिंकले आहे. युरो कपची गतविजेती टीम पोर्तुगाल आहे, ज्या संघाने 2016 मध्ये जेतेपद जिंकलं होतं.
5/5
UEFA Euro 2020 most titles Goals And record
स्पर्धेच्या इतिहासातील सर्वाधिक गोल करण्याचा विक्रम दोन महान खेळाडूंच्या नावावर आहे. फ्रान्सचा महान अॅटॅकर मिशेल प्लॅटिनी आणि पोर्तुगालचा दिग्गज कर्णधार ख्रिस्तियानो रोनाल्डो यांनी 9-9 गोल नोंदवले आहेत. प्लॅटिनीने तर 1984 मध्ये सर्व 9 गोल केले, जो एक विक्रम आहे.