Maharashtra Election News LIVE : सोलापूर निर्णयाची अधिकृत माहिती नाही, संजय राऊतांचा खुलासा

सांगलीतील नर्सरीला लागलेल्या आगीत महिलेचा संशयास्पद मृत्यू

सांगली शहरातील धामणी चौक येथे असणाऱ्या मयूर नर्सरीमध्ये लागलेल्या आगीमध्ये होरपळून महिलेचा संशयास्पद मृत्यू झाला. निकिता शिव मनगुळे-लोंढे असे आगीत मृत्यू झालेल्या महिलेचे नाव आहे. निकिता मनगुळे-लोंढे व तिचा पती कर्नाटकातील कागवाड येथील असून ते सध्या सांगली शहरातील धामणी चौकातील मयूर नर्सरीमध्ये राहण्यास होते.

प्रजासत्ताक दिनानंतर ठरणार नाशिकचा महापौर ?

स्वतः मुख्यमंत्रीच घेणार नाशिकच्या महापौरा बाबतचा निर्णय. प्रजासत्ताक दिनानंतर राजकीय हालचालींना येणार वेग. गिरीश महाजन आणि मुख्यमंत्री देवेंद्र फडणवीस घेणार अंतिम निर्णय.  महापौर पदासाठी नेत्यांची लॉबिंग सुरू.  मुंबई ठाणे पुणे पिंपरी चिंचवड महापालिकेतील महापौर पदाच्या निवडी झाल्यानंतरच नाशिकचा नंबर लागण्याची शक्यता

त्याबाबत माझ्याकडे कोणतीही माहिती नाही- संजय राऊत

सोलापूरमध्ये दोन्ही शिवसेना एकत्र लढत असल्याबाबतची माझ्याकडे कोणतीही माहिती नसल्याचे स्पष्ट सांगताना संजय राऊत दिसले आहेत.

सध्याच्या राजकारणात गुलामांचा बाजार भरला- संजय राऊत

संजय राऊत यांनी नुकताच टीका करत म्हटले की, सध्याच्या राजकारणात गुलामांचा बाजार भरला आहे. सध्याच्या राजकीय स्थितीवर बोलताना त्यांनी हे भाष्य केले.

धुळे-सोलापूर राष्ट्रीय महामार्गावर इथेनॉल टँकरला अपघातानंतर आग

धधुळे-सोलापूर राष्ट्रीय महामार्गावर बीडच्या गेवराई शहराजवळ इथेनॉल टँकरला भीषण अपघातानंतर मोठी आग लागली. मध्यरात्री दोनच्या सुमारास हा अपघात घडला. या अपघातात टँकर पूर्णपणे जळून खाक झाले आहे. इथेनॉलने पेट घेतल्याने मोठी आग लागली.

पुण्याचा महापौर कोण ? कधी होणार निर्णय ?

पुण्याचा महापौर कोण? हे पुढील काही दिवसांमध्ये ठरणार आहे. गेल्या 4 वर्षांपासून पुण्यातील महापौर बंगला वापरात नव्हता. आता सर्वसाधारण महिला आरक्षण पडले असून, महापौर निवडीनंतर या ठिकाणी नवीन महापौर राहण्यास येणार असल्याने डागडुजीचे, स्वच्छता काम सुरू करण्यात आले आहे.

विरारमध्ये मुलं चोरीच्या अफवातून संतप्त जमावाने चार महिलांना केली बेदम मारहाण

विरारमध्ये मुलं चोरीच्या अफवातून संतप्त जमावाने चार महिलांना बेदम मारहाण केल्याची घटना उघड झाली आहे . विरार पूर्व सहकार नगर रिक्षा स्टॅण्ड जवळ गुरुवारी सकाळी आकाराच्या सुमारास ही घटना घडली.  या मारहाणीचा व्हिडीओ सोशल मीडियावर व्हायरल झाला .  विरार पोलिसांनी तात्काळ मध्यस्थी करून, मारहाण झालेल्या महिलांना ताब्यात घेऊन त्यांची जमवातून सुटका केली .

माय – लेकीच्या आंघोळीचा चोरून व्हिडिओ काढणाऱ्या तरुणाविरोधात गुन्हा दाखल

जळगावात माय-लेकीच्या आंघोळीचा चोरून व्हिडिओ रेकॉर्ड करणाऱ्या तरुणावर एमआयडीसी पोलिसात गुन्हा दाखल करण्यात आला आहे.

पुरुषोत्तम कुटे असे गुन्हा दाखल झालेल्या तरुणाचे नाव असून पत्र्याला छिद्रे पाडून त्या छिद्रांमधून त्याने महिला व मुलीचे अंघोळ करतानाचे व्हिडिओ मोबाइलमध्ये चित्रीकरण केल्याचा आरोप आहे. हा प्रकार समोर आल्यानंतर महिलेच्या तक्रारीवरून तरुणाविरुद्ध पोलिस ठाण्यात विनयभंग आणि पोक्सो कायद्यांतर्गत गुन्हा दाखल करण्यात आला.

नाशिक – फर्निचरच्या दुकानाला भीषण आग

नाशिकच्या सातपूरमध्ये केवल पार्क परिसरात फर्निचरच्या दुकानाला भीषण आग लागली आहे. या आगीत दुकानातील सर्व साहित्य जळून खाक झालं आहे. सुदैवाने आगीत कोणीतीही जीवितहानी नाही. दोन तासांच्या अथक प्रयत्नांनी आगीवर नियंत्रण मिळवण्यात यश.

डेटिंग ॲपच्या जाळ्यात अडकवून तरुणांना लुटणारी टोळी गजाआड

डेटिंग अ‍ॅपवर ओळख वाढवून तरुणांना धमकावून लुटणाऱ्या टोळीचा कोंढवा पोलिसांनी पर्दाफाश केला आहे.  या प्रकरणी पाच जणांना अटक केली असून, त्यांच्याकडून मोबाइल, दागिने आणि गुन्ह्यात वापरलेली वाहने जप्त करण्यात आली आहेत.

जालन्यात भर दिवसा आईस्क्रीम विक्रेत्याचे अपहरण

जालन्यात आईस्क्रीम विक्री करणाऱ्या तरुणाचे अपहरण करून त्याला झाडाला बांधून अमानुष मारहाण करण्यात आली. तसेच  त्याच्याकडून 20 हजारांची खंडणी उकळल्याची धक्कादायक घटना उघडकीस आली आहे. या प्रकरणी 3अज्ञातांविरोधात तालुका जालना पोलिस ठाण्यात गुन्हा दाखल करण्यात आला आहे.

सोलापुरात जिल्हा परिषद निवडणुकीसाठी दोन्ही शिवसेनेची महाआघाडी

सोलापुरात जिल्हा परिषद निवडणुकीसाठी दोन्ही शिवसेना एकत्र आल्या आहेत. बार्शी तालुक्यात जिल्हा परिषद निवडणुकीत दोन्ही शिवसेनेची महाआघाडी केली आहे. विशेष म्हणजे भाजपविरोधात दोन्ही शिवसेना, दोन्ही राष्ट्रवादी मिळून महाआघाडी स्थापन करण्यात आली आहे. ठाकरे गटाचे आमदार दिलीप सोपल यांनी याबाबत सोशल मीडियावर पोस्ट करत मेळाव्याला येण्याचे आवाहन केलं आहे.  या महाआघाडीमुळे सोलापूरच्या राजकीय वर्तुळात चर्चेला उधाण आलंय.