Maharashtra News LIVE : मान्सूनने राज्य व्यापले, पेरणीची लगबग, बि-बियाणांच्या दुकानावर गर्दी

Maharashtra News LIVE : राज्यात मान्सूनने धडक दिली आहे. तळकोकणात ढगांची जमवाजमव सुरू झाली आहे. वाऱ्यामुळे हे ढग आता राज्याच्या कानाकोपऱ्यात पावसाचा सांगावा घेऊन आले आहेत. समाधानकारक पावसामुळे आता खरिपाच्या पेरणीला सुरुवात होत आहे. शेतीच्या मशागतीला वेग आला आहे. तर शेतकऱ्यांनी बि-बियाणे खरेदीसाठी दुकानांसमोर गर्दी करायला सुरुवात केली आहे. येत्या चार ते पाच दिवसात मान्सून अधिक सक्रिय होण्याची दाट शक्यता आहे.

काल खासदार संजय दिना पाटील यांनी पत्रकारांना धमकीवजा इशारा दिल्यानंतर त्याचे राजकीय पडसाद उमटले. उपमुख्यमंत्री एकनाथ शिंदे यांनी त्यांना समज दिल्याचे समजते. तर दुसरीकडे मुख्यमंत्री देवेंद्र फडणवीस यांनी याप्रकारावर तीव्र नाराजी व्यक्त केली आहे. संजय दिना पाटील यांच्यावर विरोधक तुटून पडले आहेत. बच्चू कडू यांनी संजय पाटील यांनी माफी मागावी असे वक्तव्य केले आहे. आमदार रोहित पवार हे सध्या मराठवाड्याच्या दौऱ्यावर असून त्यांनी ओमराजे निंबाळकर आणि राणा जगजीत सिंह पाटील यांच्यावर टीका केली. तर अशोक चव्हाण यांचे कौतुक केले आहे. यासह राज्यातील इतर महत्त्वाच्या घडामोडी आणि अपडेट इथं वाचा.