परभणी महानगरपालिका निवडणूक 2026

परभणी शहर महानगरपालिकेची स्थापना सन 2011 साली झालेली आहे. परभणी शहर महानगरपालिका “ड” वर्ग महानगर पालिका असून शहराचे क्षेत्रफळ 57.61 चौ.किलोमिटर आहे. परभणी शहराची समुद्र सपाटीपासून सरासरी उंची 538 मीटर एवढी आहे. परभणी शहरातील एकूण रस्त्यांची लांबी 692 कि.मी. एवढी आहे. परभणी शहराचे सरासरी पर्जन्यमान सरासरी 750 मि.मी. ऐवढे आहे. परभणी शहराची 2011 च्या. जनगणनेनुसार लोकसंख्या 307170 असून पुरुष 157625 व महिलांची लोकसंख्या 149563 एवढी आहे. परभणी शहर हे मनमाड काचीगुडा या रेल्वे लाईनवर तसेच परभणी –परळी या रेल्वे मार्गाच्या जंक्शनवर आहे. तसेच परळी वैजनाथ व औंढा नागनाथ या धार्मिक स्थळांपासून 72 कि.मी. व 50 कि.मी. अंतरावर आहे. शहरात हजरत तुराबुल हक्क दर्गा तसेच पारदेश्वर मंदिर असे प्रेक्षणीय धार्मिक स्थळे आहेत.