Maharashtra News LIVE 13 June 2026 : कॉमेडिअन प्रणित मोरेच्या अडचणी वाढणार, गृह विभागाकडून होणार चौकशी
Maharashtra News LIVE : पंतप्रधान नरेंद्र मोदी आजपासून 18 जूनपर्यंत फ्रान्स आणि स्लोव्हाकियाच्या दौऱ्यावर असतील. ते फ्रान्समधील G7 बैठकीलाही उपस्थित राहणार आहेत. यासहद देश, विदेश, क्रीडा क्षेत्रातील महत्वाच्या घडामोडी जाणून घेण्यासाठी दिवसभर हा ब्लॉग फॉलो करा
LIVE NEWS & UPDATES
-
कॉमेडिअन प्रणित मोरेच्या अडचणी वाढण्याची शक्यता
कॉमेडिअन प्रणित मोरेच्या अडचणी वाढण्याची शक्यता आहे. गृह विभागाकडून प्रणित मोरेच्या आधीच्या सर्व व्हिडीओजची चौकशी होणार आहे. अपलोड केलेल्या व्हिडीओ कंटेंटची सायबर पोलिसांकडून सखोल चौकशी केली जाणार आहे. गृहराज्यमंत्री पंकज भोयर यांनी ही माहिती दिली.
-
महाराष्ट्रात गुटखा माफियांविरोधात आता सर्वात मोठी कारवाई होणार
महाराष्ट्रात गुटखा माफियांविरोधात आता सर्वात मोठी कारवाई होणार. बंदी असलेल्या गुटख्याच्या अवैध व्यवसायाशी संबंधित उत्पादक, तस्कर, वाहतूकदार, वितरक आणि आर्थिक पाठबळ देणाऱ्यांवर थेट MCOCA अंतर्गत गुन्हे दाखल करण्याचे आदेश FDA आयुक्त तुकाराम मुंढे यांनी दिले आहेत.
-
-
दिंडोशीत बिबट्याची दहशत – निसर्ग सोसायटीच्या पार्किंगमध्ये फिरला बिबट्या
मुंबईतील दिंडोशी परिसरातील निसर्ग सोसायटीमध्ये पुन्हा एकदा बिबट्या दिसल्याने खळबळ उडाली आहे. सोसायटीच्या पार्किंग लॉटमध्ये बिबट्या फिरत असल्याचा व्हिडिओ समोर आला असून रहिवाशांमध्ये घबराट पसरली.
-
पुणे – हिंजवडीत अंमली पदार्थ विरोधी पथकाची मोठी कारवाई, लाखोंचा मुद्देमाल जप्त
पुणे – हिंजवडीत अंमली पदार्थ विरोधी पथकाने मोठी कारवाई केली. 61 ग्रॅम अंमली पदार्थांसह लाखो रुपयांचा मुद्देमाल जप्त करण्यात आला. MD ड्रग्सची तस्करी करणाऱ्या तिघांना अटक करण्यात आली.
-
कल्याणच्या वालधुनीत साकारणार बोधगयाच्या धर्तीवर जागतिक दर्जाचे बौद्ध स्मारक!
कल्याणच्या वालधुनीत बोधगयाच्या धर्तीवर जागतिक दर्जाचे बौद्ध स्मारक साकारणार आहे. खासदार डॉ. श्रीकांत शिंदे यांच्या पाठपुराव्याला यश; बुद्धभूमी फाउंडेशनच्या मागण्यांना शासनाने हिरवा कंदील दाखवला. सामाजिक न्याय मंत्री संजय शिरसाठ यांच्या घोषणेनंतर या निर्णयाचा कल्याण मध्ये आनंदोत्सव साजरा करण्यात आला.
कल्याण पूर्वेत सर्व पक्षीय नगरसेवकांनी सखल बौद्ध समाज बांधवांची ढोल ताशाच्या गजरात नाचत फटाक्यांची आतषबाजी करत एकमेकांना पेढे भरवत जल्लोष केला.
-
-
आमदार रवी राणा व भाजप नेत्या नवनीत राणा यांच्या कार्यालयाला मंत्री बावनकुळे यांची भेट
अमरावती – मंत्री चंद्रशेखर बावनकुळे यांनी आमदार रवी राणा व भाजप नेत्या नवनीत राणा यांच्या कार्यालयाला भेट दिली. यावेळी नवनीत राणा आणि आमदार रवी राणा यांनी मंत्री चंद्रशेखर बावनकुळे यांच स्वागत केलं.. राणा दाम्पत्य आणि बावनकुळे यांच्यामध्ये बंद दारआड चर्चा झाल्याची माहिती सूत्रांनी दिली. अमरावती विधान परिषद निवडणुकीच्या पार्श्वभूमीवर चर्चा झाल्याची सूत्रांची माहिती. काही दिवसांपूर्वी नवनीत राणा या राष्ट्रवादीकडून राज्यसभेवर जाईल अशी चर्चा सुरू होत्या.
-
चाळीसगाव तालुक्यात वादळाचा हाहाकार; केळीच्या बागा उद्ध्वस्त, घरांचेही मोठे नुकसान
चाळीसगाव तालुक्यात वादळाचा हाहाकार; केळीच्या बागा उद्ध्वस्त, घरांचेही मोठे नुकसान झाले. वरखेडे व उंबरखेडेत अवघ्या १५ ते २० मिनिटांच्या वादळाने हाहाकार उडाला. ज्वारीच्या दाण्याएवढ्या गारांच्या तडाख्याने पिकांचे मोठे नुकसान झाले. १०० ते २०० हून अधिक केळीच्या बागांचे कोट्यवधींचे नुकसान झाले असून हातातोंडाशी आलेल्या केळीच्या बागा भुईसपाट झाल्याने शेतकरी हवालदिल झाला आहे.
-
-
आमदार रोहित पवारांच्या अन्नत्याग आंदोलनाचा आज दुसरा दिवस
आमदार रोहित पवारांच्या अन्नत्याग आंदोलनाचा आज दुसरा दिवस आहे. माझं बीपी व्यवस्थित आहे मात्र शुगर कमी झाल्याचं डॉक्टरांनी सांगितलं. कर्जमाफीतील काही जाचक अटी सरकारने घातल्यात, त्या मागे घेतल्याशिवाय आमचे अन्नत्याग आंदोलन थांबणार नाही, असं रोहित पवार म्हणाले.
2019 च्या कर्जमाफीचा लाभ घेतलेल्या शेतकऱ्यांना केव्हा 50 हजार पर्यंत कर्जमाफी म्हणजे सरकारकडून शेतकऱ्याची फसवणूक आहे, असा आरोप त्यांनी केला.
Maharashtra News LIVE : रोहित पवार यांच्या अन्नत्याग आंदोलनाचा आज दुसरा दिवस आहे. कृषीमंत्री भरेणेंकडून रोहित पवार यांना सोमवारी चर्चेचं निमंत्रण देण्यात आल आहे. सरकार शेतकऱ्यांच्या सरसकट कर्जमाफीच आश्वासन देत नाही तोपर्यंत आंदोलन सुरूच ठेवणार असं म्हणत रोहित पवार आंदोलनावर ठाम आहेत. दरम्यान पंतप्रधान नरेंद्र मोदी आजपासून 18 जूनपर्यंत फ्रान्स आणि स्लोव्हाकियाच्या दौऱ्यावर असतील. ते फ्रान्समधील G7 बैठकीलाही उपस्थित राहतील. या दौऱ्यादरम्यान भारत-फ्रान्स धोरणात्मक भागीदारी, संरक्षण सहकार्य, व्यापार, गुंतवणूक, नवोपक्रम, कृत्रिम बुद्धिमत्ता आणि जागतिक मुद्द्यांवर उच्चस्तरीय चर्चा होण्याची अपेक्षा आहे. कोकणातील मुसळधार पावसाच्या पार्श्वभूमीवर प्रवाशांची सुरक्षा आणि रेल्वे वाहतुकीची अखंडता कायम राखण्यासाठी कोकण रेल्वे प्रशासनाने यंदाच्या मॉन्सून हंगामासाठी व्यापक तयारी पूर्ण केली आहे. भू-सुरक्षा, पायाभूत सुविधा बळकटीकरण, अत्याधुनिक देखरेख प्रणाली, विशेष गस्त आणि आपत्कालीन प्रतिसाद यंत्रणा अशा विविध उपाययोजनांद्वारे कोकण रेल्वेने पावसाळी आव्हानांना सामोरे जाण्यासाठी कंबर कसली आहे. यासह राज्यातील इतर महत्त्वाच्या घडामोडी आणि अपडेट इथं वाचा.
Published On - Jun 13,2026 9:00 AM
