Sambhajinagar, Parabhani, Jalna, Latur, Nanded Election Results 2026 LIVE: लातूर महानगरपालिका अंतिम निकाल हाती, काँग्रेसची एकहाती सत्ता
संभाजीनगर, नांदेड, परभणी, जालना, लातूर Election Results 2026 LIVE Counting in Marathi: आज मराठवाड्यातील पाच महापालिकांमध्ये दिग्गजांची प्रतिष्ठा पणाला लागली आहे. या शहरांचा कारभार कोणाच्या ताब्यात जाणार याची जोरदार चर्चा सुरू आहे. तर उमेदवारांच्या भवितव्यावर आज शिक्कामोर्तब होईल.
मराठवाड्यातील पाच महानगरपालिकांमध्ये कोण बाजी मारणार याची सर्वत्रच उत्सुकता आहे. नगरपालिका आणि नगरपंचायत निवडणुकीनंतर महायुती मुसंडी मारणार की विरोधक वचपा काढणार याची चर्चा रंगली आहे. जालना ही नवीन महानगरपालिका यावेळी अस्तित्वात आली आहे. तर इतर चार महापालिकांमध्ये सत्ता समीकरणं बदलेली आहेत. या पाच महापालिकांमध्ये एकूण 281 जागांसाठी एकूण 1,715 उमेदवार निवडणुकीच्या रिंगणात उभे ठाकले होते. एकूण 24,48,574 मतदार होते. मराठवाड्याची सांस्कृतिक राजधानी छत्रपती संभाजीनगरमध्ये युतीतील भाजप आणि शिंदे सेना हे एकमेकांविरोधात लढले. तर नांदेडमध्ये पण धुसफूस दिसली. लातूरमध्ये भाजपने आक्रमक भूमिका घेतल्याचे दिसले. तर परभणी ऐनवेळी वरपूडकरांनी दुसरीकडे धाव घेतल्याने येथील निवडणूक रंगतदार ठरली. आता या सर्व नेत्यांची प्रतिष्ठा पणाला लागली आहे. निकाल कुणाच्या बाजूने लागतो आणि मतदार राजा कुणाला कौल देतो हे आता थोड्याच वेळात स्पष्ट होईल.
LIVE NEWS & UPDATES
-
छत्रपती संभाजीनगर पालिकेचे अंतिम आकडे आले, पाहा कोणाला किती मते
छत्रपती संभाजीनगर पालिकेचे अंतिम आकडे आले, पाहा कोणाला किती मते पडली
BJP – 57,
MIM – 33,
SS – 13,
UBT – 6,
VBA – 4,
NCP-SP – 1,
Congress – 1,
-
लातूर महानगरपालिका अंतिम निकाल हाती, काँग्रेसची एकहाती सत्ता
लातूर महानगरपालिका अंतिम निकाल आली असून काँग्रेस आणि वंचित आघाडी यांची महापालिकेवर एक हाती सत्ता येत आहे.
काँग्रेस – 43,
भाजपा – 22,
वंचित – 04,
राष्ट्रवादी AP – 01,
राष्ट्रवादी SP – 00,
शिवसेना उद्धव ठाकरे – 00,
शिवसेना एकनाथ शिंदे – 00 ________ एकूण जागा:-70
-
-
संभाजीनगरात ठाकरे गटाचे उमेदवार रशीद मामू विजयी
संभाजीनगरात ठाकरे गटाचे उमेदवार रशीद मामू विजयी झाले आहेत. रशीद मामू यांच्या उमेदवारीवरुन उद्धव ठाकरे यांच्यावर टीका झाली होती. तसेच ठाकरे गटाचे नेते चंद्रकांत खैरे यांनीही रशीद मामू यांना विरोध केला होता.
-
Jalna municipal election : जालन्यात भारतीय जनता पक्षाची एक हाती सत्ता
जालन्यात भारतीय जनता पक्षाची एक हाती सत्ता आली असून 65 पैकी 41 जागेवर भाजपचे उमेदवार विजयी झाले आहेत. जालना महापालिकेच्या पहिल्याच निवडणुकीत भाजपचा दणदणीत विजय झाला आहे. तर शिंदे यांच्या शिवसेनेला 12 जागेवर समाधान मानावे लागले आहे. महाविकास आघाडीत काँग्रेस पक्षाला मिळाल्या 9 जागा तर तर शरद पवारांची राष्ट्रवादी आणि उद्धव ठाकरे यांच्या सेनेचा झाला सुपडा साफ झाला आहे.
-
Nanded Nagarsevak Election Results 2026: नांदेडमध्ये काँग्रेसला सर्वात मोठा फटका
गेल्या निवडणुकीत सर्वाधिक जागा मिळवणाऱ्या काँग्रेसला नांदेड महापालिका निवडणुकीत मोठा फटका बसल्याचे समोर येत आहे. याठिकाणी 81 जागांपैकी 43 जागांवर भाजपने मुंसडी मारली आहे. तर शिंदे सेनेची पाटी कोरी आहे. सध्याच्या आकेडवारीनुसार, काँग्रेसला सध्या चारच जागांवर समाधान मानावं लागलं आहे.
-
-
Sambhajinagar Municipal Corporation Election : छत्रपती संभाजीनगरात भाजपची एकहाती सत्तेकडे वाटचाल
छत्रपती संभाजीनगर निकाल
भाजपची एकहाती सत्तेकडे वाटचाल ( एकूण 58 लागतात महापौर साठी )
115/ 102
भाजप : 56 शिवसेना : 14 शिवसेना UBT : 6 एमआयएम : 24 काँग्रेस : 1 राष्ट्रवादी : 0 राष्ट्रवादी SP : 1 वंचित बहुजन आघाडी 4 इतर 0
-
Chhatrapati Sambhajinagar Mahapalika Election Results: भाजपची एकहाती सत्तेकडे वाटचाल
भाजपची एकहाती सत्तेकडे वाटचाल ( एकूण 58 लागतात महापौर साठी )
115/ 102
भाजप : 56 शिवसेना : 14 शिवसेना UBT : 6 एमआयएम : 24 काँग्रेस : 1 राष्ट्रवादी : 0 राष्ट्रवादी SP : 1 वंचित बहुजन आघाडी 4 इतर 0
-
Chhatrapati Sambhajinagar Mahapalika Election Results: ना बाण ना खान, राखू भगव्याची शान
छत्रपती संभाजीनगर महापालिका निवडणुकीमध्ये भारतीय जनता पार्टीला यश मिळाल्यानंतर त्यांच्या प्रचार कार्यालयात जल्लोष करणार आला. यावेळी आम्हाला विकास आणि सुरक्षा या विषयावर लोकांनी कौल दिला आहे आणि आम्ही तीन महिन्यात शहरवासीयांना पाणी उपलब्ध करून देऊ असे म्हणाले. तर मुख्यमंत्री म्हणाले होते “ना बाण ना खान, राखू भगव्याची शान” आणि त्यामुळे आता भाजपाचा महापौर होईल आणि मनपा मध्ये पारदर्शक कारभार यामुळे आमच्यावर मतदारांनी विश्वास व्यक्त केला आणि भजपाचाच महापौर होईल असे भागवत कराड म्हणाले. तर आता छत्रपती संभाजीनगर मधील निजामशाहीच्या खुणा पुसल्या जातील असे आमदार संजय केनेकर म्हणाले, तर भाजपा जिल्हाध्यक्ष किशोर शितोळे यांनी भाजपच्या सूक्ष्म नियोजनामुळे भाजपाचा विजय झाल्याचे म्हटले आहे
-
Jalna Municipal Corporation Election Results 2026: दर्शना खोतकर विजयी
नवीन जालना महानगरपालिकेत शिवसेना आमदार अर्जुन खोतकर यांच्या कन्या दर्शना खोतकर विजयी झाल्या आहेत. प्रभाग क्रमांक 16 मधून त्या विजयी झाल्या आहेत.
-
Nanded Nagarsevak Election Results 2026: नांदेडमध्ये भाजपकडे एकहाती सत्ता
नांदेड महानगरपालिका मध्ये अशोक चव्हाण यांच्या नेतृत्वाखाली एक हाती सत्तेकडे वाटचाल आतापर्यंत 81 पैकी 40 भाजप उमेदवार विजयी झाले आहेत…शिंदे शिवसेना नेते आमदार हेमंत पाटील यांनी मोठा धक्का मानल्या जात आहे.
-
Jalna Municipal Corporation Election Results 2026: अर्जुन खोतकर यांची मुलगी आघाडीवर
नवनिर्वाचित जालना महानगरपालिकेत शिवसेना आमदार अर्जुन खोतकर यांच्या कन्या दर्शना खोतकर प्रभाग क्रमांक 16 मधून आघाडीवर आहेत.
-
Chhatrapati Sambhajinagar Municipal Corporation Election Results 2026: एमआयएमचे दोन उमेदवार विजयाच्या उंबरठ्यावर
छत्रपती संभाजीनगरमधील गुलमंडी हा शिवसेनेचा गड मानल्या जातो. या प्रभाग क्रमांक 15 मध्ये एमआयएमचा शिरकाव दिसत आहे. एमआयएमचे 2 उमेदवार विजयाच्या उंबरठ्यावर आहेत. चंद्रकांत खैरे यांचा पुतण्या सचिन खैरे विजय निश्चित मानल्या जात आहे. तर शिवसेनेचे आमदार प्रदीप जैस्वाल यांचा मुलगा ऋषीकेश जैस्वाल विजय निश्चित आहे.
-
Chhatrapati Sambhajinagar Municipal Corporation Election Results 2026: विजयानंतर भाजपचा मोठा जल्लोष
छत्रपती संभाजीनगर महापालिकेत निकालानंतर MIM नंतर गरवारे स्टेडियम परिसरात भाजपचा देखील जल्लोष दिसला. प्रभाग 9 मधील MIM 4 चे चारही उमेदवार विजयी झाले. तर प्रभाग 10 आणि 11 मध्ये भाजप 8 उमेदवार विजयी झाले आहेत. भाजप उमेदवारांच्या विजयानंतर जल्लोष केला जात आहे.
-
Chhatrapati Sambhajinagar Mahapalika Election Results: राजेंद्र जंजाळ, सचिन खैरे विजयी
चंद्रकांत खैरे यांचा पुतण्या सचिन खैरे विजयी तर शिंदे शिवसेना जिल्हाप्रमुख राजेंद्र जंजाळ प्रभाग क्रमांक 22 मधून विजयी झाले आहेत.
-
Chhatrapati Sambhajinagar Mahapalika Election Results: भाजपचे माजी महापौर भगवान घडामोडे पराभूत
छत्रपती संभाजीनगर महापालिका निवडणुकीत माजी महापौर भाजप उमेदवार भगवान घडामोडे पराभूत झाले आहेत. प्रभाग क्रमांक 25 मध्ये त्यांना पराभवाचा सामना करावा लागला.
-
Chhatrapati Sambhajinagar Municipal Corporation Election Results 2026: अंबादास दानवेंना सर्वात मोठा धक्का, भाऊ पराभूत
छत्रपती संभाजीनगर महापालिका निवडणुकीत उद्धव सेनेचे नेते अंबादास दानवे यांना मोठा धक्का बसला आहे. अंबादास दानवे यांचा भाऊ राजेंद्र दानवे यांचा पराभव, प्रभाग क्रमांक 16 भाजपच्या रामेश्वर भादवे यांचा विजय झाला आहे.
-
Chhatrapati Sambhajinagar Municipal Corporation Election Results 2026: भाजपच्या विजयाची मालिका सुरुच
छत्रपती संभाजीनगर महापालिका निवडणूक निकाल
प्रभाग 10 मध्ये भाजपचे चारही उमेदवार विजयी
सुरेखा सानप
अर्चना चौधरी
गणेश नावंदर
शिवाजी दांडगे
चारही भाजपा
प्रभाग 11मध्ये भाजपचे चारही उमेदवार विजयी
माधुरी अदवंत
विश्वनाथ स्वामी
मीना खरात
मयुर वंजारी
चारही भाजपा
-
Chhatrapati Sambhajinagar Mahapalika Election Results: मंत्री शिरसाट यांचा मुलगा सिद्धांत शिरसाट यांचा विजयी
छत्रपती संभाजीनगर महानगरपालिका निवडणुकीत पालकमंत्री संजय शिरसाट यांचा मुलगा सिद्धांत शिरसाट प्रभाग 29 मधून विजयी झाला. तर हर्षदा शिरसाट प्रभाग 18 मधून विजय झाल्यात. पालकमंत्र्याची दोन्ही मुलांचा विजय झाला.
-
Chhatrapati Sambhajinagar Mahapalika Election Results: हा विजय कार्यकर्त्यांचा-हर्षदा शिरसाट
छत्रपती संभाजीनगरचे पालकमंत्री संजय शिरसाट यांच्याकडून हर्षदा शिरसाट विजयी झाल्या आहेत. प्रभाग क्रमांक 18 ड म्हणून शिवसेनेच्या हर्षदा शिरसाट विजयी झाल्या. हा विजय कार्यकर्त्यांचा आहे , अशी हर्षदा शिरसाट यांनी प्रतिक्रिया दिली आहे. महिलांसाठी आणि युवकांसाठी काम करायचा आहे, असे त्या म्हणाल्या.
-
Chhatrapati Sambhajinagar Mahapalika Election Results: भाजप 24 जागांवर आघाडीवर
छत्रपती संभाजी नगर निकाल 115/ 71
भाजप : 24
शिवसेना : 18
शिवसेना UBT : 7
एमआयएम : 15
काँग्रेस : 0
राष्ट्रवादी : 1
राष्ट्रवादी SP : 1
वंचित बहुजन आघाडी 4
इतर 1
-
Chhatrapati Sambhajinagar Mahapalika Election Results: मंत्री संजय शिरसाट यांची मुलगी हर्षदा शिरसाट विजयी
छत्रपती संभाजीनगरमध्ये मंत्री संजय शिरसाट यांच्यासाठी आनंदवार्ता आली आहे. या ठिकाणी त्यांची मुलगी हर्षदा शिरसाट या विजयी झाल्या आहेत. तर मुलगा सुद्धा निवडणुकीच्या रिंगणात आहे. त्याचाही विजय निश्चित मानल्या जात आहे.
-
Chhatrapati Sambhajinagar Mahapalika Election Results: उमेदवारांच्या विजयानंतर मोठा जल्लोष
छत्रपती संभाजीनगर महापालिका निकालानंतर गरवारे स्टेडियम परिसरात उमेदवारांच्या विजयानंतर मोठा जल्लोष केला. फटाके फोडत आणि रंग उधळत आनंदोत्सव साजरा केला जात आहे. अनेक विजयी उमेदवारांकडून फटाके फोडून आनंदोत्सव साजरा केला जात आहे. कार्यकर्त्यांचा उत्साह शिगेला पोहोचला आहे. MIM च्या प्रभाग 9 मधील चारही विजयी उमेदवारांच्या विजयानंतर मोठा जल्लोष होत आहे.
-
Chhatrapati Sambhajinagar Mahapalika Election Results: छत्रपती संभाजीनगरमध्ये एमआयएमचे संपूर्ण पॅनल विजयी
प्रभाग 9 मध्ये MIM पुर्ण पॅनल विजयी
1) काकासाहेब काकडे (अ)
2)शाहिन रहिम पटेल (ब)
3)सादिया अमजद खान (क)
4) मतीन पटेल (ड)
-
Jalna Municipal Corporation Election Results 2026: जालन्यात भाजपची मुसंडी
जालना- 65
(आघाडीवर)
भाजप-25
शिंदे सेना-03
अजितदादा राष्ट्रवादी-00
मविआ-03
इतर-01
-
Chhatrapati Sambhajinagar Mahapalika Election Results:एमआयएमचा पहिला विजय
छत्रपती संभाजीनगर महापालिकेत एमआयएमने पहिला विजय मिळवला. छत्रपती संभाजीनगरमधील प्रभाग क्रमांक ०९ मध्ये नारेगाव रहीम पटेल (AIMIM ) विजयी झाले आहेत.
-
Chhatrapati Sambhajinagar Mahapalika Election Results: भाजप नंतर शिंदेसेना आघाडीवर
छत्रपती संभाजीनगर निकाल
115/ पैकी भाजप : 22 शिवसेना : 19 शिवसेना UBT : 10 एमआयएम : 14 काँग्रेस : 2 राष्ट्रवादी : 2 राष्ट्रवादी SP : 1 इतर 1
-
Chhatrapati Sambhajinagar Mahapalika Election Results: भाजपनं उघडलं विजयाचं खातं
संभाजीनगर मध्ये भाजपने विजयी खाते उघडले
प्रभाग- 2 मधून भाजपा उमेदवार विजय औताडे विजयी
छत्रपती संभाजी नगर : प्रभाग क्रमांक 23 मधून भाजपचे 4 ही उमेदवार विजयी
भाजपचे प्रमोद राठोड विजयी
भाजपच्या सत्यभामा शिंदे
भाजपचे बाळासाहेब मुंडे
भाजपाच्या सुरेखा गायकवाड
-
Chhatrapati Sambhajinagar Mahapalika Election Results: शिरसाट यांच्या मुलांचा विजय निश्चित
पालकमंत्री संजय शिरसाठ यांचा मुलगा सिद्धांत शिरसाठ प्रभाग 29 मधून विजयाच्या उंबरट्यावर, 1800 मतांची आघाडी घेतली आहे. तर हर्षदा शिरसाठ प्रभाग 18 मधून विजयाच्या उंबरठ्यावर दोन हजार पेक्षा जास्त मतांची आघाडी घेतली आहे. पालकमंत्र्याची दोन्ही मुलांचा विजय जवळपास निश्चित मानल्या जात आहे.
-
Chhatrapati Sambhajinagar Mahapalika Election Results: प्रभाग क्रमांक २७ मध्ये भाजपचे उमेदवार आघाडीवर
छत्रपती संभाजीनगर महापालिकेत भाजपची आघाडी कायम
प्रभाग क्रमांक २७ भाजपचे दया गायकवाड, भाजपचे गोविंद केंद्रे, भाजपच्या सुनीता सोळुंके भाजपचे राजू वैद्य आघाडीवर
प्रभाग क्रमांक 22 मधून
भाजपच्या पुष्पा निरपगारे, भाजपचे अशोक दामले, शिवसेना शिंदे सेनेच्या यशोदा शेळके आणि राजेंद्र जंजाळ आघाडीवर
प्रभाग क्रमांक 21 मधून भाजपचे चारही उमेदवार आघाडीवर. नंदू गवळी, कमल थोरात, सुमित्रा मात्रे आणि सुरेंद्र कुलकर्णी आघाडीवर
प्रभाग क्रमांक 18 मधून शिंदे सेनेच्या हर्षदा शिरसाट, ब मधून भाजपचे संजय बारवाल, क मधून शिवसेना ठाकरे पक्षाच्या सुजाता गायकवाड तर ड मधून राष्ट्रवादी काँग्रेस शरद पवार गटाचे नवीन ओबेरॉय आघाडीवर
-
Chhatrapati Sambhajinagar Mahapalika Election Results: मोठी बातमी, मंत्री संजय शिरसाट यांचे दोन्ही मुलांची विजयाकडे वाटचाल
छत्रपती संभाजीनगर महापालिका निवडणूक निकालात मंत्री संजय शिरसाट यांच्या कन्या हर्षदा शिरसाट आणि मुलगा सिध्दांत शिरसाट यांची विजायकडे वाटचाल सुरू आहे. तर दुसरीकडे इतर बड्या नेत्यांच्या मुलांनी, भावांनी सुद्धा आघाडी घेतली आहे.
-
Chhatrapati Sambhajinagar Municipal Corporation Election Results 2026: महापालिकेत भाजप मोठा करिष्मा करणार?
छत्रपती संभाजीनगर निकाल
115/ पैकी भाजप : 20 शिवसेना : 18 शिवसेना UBT : 10 एमआयएम : 13 काँग्रेस : 2 राष्ट्रवादी : 2 राष्ट्रवादी SP : 1 इतर 1
-
Jalna Municipal Corporation Election Results 2026: जालन्यातील भाजपचे विजयी उमेदवार
जालन्यातील भाजपचे विजयी उमेदवार
प्रभाग क्रमांक 1 मधील विजयी उमेदवार
कल्याण भदने कर भाजप भास्कर दानवे भाजप सुशीला दानवे भाजप ज्योत सले bjp पद्मा मानधणे bjp
प्रभाग क्रमांक 13 मधील विजयी भाग्यश्री जोगस भाजप महेश निकम भाजप अनामिका पांगरकर भाजप श्रीकांत पांगरकर अपक्ष
-
Chhatrapati Sambhajinagar Municipal Corporation Election Results 2026: या प्रभागात भाजप आघाडीवर
छत्रपती संभाजीनगरमध्ये भाजप आघाडीवर
प्रभाग २० अ मधून भाजप जालिंदर शेंडगे आघाडीवर
ब मधून भाजप अर्चना नीलकंठ आघाडीवर
क मधून भाजप अनिता मानकापे आघाडीवर
ड मधून शिंदे सेनेचे माजी महापौर त्र्यंबक तुपे आघाडीवर
-
Jalna Municipal Corporation Election Results 2026: जालन्यात भाजपचे ८ उमेदवार विजयी
नवीन जालना महापालिकेत भाजपचे वर्चस्व दिसून आले आहे. भाजपचे ८ उमेदवार निवडून आले आहेत. यामध्ये रावसाहेब दानवे यांचे बंधू भास्कर दानवे विजयी झाले आहेत. तर भास्कर दानवे यांच्या पत्नीचा सुद्धा विजय झाला आहे.
-
Chhatrapati Sambhajinagar Municipal Corporation Election Results 2026: अफवा, गोंधळ आणि नुसती पळापळ
छत्रपती संभाजीनगरमधील गरवारे स्टेडियम परिसरात लाठीचार्जच्या अफवेमुळे गोंधळ उडाला आहे. गरवारे स्टेडियम मतमोजणी केंद्रावर सकाळपासून गोंधळ निर्माण झालेला आहे. आतमध्ये तब्बल एक ते दीड तासानंतर सुरळीत मतमोजणी सुरू झाली आहे. दरम्यान गरवारे परिसरात लाठीचार्ज होत असल्याच्या अफवेमुळे गोंधळ उडाला आहे. अनेकांनी लाठीचार्ज होत असल्याच्या भितीने रस्त्याच्या कडेला असलेल्या खड्ड्यात उड्या मारल्या.
-
Jalna Municipal Corporation Election Results 2026: जालन्यात रावसाहेब दानवे यांचे बंधू विजयी
दरम्यान मराठवाड्यातून पहिल्या विजयाची बातमी हाती आली आहे. जालना महानगरपालिकेत रावसाहेब दानवे यांचे बंधू भास्कर दानवे हे विजयी झाले आहेत. तर भास्कर दानवे यांच्या पत्नही विजयी झाल्या आहेत.
-
Chhatrapati Sambhajinagar Municipal Corporation Election Results 2026: छत्रपती संभाजीनगरमध्ये भाजपविरुद्ध शिंदेसेनेमध्ये काँटे की टक्कर
छत्रपती संभाजी नगर निकाल
115/ पैकी भाजप : 15 शिवसेना : 12 शिवसेना UBT : 6 एमआयएम : 8 काँग्रेस : 3 राष्ट्रवादी : 2 राष्ट्रवादी SP : 1 इतर 1
-
Jalna Municipal Corporation Election Results 2026: जालन्यात भाजपची मुसंडी
जालन्यात कोण आघाडीवर, जाणून घ्या..
जालना- 65 पैकी
भाजप-06
शिंदे सेना-00
अजितदादा राष्ट्रवादी-00
मविआ-00
इतर-01
-
Chhatrapati Sambhajinagar Municipal Corporation Election Results 2026: ऋषीकेश जैस्वाल प्रभाग क्रमांक 15 मधून आघाडीवर
छत्रपती संभाजीनगर महापालिका निवडणूक निकालात शिवसेनेचे आमदार प्रदीप जैस्वाल यांचे पुत्र ऋषीकेश जैस्वाल प्रभाग क्रमांक 15 मधून आघाडीवर आहेत. तर प्रभाग क्रमांक 21 मधून भाजपचे सुरेंद्र कुलकर्णी आघाडीवर आहेत.
-
Jalna Municipal Corporation Election Results 2026: रावसाहेब दानवे यांचे बंधू भास्कर दानवे आघाडीवर
जालना महानगपालिका निवडणूक निकालात प्रभाग क्र 1 मध्ये भाजपचे 5 जन आघाडीवर. आहेत. माजी केंद्रीय मंत्री रावसाहेब दानवे यांचे बंधू भास्कर दानवे या प्रभागातून आहे
-
Nanded Nagarsevak Election Results 2026: टपाली मतदानात भाजप आघाडीवर
नांदेडमध्ये टपाली मतदानात भाजप आघाडीवर आहे
महानगरपालिका— नांदेड पुढे एकुण जागा-81 भाजप-24 शिवसेना-12 राष्ट्रवादी-1 ठाकरे-2 काँग्रेस-12 इतर-10
-
Chhatrapati Sambhajinagar Municipal Corporation Election Results 2026: भाजपची आघाडी कायम
छत्रपती संभाजी नगर निकाल
115/ पैकी
भाजप : 10 शिवसेना : 08 शिवसेना UBT : 04 एमआयएम : 07 काँग्रेस : 01 राष्ट्रवादी दादा: 02 राष्ट्रवादी SP: 00 इतर: 00
-
Chhatrapati Sambhajinagar Municipal Corporation Election Results 2026: मंत्री संजय शिरसाट यांचा मुलगा आणि मुलगी आघाडीवर
छत्रपती संभाजीनगर महापालिका निवडणुकीत संजय शिरसाट यांचा मुलगा सिद्धांत शिरसाट आणि मुलगी हर्षदा शिरसाठ आघाडीवर आहे. तर माजी विरोधी पक्षनेते अंबादास दानवे यांचे बंधू राजेंद्र दानवे आघाडीवर आहेत. शिवसेनेचे जिल्हाप्रमुख राजेंद्र जंजाळ आघाडीवर आहेत. तर भाजपचे अनिल मखरिये आघाडीवर भाजपचे राजू वैद्य आघाडीवर आहेत.
-
Chhatrapati Sambhajinagar Mahapalika Election Results: मतदान केंद्रावरील गोंधळ थांबेना
छत्रपती संभाजीनगरमध्ये गरवारे स्टेडियम वरील मतमोजणी केंद्रावरील गोंधळ कायम आहे.प्रशासनाचे कोणतेही नियोजन नसल्याने उमेदवार प्रतिनिधींची गर्दी होत असल्याचा आरोप होत आहे. सकाळी 9 वाजल्यापासून सुरू असलेला गोंधळ अद्याप कायम आहे. निवडणूक निरिक्षक मतमोजणी केंद्रावर दाखल झाले. उमेदवारांनी त्यांची कैफियत यावेळी मांडली.
-
Chhatrapati Sambhajinagar Municipal Corporation Election Results 2026: मतदान प्रक्रिया सुरू, पण उमेदवार प्रतिनिधी अद्यापही बाहेरच
छत्रपती संभाजीनगरमध्ये मतमोजणी प्रक्रिया सुरू झाली असताना अद्याप उमेदवार प्रतिनिधी बाहेर आहे. गरवारे स्टेडियम परिसरात मतमोजणी प्रक्रियेला सुरुवात झाली.मात्र अद्याप बरेच उमेदवार प्रतिनिधी मतमोजणी केंद्रा बाहेर आहेत यामुळे प्रशासनाला नियोजन करता आले नाही म्हणत प्रतिनिधींकडून नाराजी व्यक्त केली जात आहे.
-
Chhatrapati Sambhajinagar Mahapalika Election Results :छत्रपती संभाजीनगरमध्ये भाजप अद्याप आघाडीवर
एकूण 115 जागांपैकी
भाजप : 8
शिवसेना : 4
शिवसेना UBT : 3
एमआयएम : 4
काँग्रेस : 1
राष्ट्रवादी 00
राष्ट्रवादी SP 00
इतर
-
Jalna Municipal Corporation Election Results 2026: जालन्यात पोलिस आणि भाजप कार्यकर्त्यांमध्ये शाब्दिक चकमक
जालना मतमोजणी केंद्रावर पोलिस आणि भाजपच्या उमेदवारामध्ये बाचाबाची दिसून आली. उमेदवारांच्या प्रतिनिधींना आत प्रवेश करताना गोंधळ उडाला. प्रशासनाच्या निष्काळजीपणामुळे गोंधळ उडाला. पोलिसांनी भाजपच्या उमेदवाराला बाहेर काढले. प्रशासनाचा कारभार नियोजन शून्य असल्याचा भाजपच्या उमेदवाराचा आरोप आहे.
-
Chhatrapati Sambhajinagar Municipal Corporation Election Results 2026: प्रतिनिधी, उमेदवारांना आवरताना पोलिसांची दमछाक
पोलिस आणि उमेदवार प्रतिनिधींमध्ये शाब्दिक बाचाबाची प्रचंड मोठा गोंधळ उडाला. गोंधळानंतर पोलीस बंदोबस्त वाढवला गर्दीने गोंधळ उडाल्याने 5 मिनिटांसाठी प्रवेश बंद करण्यात आला. गरवारे स्टेडियम मधील मतमोजणी कक्षात प्रवेश करण्यासाठी उमेदवार प्रतिनिधींच्या गर्दीने एकच गोंधळ उडालेला आहे. छत्रपती संभाजीनगर महानगरपालिकेतील गरवारे स्टेडियम मतमोजणी केंद्रात उमेदवार प्रतिनिधींची मोठी गर्दी झालेली आहे.एकाच वेळी सर्व उमेदवार प्रतिनिधी प्रवेशद्वारावर आल्याने पोलीसांची दमछाक होत आहे.
-
Chhatrapati Sambhajinagar Mahapalika Election Results : महापालिका निकालात भाजपची मोठी आघाडी
छत्रपती संभाजीनगर महापालिका निवडणुकीत भाजप आघाडीवर आहे.
115 पैकी
भाजप : 6
शिवसेना : 3
शिवसेना UBT : 3
एमआयएम : 4
काँग्रेस : 1
राष्ट्रवादी 00
राष्ट्रवादी SP 00
इतर
-
Jalna Municipal Corporation Election Results 2026: जालन्यात मतमोजणीला सुरुवात
जालन्यात महानगरपालिकेच्या मतमोजणीला झाली सुरुवात,ऐतिहासिक जालना महापालिकेत पहिल्यांदा कोण बाजी मारणार याकडे लक्ष लागेल आहे. जालना महानगरपालिकेच्या 16 प्रभागातील 65 जागेसाठी आज निकाल जाहीर होणार आहे. या ठिकाणी पोलिसांचा मोठा बंदोबस्त आहे. जालना महानगरपालिका निवडणुकीत भाजप आणि शिंदे यांच्या शिवसेनेमध्ये प्रमुख लढत होणार आहे. भाजप नेते रावसाहेब दानवे कैलास गोरंट्याल आणि शिवसेनेच्या अर्जुन खोतकर यांची प्रतिष्ठा पणाला लागलेली आहे. काँग्रेसला जालन्यात महापालिकेचा गड राखण्याचं आव्हान तर कैलास गोरंट्याल यांच्या पक्षप्रवेशामुळे भाजपला ताकद मिळणार का हेही पाहणं महत्त्वाचं आहे. जालन्यात महायुती मधीलच शिवसेना आणि भाजप या दोघांमध्ये प्रमुख लढत होत आहे.
-
Chhatrapati Sambhajinagar Mahapalika Election Results : मतदान केंद्रांवर उमेदवार प्रतिनिधींची एकच गर्दी
छत्रपती संभाजीनगर महानगरपालिकेतील गरवारे स्टेडियम मतमोजणी केंद्रात उमेदवार प्रतिनिधींची मोठी गर्दी केली आहे. गरवारे स्टेडियम मधील मतमोजणी कक्षात प्रवेश करण्यासाठी उमेदवार प्रतिनिधींच्या गर्दीने एकच गोंधळ उडाला आहे. पोलिस आणि प्रतिनिधींमध्ये शाब्दिक वाद केला आहे. एकाच वेळी सर्व उमेदवार प्रतिनिधी प्रवेशद्वारावर आल्याने गोंधळ झाला आहे.
-
Chhatrapati Sambhajinagar Municipal Election Results 2026 : मतमोजणी केंद्रावर स्ट्राँग रुम उघडली. मतमेट्या बाहेर
सेंट फ्रान्सिस स्कूल या मतमोजणी केंद्रवर आता स्ट्रॉंग रूम उघडण्यात आली आहे. या ठिकाणाहून मत पेट्या मतमोजणी टेबलावर नेण्यात येत आहेत. लवकरच मतमोजणी होण्याची शक्यता आहे. याठिकाणी अनेक उमेदवार आणि त्यांच्या प्रतिनिधींनी एकच गर्दी केली आहे.
-
Chhatrapati Sambhajinagar Mahapalika Election Results : माजी महापौरांनाही लाठीचा प्रसाद
शासकीय इंजिनिअरिंग कॉलेजमध्ये पोलिसांचा लाठीचार्ज दिसून आला.छत्रपती संभाजीनगरमध्ये इंजिनियरिंग कॉलेज मध्ये मतमोजणी सुरू होण्यापूर्वी प्रवेश दारावर गर्दी करणऱ्या शिवसेनेच्या कार्यकर्त्यावर पोलिसांनी लाठी चार्ज करत चोप दिला.यामध्ये माजी महापौर विकास जैन यांना ही यावेली पोलिसांच्या लाठी चार्ज मध्ये मार खावा लागला.शिवसेनेच्या कार्यकर्त्यांकडे ओळखपत्र नसल्याने हा वाद झाल्याचे समोर येत आहे.
-
Chhatrapati Sambhajinagar Municipal Election Results 2026 : गोंधळ घालणाऱ्यांवर सौम्य लाठीचार्ज
निकालाआधीच संभाजीनगरमध्ये राडा झाला. शिंदे सेनेच्या उमेदवाराच्या प्रतिनिधीला पोलिसांनी चोप दिल्याचे समोर येत आहे. येथे पोलिसांना सौम्य लाठीचार्ज करावा लागला. पोलिसांनी मतदान केंद्राचं गेट लावले. पण काही कार्यकर्त्यांनी आत जाण्याचा प्रयत्न केल्यावर गोंधळ उडाला. त्यावरून पोलिसांना सौम्य लाठीचार्ज करावा लागल्याची माहिती समोर येत आहे.
-
Nanded Mahapalika Election Results : नांदेडमध्ये मतमोजणीची तयारी पूर्ण
नांदेड महानगरपालिकेसाठी झालेल्या मतदानानंतर आता सर्वांचं लक्ष आजच्या निकालाकडे लागलं आहे.या निवडणुकीत सरासरी 60.79 टक्के मतदान झालं असून 20 प्रभागांमधील 81 जागांसाठी 491 उमेदवार रिंगणात होते.आज सकाळी 10 वाजल्यापासून निकालाचे कल स्पष्ट होणार आहेत.नांदेड महापालिकेवर कोणता पक्ष आपलं वर्चस्व कायम राखतो आणि सत्तेची चावी कोणाच्या हातात जाते…हे निकालातून समोर येणार आहे.दरम्यान निकालासाठी जिल्हा प्रशासनाकडून संपूर्ण तयारी पूर्ण करण्यात आली असून प्रत्येक प्रभागासाठी एकूण 7 ते 8 फेऱ्या होतील तर 12 टेबलवर मतमोजणी होईल,मतमोजणी प्रक्रियेसाठी 500 कर्मचारी काम पाहत असून ,सुरुवातीला टपाली मतदानाची मतमोजणी होणार आहे, 10 वाजता मतमोजणीला सुरुवात होणार आहे..
-
Vidarbha Election Result Live 2026: बंडखोरीचा कोणताही फटका भाजपला बसणार नाही – आमदार परिणय फुके यांचं वक्तव्य
बंडखोरीचा कोणताही फटका भाजपला बसणार नाही.. असं वक्तव्य भाजप आमदार परिणय फुके यांनी केलं आहे. बंडखोरी झाली असली तरी, भजपचा मतदार हा पक्षाचा असतो, तो कोणत्या नेत्याचा नसतो… त्यामुळे बंडाखोरीचा कोणताच फटका भाजपला पडणार नाही. राज्यात 29 पैकी 25 ठिकाणी भाजप व एकनाथ शिंदे यांच्या शिवसेनेची सत्ता येईल असा दावा भाजप आमदार परिणय फुके यांनी केला आहे.
-
Chandrapur Municipal Election Results 2026 : 451 उमेदवारांचं भवितव्य मतदान पेटीत कैद, मतमोजणीला सुरुवात होत आहे…
चंद्रपूर शहर महानगरपालिकेच्या काल झालेल्या मतदानानंतर आज झोन क्रमांक तीनच्या बंगाली कॅम्प येथील कार्यालयात एकत्र मतमोजणीला सुरुवात होत आहे. 17 प्रभागातील 66 जागांसाठी ही मतमोजणी होणार असून रिंगणात एकूण 451 उमेदवार आहेत. प्रत्येक प्रभागासाठी 41 टेबलच्या माध्यमातून 8 राऊंडमध्ये ही मतमोजणी पूर्ण होणार आहे. यासाठी मोठा पोलीस बंदोबस्त तैनात करण्यात आला असून मतमोजणी स्थळी देखील चोख सुरक्षा ठेवण्यात आली आहे.
-
Amravati Municipal Election Results 2026 : अमरावती महानगरपालिकेसाठी केवळ 53.65 टक्के मतदान
अमरावती महानगरपालिकेसाठी केवळ 53.65 टक्के मतदान झालं आहे. 6 लाख 77 हजार 180 मतदारापैकी केवळ 3 लाख 63 हजार 283 मतदारांनी मतदानाचा हक्क बजावला आहे. मागील 2017 च्या निवडणुकीमध्ये 54.54 टक्के मतदान झालं होतं. आज 22 प्रभागातून 87 नगरसेवक निवडले जाणार आहेत, तर 661 उमेदवार रिंगणात आहेत. अमरावती महानगरपालिकेमध्ये भाजपला सत्ता राखण्याचं आव्हान आहे. मागील 2017 च्या निवडणुकीमध्ये भाजपला 45 जागा मिळत एकहाती सत्ता मिळाली होती. सकाळी 10 वाजता अमरावतीच्या नवसारी येथे एकाच ठिकाणी होणार 14 टेबलवर मतमोजणीला सुरवात होणार आहे.
-
Chhatrapati Sambhajinagar Nagarsevak Election Results 2026: छत्रपती संभाजी नगर मध्ये चार ठिकाणी पार पडणार मतमोजणी
छत्रपती संभाजी नगरमध्ये चार ठिकाणी मतमोजणी होणार आहे. दुपारी तीन वाजेपर्यंत स्पष्ट निकाल हाती येण्याची शक्यता वर्तवली जात आहे. दहा वाजल्यापासून 29 प्रभागातील मतमोजणीला सुरुवात होणार आहे. गरवारे स्टेडियम, शासकीय तंत्रनिकेतन, शासकीय अभियांत्रिकी महाविद्यालय व सेंट फ्रान्सिस हायस्कूल मध्ये मतमोजणी सुरु होईल. प्रशासनाकडून मतमोजणीची तयारी अंतिम टप्प्यात आली आहे. या ठिकाणी पोलिसांचा चोख बंदोबस्त आहे. सुरुवातीला टपाली मताची मोजणी होणार आहे.
-
Latur Mahapalika Election Results : लातूरमध्ये सरासरी ६० टक्के मतदान
लातूर महापालिका निवडणुकीत गुरुवारी सरासरी ६०.०८ टक्के मतदान झाले. दुपारनंतर मतदानाला चांगलाच वेग आला. रात्री उशीरापर्यंत काही मतदान केंद्रांवर मतदान सुरू असल्याचे समोर आले आहे. शिवाजीनगर पोलीस ठाण्यात आचारसंहिता भंग केल्याचा एक गुन्हा नोंद झालेला आहे. तर काही ठिकाणी पोलिसांच्या हस्तक्षेपानंतर दोन गटातील वाद शमला आहे. १८ प्रभागात ७० नगरसेवकांसाठी ३५९ उमेदवार निवडणुकीच्या रिंगणात आहेत.
-
Nanded Nagarsevak Election Results 2026: नांदेडमध्ये 62 टक्के मतदान
नांदेड-वाघाळा महानगरपालिकेच्या निवडणुकीसाठी गुरुवारी मतदान झाले. या ठिकाणी एकूण 61.79 टक्के मतदान झाले. काही ठिकाणी रात्री उशिरापर्यंत मतदारांच्या रांगा लागलेल्या होत्या. त्यामुळे मतदान केंद्रांवर पोलिस बंदोबस्त तैनात करण्यात आला होता. नांदेड महापालिकेच्या एकूण 81 जागांसाठी 491 उमेदवार रिंगणात आहेत.
-
Nagpur Municipal Election Results 2026 : नारपुरातील परिस्थिती नक्की कशी?
नागपूर महापालिकेत एकूण 38 प्रभाग आहेत. यातील 37 प्रभागात प्रत्येकी 4 उमेदवार आहेत. तर एका प्रभागात 3 उमेदवार आहेत. नागपुरात एकूण 151 जागांसाठी निवडणूक होत आहे. 2017 साली येथे भाजपाची सत्ता होती. या निवडणुकीत भाजपाने भाजप 108 जागांवर विजय मिळवला होता. तर काँग्रेसला फक्त 29 जागांवर विजय मिळवता आला होता.
-
Latur Municipal Election Results 2026 : लातूरमध्ये आक्रमक भाजपला काँग्रेस थोपवणार?
विलासराव देशमुख यांच्या आठवणी लातूरमधून पुसल्या जातील असे वक्तव्य भाजपचे प्रदेशाध्यक्ष रवींद्र चव्हाण यांनी केले होते. या ठिकाणी भाजप आणि काँग्रेसमध्ये चुरशीचा सामना रंगला. काँग्रेसचे आमदार अमित देशमुख आणि भाजपचे मंत्री संभाजीराव पाटील निलंगेकर यांच्या करिष्म्याकडे सर्वांचं लक्ष लागलं आहे.
-
Nanded Nagarsevak Election Results 2026: नांदेडमध्ये अशोक चव्हाण करिष्मा दाखवणार?
नांदेडमध्ये माजी मुख्यमंत्री आणि भाजपचे खासदार अशोकराव चव्हाण हे करिष्मा दाखवणार की, आमदार प्रताप पाटील चिखलीकर गेम करणार याची चर्चा रंगली आहे. या महापालिकेत सर्वच पक्षांनी एकमेकांविरुद्ध दंड थोपाटले आहेत. त्यामुळे येथील निवडणुकीचा सामना रंगतदार झाला आहे.
-
Parabhani Municipal Election Results 2026 : परभणीचा निकाल कुणाच्या पारड्यात?
काँग्रेस नेते माजी आमदार सुरेश वरपूडकर हे ऐन निवडणुकीच्या तोंडावर भाजपमध्ये गेले. त्यामुळे निवडणुकीत चुरस निर्माण झाली. येथे उद्धवसेनेचे खासदार संजय जाधव, आमदार राहुल पाटील यांच्याशी त्यांना सामना करावा लागला. परभणीत उद्धवसेना आणि काँग्रेस एकत्रित लढत असल्याने येथे चुरस आहे.
-
Jalna Municipal Corporation Election Results 2026: जालन्यात कोण मारणार बाजी?
जालना शहर महानगरपालिकेच्या 16 प्रभागातील 65 जागेसाठी थोड्याच वेळात मतमोजणीला सुरुवात होत आहे.सकाळी 10 वाजल्यापासून होणार मतमोजणीला सुरुवात होत आहे.पहिल्यांदाच झालेल्या निवडणुकीत जालन्यात कोण बाजी मारणार याची सर्वाना उत्सुकता लागली आहे. भाजप आणि शिंदेच्या शिवसेनेमध्ये होणार प्रमुख लढत, भाजप नेते रावसाहेब दानवे, कैलास गोरंट्याल आणि शिवसेना आमदार अर्जुन खोतकर यांची प्रतिष्ठा पणाला लागली आहे. महाविकास आघाडी सोडता सर्वच पक्षांनी जालना महापालिका निवडणुकीत स्वबळाचा नारा दिला होता.
-
Chhatrapati Sambhajinagar Mahapalika Election Results : मराठवाड्याच्या राजधानीत कोण मारणार बाजी?
छत्रपती संभाजीनगरमध्ये मंत्री अतुल सावे यांनी भाजपचा गड लढवला तर मंत्री संजय शिरसाट यांनी शिंदेसेनाचा किल्ला लढवला. माजी खासदार चंद्रकांत खैरे आणि माजी विरोधी पक्षनेते अंबादास दानवे यांनी उद्धव सेनेची खिंड लढवली. वंचित बहुजन आघाडी आणि एआयएमआयएम सुद्धा रणांगणात होते. त्यामुळे येथील निवडणूक चुरशीची ठरली. काँग्रेस, दोन्ही राष्ट्रवादीमुळे कुणाचा गेम होणार याकडे सर्वांचे लक्ष लागलं आहे.
Published On - Jan 16,2026 6:25 AM
