Maharashtra News LIVE : गिरणा नदीपात्रात अवैध वाळू उपशावर धडक कारवाई
Maharashtra News LIVE : या आठवड्याच्या सुरुवातीला पावसाने काही जिल्ह्यात हजेरी लावली आता 20 ते 25 सप्टेंबर दरम्यान पुन्हा सांगावा धाडला आहे. या काळात राज्यात दमदार पावसाची अंदाज वर्तवण्यात आला आहे. आजही काही जिल्ह्यात पावसाच्या सरी कोसळण्याची शक्यता आहे.
LIVE NEWS & UPDATES
-
अनेक दिवसांपासून दडी मारलेल्या पावसाची नागपूरात हजेरी
नागपूर शहरात ढगांच्या गडगडाटासह जोरदार पावसाची हजेरी लावली आहे. पावसाची तूट वाढत असताना आजच्या जोरदार पावसामुळे थोडा दिलासा मिळाला आहे. दिवसभर उन्हानंतर आणि उकाड्याने हैराण झाल्यानंतर संध्याकाळी पावसाने जोरदार हजेरी लावली आहे.
-
ठाणे- खारेगाव टोलनाका परिसरात एका दुचाकीचा भीषण अपघात, एक ठार एक जखमी
ठाण्यातील खारेगाव टोलनाका परिसरात नाशिक रोड येथून कळवा- मुंब्राच्या दिशेने जाताना एका दुचाकीस्वारांचा वळणावर अपघात झाला आहे. या अपघातात एकाचा मृत्यू तर एक जण गंभीर जखमी झाला आहे.जखमी तरुणाला कळव्यातील छत्रपती शिवाजी महाराज रुग्णालयात दाखल केले आहे.
-
-
गिरणा नदीपात्रात अवैध वाळू उपशावर धडक कारवाई
पाचोरा तालुक्यातील कुरंगी येथील गिरणा नदीपात्रात अवैध वाळू उपशावर धडक कारवाई करण्यात आली असून २९ वाहने ताब्यात घेण्यात आली असून एकूण ३ कोटी ६० लाखांचा मुद्देमाल जप्त करण्यात आला आहे. महसूल-पोलीस-आरटीओने संयुक्तपणे ही कारवाई केली आहे. १८ ट्रॅक्टर, ८ डंपर, २ क्रेन आणि १ जेसीबी ताब्यात घेण्यात आल्या आहेत. ७० ते ८० ब्रास वाळूसाठ्यासह एकूण ३ कोटी ६० लाखांचा मुद्देमाल जप्त केला आहे.
-
एफएसएसएआयने बालकांच्या फॉर्म्युला फूडवर कारवाई करत नेस्ले इंडियाविरोधात 3 गुन्हे दाखल केले
एफएसएसएआयने नेस्ले इंडिया लिमिटेडविरुद्ध बालकांच्या फॉर्म्युला फूडसंदर्भात तीन स्वतंत्र न्यायनिर्णय प्रकरणे दाखल केली आहेत. एफएसएसएआयच्या तपासात कंपनीच्या काही बाल पोषण उत्पादनांमध्ये आणि त्यांच्या ऑनलाइन जाहिरातींमध्ये नियमांचे उल्लंघन झाल्याचे उघड झाले आहे. FSSAI नुसार, NAN Excella Pro Stage 1 च्या जाहिरातीत 5 HMOs आणि व्हे प्रोटीनशी संबंधित दावे आढळून आले आहेत. दरम्यान, Lactogen Pro 1 च्या जाहिरातीत व्हे प्रोटीन सहज पचते असे दावे आढळून आले आहेत. या दाव्यांसंदर्भात नेस्ले इंडियाकडून स्पष्टीकरण मागवण्यात आले आहे.
-
बर्कशायर हॅथवेमध्ये मोठा बदल, वॉरन बफेट यांनी दिला अध्यक्षपदाचा राजीनामा
प्रख्यात गुंतवणूकदार वॉरन बफेट यांनी बर्कशायर हॅथवेच्या अध्यक्षपदाचा राजीनामा दिला आहे. असोसिएटेड प्रेस (AP) च्या वृत्तानुसार, बफेट 1970 पासून अध्यक्ष म्हणून कार्यरत होते. पाच दशकांहून अधिक काळ या पदावर राहिल्यानंतर त्यांनी दिलेला राजीनामा, बर्कशायर हॅथवेच्या नेतृत्वातील एक मोठा बदल मानला जात आहे.
-
-
मराठी चित्रपटसृष्टीची मोठी कामगिरी, गोंधळ चित्रपटाची ऑस्कर 2027 साठी निवड
मराठी चित्रपट ‘गोंधळ’ची 2027 च्या ऑस्करसाठी भारताची अधिकृत प्रवेशिका म्हणून निवड झाली आहे, अशी घोषणा फिल्म फेडरेशन ऑफ इंडियाने शुक्रवारी केली. संतोष दावखर लिखित आणि दिग्दर्शित हा चित्रपट ग्रामीण महाराष्ट्रात घडतो आणि एका नवविवाहित जोडप्याच्या पारंपरिक विधींनी भरलेल्या रात्रीभोवती फिरतो. निवड समितीचे अध्यक्ष पी. शेषाद्री म्हणाले की, 2027 च्या ऑस्करसाठी 33 चित्रपटांच्या शॉर्टलिस्टमधून या चित्रपटाची निवड करण्यात आली आहे.
-
युएईच्या राष्ट्रपतींनी पंतप्रधान मोदींना फोन करून ब्रिक्स अध्यक्षपदाची प्रशंसा केली
संयुक्त अरब अमिरातीचे अध्यक्ष शेख मोहम्मद बिन झायद अल नाहयान यांनी पंतप्रधान नरेंद्र मोदी यांना त्यांच्या वाढदिवसानिमित्त शुभेच्छा देण्यासाठी फोन केला. दोन्ही नेत्यांनी भारत आणि संयुक्त अरब अमिराती यांच्यातील व्यापक सामरिक भागीदारी अधिक मजबूत करण्याच्या मार्गांवर चर्चा केली. संयुक्त अरब अमिरातीच्या राष्ट्रपतींनी भारताच्या यशस्वी ब्रिक्स अध्यक्षपदाबद्दल पंतप्रधान मोदींचे अभिनंदनही केले. चर्चेदरम्यान, दोन्ही नेत्यांनी पश्चिम आशियामध्ये शांतता, सुरक्षा आणि स्थैर्य वाढवण्याच्या आपल्या वचनबद्धतेचा पुनरुच्चार केला.
-
-
सोलापूर माढा – सीना नदीच्या पात्रात 5 तरूण बुडाले, तिघांना वाचवण्यात यश
सोलापूर – माढ्याच्या सीना नदीच्या पात्रात 5 तरुण बुडाले. मुंबईवरुन सणाच्या सुट्टीनिमित्त गावी आलेले तरुण पोहण्यासाठी निमगाव मधील सीना नदीच्या पात्रात उतरले होते. 3 तरुणांचा जीव वाचवण्यात नागरीकांना यश आलं असून 2 तरुण बेपत्ता आहेत. प्रशासनाकडून नदीच्या पात्रात तरुणांचा शोध घेतला जात आहे.
-
कल्याण – सिलेंडर लिकेजनंतर भीषण स्फोट; 3 जण जखमी
कल्याण पूर्वेत सिलेंडर लिकेजनंतर भीषण स्फोट झाल्याची माहिती समोर आली. या दुर्दैवी घटनेत 3 जण जखमी झाले , दोघांची प्रकृती गंभीर आहे. तर रिक्षा-मोटारसायकली घराचंही मोठं नुकसान झाल्याचे समजते.
-
सांगली – गणपती पंचायत संस्थानच्या मानाच्या श्रींचं जल्लोषात विसर्जन,,अभिनेत्री भाग्यश्रीची अनुपस्थिती चर्चेत
सांगलीच्या मानाचा गणपती संस्थानच्या गणरायाला मोठ्या भक्ती भावात आणि जल्लोषात निरोप देण्यात आला. गणपती पंचायत संस्थानचे अधिपती राजे विजयसिंह पटवर्धन,राणी राजलक्ष्मी यांच्या प्रमुख उपस्थितीत मिरवणुकीने लाडक्या गणरायाला निरोप देण्यात आला. मात्र अभिनेत्री भाग्यश्री ही यावेळी अनुपस्थित राहिल्याने तो चर्चेचा विषय ठरला.
-
मंत्री आशिष शेलार यांनी घेतलं दगडूशेठ गणपतीचे दर्शन
पुणे – मंत्री आशिष शेलार यांनी दगडूशेठ गणपतीचे दर्शन घेतलं. यावेळी आमदार हेमंत रासने देखील उपस्थित होते. मंत्री आशिष शेलार यांच्या हस्ते पार दगडूशेठ गणपतीची आरती पार पडली .
-
उद्धव ठाकरेंनी जे सांगितलं, ते कोर्टानेही मान्य केलं नाही – दिशा सालियन प्रकरणावरून नितेश राणेंचं वक्तव्य
दिशा सालियन प्रकरणाशी संबंध नसल्याचं ठाकरेंनी कोर्टात सांगितलं. कोर्टानेही ते मान्य केलं नाही. सध्या चौकशी सुरू आहे, त्यात अडचण आणू नये असं माझं मत आहे – नितेश राणेंचं वक्तव्य.
-
ठाकरे सेनेचे आमदार सुनील प्रभूंच्या कारने पादचाऱ्याला उडवलं
ठाकरे सेनेचे आमदार सुनील प्रभूंच्या कारने पादचाऱ्याला उडवलं. अपघातात पादचारी सुनील धुलविया किरकोळ जखमी. अपघातावेळी सुनील प्रभू कारमध्ये होते, ड्रायव्हर कार चालवत होता. विलेपार्ले पोलीस ठाण्याच्या हद्दीत अपघाताची घटना..
-
शरद पवारांचं मुख्यमंत्री फडणवीसांना पत्र
शरद पवारांचं मुख्यमंत्री फडणवीसांना पत्र. पावसाने पाठ फिरवल्याने शेतकरी संकटात सापडलाय… तातडीने उपाययोजना करा, अशी मागणी पवारांनी पत्राद्वारे फडणवीसांकडे केलीय… शेतकऱ्यांना हेक्टरी 50 हजार मदत, शेत मजुरांच्या कुटुंबांना 25 हजार विशेष मदत देण्याची मागणी पवारांकडे केलीय…
-
आधी शिवसेना, मग राष्ट्रवादी आणि आता तृणमूल काँग्रेस-राहुल गांधी
आधी शिवसेना, मग राष्ट्रवादी आणि आता तृणमूल काँग्रेस. TMCचे नाव आणि चिन्ह गोठवल्यानंतर राहुल गांधींचं ट्विट. प्रत्येक वेळी तोच प्रकार भाजप आणि निवडणूक आयोग संगनमत करून पक्ष फोडतात- राहुल गांधी
-
बिजनौर प्रकरणाचे धागेदोरे धाराशिवच्या तेरखेड्यातील फटाका उद्योगापर्यंत
उत्तर प्रदेशातील बिजनौर प्रकरणाचे धागेदोरे धाराशिवच्या तेरखेड्यातील फटाका उद्योगापर्यंत. धाराशिवच्या तेरखेडातून बिजनौर येथे मोठ्या प्रमाणात स्फोटक साहित्य पुरवल्याची माहिती समोर. तेरखेडातील अनेक फटाका कारखान्यांमध्ये स्फोटकांचा अनियमितसाठा असल्याची माहिती. उत्तर प्रदेश पोलिसांकडून धाराशिवमध्ये आरोपींचा शोध
-
पाकिस्तानच्या खैबर पख्तूनख्वामधील मशीदमध्ये ब्लॅस्ट
पाकिस्तानच्या खैबर पख्तूनख्वामधील मशीदमध्ये ब्लॅस्ट. अनेकजण जखमी, मृतांची भीती. 25 लोक गंभीर जखमी झाल्याची माहिती
-
बुलढाणा जिल्ह्यात भाजप-शिवसेना वाद मिटेना
बुलढाणा जिल्ह्यात भाजप-शिवसेना वाद मिटेना. श्वेता महालेंनी संजय गायकवाडांना पुन्हा डिवचलं. इन्स्टाग्रामवर व्हिडीओ शेअर करत संजय गायकवाडांना चिमटा काढला
-
भाजप आमदार स्वेता महाले यांनी पुन्हा आमदार संजय गायकवाड यांना डिचवलं
इन्स्टाग्राम वर व्हिडीओ अपलोड करत घेतला चिमटा ..बाप तो बाप रहेगा यावरून पुन्हा आमदार महाले चर्चेत ..व्हिडीओ अपलोड करून पुन्हा बुलडाणा मतदार संघ भाजप च्या टार्गेट वर..लगाओ जोर अपने तालूकात का जरा हम भी तो जाणे तुम्हारा कोण बाप हमे नहीं जनता ..
-
पावसाचा पडलेला खंड आणि विविध रोगांमुळे भाजीपाला उत्पादक शेतकरी अडचणीत
परभणी मध्ये गेल्या दीड महिन्यापासून पावसाने ओढ दिली आहे. त्यामुळे पाणीटंचाई आणि बदलत्या वातावरणामुळे भाजीपाला उत्पादक शेतकरी संकटात आले आहेत. बदलत्या वातावरणामुळे भाजीपाला पिकावर विविध रोगांचा प्रादुर्भाव झाला असून,याचा सगळ्यात जास्त फटका हा कारल्याच्या शेतीला बसताना पाहायला मिळत आहे. शेतकऱ्याने हजार रुपये खर्च करून पिकवलेली कारल्याची शेती, करपून जात असून त्यावर विविध रोगांचा प्रादुर्भाव झाल्याने यावर्षी कारल्याच्या वेलाला उत्पन्नच लागलं नाही
-
केंद्रीय निवडणूक आयोगाकडून तृणमूल काँग्रेसच्या दोन्ही गटांना नाव आणि चिन्हाच वाटप
ममता बॅनर्जी यांच्या गटाला ममता ऑल इंडिया तृणमूल कॉंग्रेस हे नाव आणि फुटबॉल खेळाडू हे चिन्ह दिल तर, रुतब्रत बॅनर्जी यांच्या गटाला डेमोक्रेटिक तृणमूल कॉंग्रेस हे नाव आणि लिफाफा हे चिन्ह दिल दोन्ही गटांना पश्चिम बंगाल, मेघालय आणि त्रिपुरा या राज्यात अधिकृत मान्यता दिली जाईल.
-
तिसऱ्या मजल्यावरील एका फ्लॅट मध्ये फ्रीजचा स्फोट होऊन आग
पिंपळे सौदागर येथील गणेशम फेज-२ सोसायटी मधील तिसऱ्या मजल्यावरील एका फ्लॅट मध्ये फ्रीजचा स्फोट होऊन अचानक आग लागली होती. ह्या आगीत दोन मुली अडकल्या होत्या. अग्निशमन दलाच्या जवानांनी तातडीने बचावकार्य करत दोन्ही मुलींची खिडकीतून सुखरूप सुटका केली. त्यानंतर आग इतर घरांमध्ये पसरण्यापूर्वीच जवानांनी आगीवर नियंत्रण मिळवलं. सुदैवाने या घटनेत कोणतीही जीवितहानी झाली नाही
-
मोदींच्या ग्रहदशेची चिंता नको; आधी मातोश्रीची ग्रहदशा तपासा, नवनाथ बन यांचं राऊतांना प्रत्युत्तर
भाजप मुख्य प्रवक्ते नवनाथ बन यांनी संजय राऊत यांना प्रत्युत्तर दिलं आहे. पंतप्रधान नरेंद्र मोदींच्या ‘ग्रहदशे’वरून त्यांनी संजय राऊतांवर पलटवार केला. मोदींच्या ग्रहदशेची चिंता नको; आधी मातोश्रीची ग्रहदशा तपासा, असं ते म्हणाले. “दिवे लावणे ही भारतीय परंपरा आहे. पक्षाचे दिवे विझवणे ही राऊतांची परंपरा आहे. मोदींच्या पाठीशी जनतेचे आशीर्वाद आहे. राऊतांनी आधी आदित्य ठाकरेंची चिंता करावी,” असा टोला त्यांनी लगावला आहे.
-
पुण्यातील शिरूरच्या लाटेआळी आंबेडकरनगरमध्ये गोळीबार
पुण्यातील शिरूरच्या लाटेआळी आंबेडकरनगरमध्ये सकाळी गोळीबार झाल्याची धक्कादायक घटना घडली. या गोळीबारात हरी गंगावणे या तरुणाचा मृत्यू झाला. पोलिस आणि फॉरेन्सिक टीम घटनास्थळी दाखल झाली असून या घटनेचा सीसीटीव्ही व्हिडीओ समोर आला आहे.
-
आमदार बच्चू कडू यांच्या निवासस्थानी गणपती बाप्पांसाठी साकारला अनोखा देखावा
आमदार बच्चू कडू यांच्या निवासस्थानी गणपती बाप्पांसाठी शासन आणि प्रशासनाचे कान टोचणारा अनोखा देखावा साकारण्यात आला. काय बच्चू तू गप्प का?? सरकार करत नसेल तर काढ आपलं आंदोलनाच शस्त्र, अशी देखाव्याची थीम आहे. वेगवेगळ्या प्रश्नांच्या माध्यमातून साकारलेल्या देखाव्यातून सरकारचं लक्ष वेधण्याचा प्रयत्न करण्यात आला आहे.
-
विरारमध्ये रेल्वे उड्डाणपुलावर वाहनचालकाची 55 वर्षीय वृद्धाला धडक
विरारच्या गडगापाडा इथल्या रेल्वे उड्डाणपुलावर एका अज्ञात वाहनचालकाने 55 वर्षीय वयोवृद्धाला जोरदार धडक दिली. महादेव रत्न चौरे असं वयोवृद्ध व्यक्तीचं नाव असून त्यांचा उपचारादरम्यान मृत्यू झाला. विरारकडून महामार्गाकडे जाणाऱ्या लेनवर हा अपघात झाला आहे.
-
जळगावच्या जामनेर शहरातील खोल नाल्यात पाण्याचा टँकर पलटी
जळगावच्या जामनेर शहरातील खोल नाल्यात पाण्याचा टँकर पलटी झाला. या अपघातात टँकर चालक किरकोळ जखमी झाला असून सुदैवाने मोठी दुर्घटना टळली. जामनेर शहरातील धोकादायक नाल्यांच्या सुरक्षाव्यवस्थेवर प्रश्नचिन्ह निर्माण झाला आहे. अनेक ठिकाणी सुरक्षा कठडे, संरक्षक भिंत आणि इशारा फलक नसल्याने रात्रीच्या वेळी अंधारामुळे अपघाताचा धोका वाढण्याची शक्यता आहे.
-
पुण्यातील सिंचन भवन इथं मच्छीमार बांधवांच्या आंदोलनाला यश; टीव्ही ९ मराठीच्या बातमीचा इम्पॅक्ट
पुणे- पुण्यातील सिंचन भवन इथं मच्छीमार बांधवांच्या आंदोलनाला यश मिळालं असून हा टीव्ही ९ मराठीच्या बातमीचा इम्पॅक्ट आहे. मच्छीमार बांधवांची मागणी मान्य झाली आहे. उजनी धरणातील प्रस्तावित मच्छीमारी ठेका रद्द करा या मागणीसाठी पुण्यातील सिंचन भवन इथं आमरण उपोषण सुरू होतं.
-
पुण्यातील ‘द न्यू पूना क्लब’चा अन्नपरवाने एफडीएकडून निलंबित
पुण्यातील ‘द न्यू पूना क्लब’चा अन्नपरवाने एफडीएकडून निलंबित करण्यात आला आहे. क्लबच्या स्वयंपाकघरात झुरळे, उंदराची विष्ठी आढळल्याने कारवाई करण्यात आली आहे.
-
उपमुख्यमंत्री एकनाथ शिंदे रायगडमधून दरे गावाकडे रवाना..
महाबळेश्वर परिसरातील वातावरणामुळे उपमुख्यमंत्री एकनाथ शिंदे यांच हेलिकॉप्टर महाडमध्ये उतरुन शिंदे पुढे रस्ते मार्गाने पुढे दरे गावाकडे रवाना झाले. शिवसेनेचे युवानेते विकास गोगावले आणि शिवसैनिकांनी एकनाथ शिंदे यांच स्वागत केल.विकास गोगावले यांनी एकनाथ शिदे यांच सारथ्य केलं आणि ताफा दरे गाया कडे रवाना झाला.
-
कल्याण पूर्वेत वेल्डिंग दुकानात सिलेंडरचा स्फोट
कल्याण पूर्वेत वेल्डिंग दुकानात सिलेंडरचा स्फोट झाला असून, पहाटेच्या सुमारास घडली भीषण घटना घडली आहे. सुदैवाने कोणतीही जीवितहानी नाही. कल्याण पूर्वेतील चक्की नाका परिसरातील शास्त्रीनगर येथील वेल्डिंग दुकानात सिलेंडरचा स्फोट झाला आहे. पहाटेच्या सुमारास घडलेल्या घटनेनंतर परिसरात एकच खळबळ उडाली आहे. घटनेची माहिती मिळताच अग्निशमन दल घटनास्थळी दाखल झाले, अखेर अथक प्रयत्नांनंतर आगीवर नियंत्रण मिळवण्यात यश आलं. सुदैवाने कोणतीही जीवितहानी झाली नाही, मात्र दुकानाचे मोठे नुकसान.
-
अकलूजमध्ये ‘शुद्धतेतून समृद्धीकडे’चा संदेश; गौराईच्या देखाव्यातून दूध भेसळीवर भाष्य…..
अकलूजमधील संगिता देशमुख यांच्या घरी यंदाच्या गौरी-गणपतीच्या देखाव्यातून दूध भेसळीविरोधात सामाजिक प्रबोधनाचा संदेश देण्यात आला आहे. गौराईच्या हातात शुद्ध दुधाची किटली, सोबत दूध उत्पादक शेतकरी महिला आणि भेसळयुक्त दुधावर कारवाई करणारे अधिकारी असा देखावा साकारण्यात आला आहे. तुकाराम मुंढे आणि FDA प्रशासनाच्या कारवाईबद्दल कृतज्ञता व्यक्त करत, शुद्ध दुधाला प्रोत्साहन मिळावे आणि प्रामाणिक दूध उत्पादक शेतकऱ्यांना त्याचा न्याय्य लाभ मिळावा, अशी प्रार्थना या माध्यमातून करण्यात आली आहे…
-
निवडणूक आयोग 10 – 12 वर्षांपासून शाहांना घरगडी म्हणून काम करतोय – संजय राऊत
निवडणूक आयोग 10 – 12 वर्षांपासून शाहांना घरगडी म्हणून काम करतोय. शिवसेना पक्ष, चिन्हा फुटीर गटाला दिलं हा आयोगाचा घोटाळा. धनुष्यबाण गोठवणं आणि फुटीरांना देणं हा शेकडो कोटींचा घोटाळा… असं वक्तव्य संजय राऊत यांनी केलं आहे.
-
सिंहस्थ कुंभमेळ्यासाठी गणेश मंडळांना सहभागी करून घेणार
सिंहस्थ कुंभमेळ्यासाठी गणेश मंडळांना सहभागी करून घेणार. सार्वजनिक गणेश मंडळांच्या १५ हजार पदाधिकाऱ्यांना प्रशिक्षण देणार. भाविकसेवा, जनजागृती आणि गर्दी व्यवस्थापनासाठी स्वयंसेवकांना प्रशिक्षण. कुंभमेळा प्राधिकरण आयुक्त शेखर सिंह यांची माहिती. प्रशासनासोबत गणेश मंडळांचे स्वयंसेवक मैदानात उतरणार. भाविकांना मार्गदर्शन, हरवलेल्या व्यक्तींना मदत आणि आपत्कालीन सेवेत स्वयंसेवकांची भूमिका. कुंभमेळ्याच्या व्यवस्थापनात गणेश मंडळांच्या स्वयंसेवकांची मदत घेणार. जानेवारीपर्यंत नाशिक-त्र्यंबकेश्वर परिसरात ४ हजार CCTV कॅमेरे बसवणार. सिंहस्थ कुंभमेळ्याच्या तयारीला प्रशासनाकडून वेग. गर्दी नियंत्रण आणि भाविकांच्या सुरक्षेसाठी तंत्रज्ञानासह स्वयंसेवकांची मदत घेणार
-
छत्रपती संभाजीनगरमधून महत्त्वाची बातमी समोर
छत्रपती संभाजीनगरमध्ये 135 कोटींच्या कथित बँक फसवणूक प्रकरणात ईडीची मोठी कारवाई समोर आली आहे. गजानन गंगामाई इंडस्ट्रीज एलएलपी’ आणि तिच्या भागीदारांशी संबंधित मुंबई आणि छत्रपती संभाजीनगरमधील 6 निवासी आणि व्यावसायिक ठिकाणांवर ईडीने छापेमारी केली आहे. या कारवाईत कोट्यवधी रुपयांची BMW कार आणि महत्त्वाची कागदपत्रे जप्त करण्यात आली आहेत. तसंच इंडियन बँकेच्या सिंगापूर शाखेतील सुमारे 35.71 कोटी रुपयांची मुदत ठेव गोठवण्यात आली आहे. बँकेच्या तक्रारीनंतर CBI ने 2 जून 2023 रोजी या प्रकरणात गुन्हा दाखल केला होता. त्यानंतर CBI च्या आरोपपत्राच्या आधारे ईडीने आर्थिक गैरव्यवहाराचा तपास सुरू केला. बँकांकडून घेतलेला कर्जनिधी ठरवून दिलेल्या व्यवसायासाठी न वापरता बनावट आणि शेल कंपन्यांच्या माध्यमातून वळवण्यात आल्याचा आरोप ईडीने केला आहे. तसंच या निधीतून रोख रक्कम काढून पैशांचा मूळ स्रोत लपवण्याचा प्रयत्न झाल्याचंही ईडीने म्हटलं आहे.
-
वर्ध्यात गणेशोत्सवात साकारला चाळ संस्कृतीचा आकर्षक देखावा
वर्ध्यात गणेशोत्सवात साकारला चाळ संस्कृतीचा आकर्षक देखावा. वर्धा सोशल फोरमचे अध्यक्ष अभ्युदय मेघे यांच्याकडे आकर्षक सजावटीतून चाळ संस्कृतीचे दर्शन. मनीषा मेघे यांच्या संकल्पनेतून साकारला चाळीचा देखावा. बारीक कलाकुसर करत दर्शविली चाळीतील वैशिष्ट्ये. देखावा तयार करण्यासाठी जवळपास दोन महिन्यांचा कालावधी लागला. नव्या पिढीला जुन्या चाळ संस्कृतीची ओळख करून देणारा अनोखा देखावा ठरतोय आकर्षणाचा
-
राज्यातील सरकारी रुग्णालयातील डॅाक्टरांच्या कामाचा ताण कमी होणार
राज्यातील सरकारी रुग्णालयातील डॅाक्टरांच्या कामाचा ताण कमी होणार. डॅाक्टरांचे कामाचे तास निश्चित होणार. वैद्यकीय अधिकारी संघटना, आरोग्य आयुक्त आणि आरोग्य मंत्र्यांसोबत झालेल्या बैठकीत निर्णय. कामाचे तास कमी करण्यासाठी समिती गठीत, आठ तास ड्युटी असावी अशी मागणी. कामाच्या ताणामुळे राज्यात डॅाक्टरांनी आत्महत्या केल्यामुळे हा मुद्दा ऐरणीवर. पदव्युत्तर अभ्यासक्रमास गेलेल्या वैद्यकीय अधिकाऱ्यांच्या वेतनावर कायम तोडगा निघाला. राज्यात पदव्युत्तर अभ्यासक्रमास गेलेल्या ४०३ डॅाक्टरांचं चार महिन्यांपासून रखडलं होतं वेतन. आता येत्या सात दिवसांत ४०३ डॅाक्टरांचं थकित वेतन मिळणार
-
केळीला चांगला भाव मिळाल्याने जळगावातील शेतकऱ्याचा अनोख्या पद्धतीने आनंद साजरा
केळीला चांगला भाव मिळाल्याने जळगावातील सुनसगाव येथील शेतकऱ्याचा अनोख्या पद्धतीने आनंद साजरा. केळीला तब्बल २,३०० रुपये क्विंटलचा भाव मिळाल्याने शेतकरी समाधान महाजन यांचा अनोखा आनंदोत्सव. समाधान महाजन यांच्याकडून टाळ-मृदुंगाच्या तालावर भजन-कीर्तन, फुगड्या खेळत साजरा केला आनंद. समाधान महाजन यांनी शेतात २० हजार केळीच्या झाडांची लागवड केली असून पहिल्याच तोडणीत जवळपास ५ लाख रुपयांचे उत्पन्न. अजून ४ ते ५ तोडण्या बाकी, त्यामुळे सर्व तोडण्यांमधून जवळपास २० ते २५ लाख रुपयांचे उत्पन्न होण्याचा अंदाज. चांगला भाव मिळाल्याने शेतकऱ्याच्या मेहनतीला मिळाले यश; अनोख्या पद्धतीने आनंद व्यक्त
-
धुळ्यात FDA ची कारवाई
धुळ्यात FDA ची कारवाई झाली आहे, गाय व म्हशीच्या तुपाबाबत संशय असल्याचे अधिकाऱ्यांनी नमुने घेतले आहेत. संशयित तूप, लाडूंचा साठा जप्त केला गेला.
-
पाकिस्तानात दरवर्षीप्रमाणे यंदाही गणेशोत्सव उत्साहात साजरा
पाकिस्तानात दरवर्षीप्रमाणे यंदाही गणेशोत्सव उत्साहात साजरा झाला. मुस्लिम कारागिराने साकारली बाप्पाची मूर्ती, यामुळे धार्मिक सलोखा जपला जातोय अशा संदेश सर्वत्र पसरत आहे.
-
गंगापूर रोड दुभाजकावरील झाडे तोडल्याप्रकरणी ६ जणांना अटक
गंगापूर रोड दुभाजकावरील झाडे तोडल्याप्रकरणी ६ जणांना अटक, ४दिवसांची पोलीस कोठडी…नाशिक सत्र न्यायालयात आरोपींना करण्यात आले होते हजर…नम्रता अॅडव्हर्टायझिंगचे संचालक मच्छिंद्र देशमुख यांच्यासह सहा जणांवर कारवाई…अभिमन खैरनार, दिलीप बेंडकुळे, दीपक दाते यांचा अटकेतील आरोपींमध्ये समावेश…रोहिदास खुरखुटे, अर्जुन चारोस्कर यांच्यावरही कारवाई…जाहिराती दिसाव्यात म्हणून रात्रीतून झाडांची कत्तल केल्याचा आरोप…दुभाजकावरील ५० हून अधिक झाडे तोडल्याची तक्रार; जड सोडल्याचा प्रकार सीसीटीव्हीत कैद…गंगापूर पोलिसांची मोठी कारवाई; पर्यावरणप्रेमींमध्ये संताप…
-
धाराशिव-तुळजापूर-सोलापूर रेल्वे कनेक्टिव्हिटीसाठी २४० कोटींची तरतूद
सोलापूर-तुळजापूर-धाराशिव रेल्वेमार्गाला मोठा निधी मिळाला आहे. प्रकल्पाचे काम निर्धारित वेळेत पूर्ण करण्यासाठी महायुती सरकारने राज्याच्या हिश्श्याचे आणखी २४० कोटी रुपये वितरित करण्यास मंजुरी दिली आहे.या निधीमुळे रेल्वेमार्गाच्या पुढील कामांना गती मिळणार असून, डिसेंबर २०२९ पर्यंत संपूर्ण प्रकल्प पूर्ण करण्याच्या उद्दिष्टाला आणखी बळ मिळाले आहे, अशी माहिती आमदार राणाजगजितसिंह पाटील यांनी दिली.
-
शिरूर शहरात गोळीबार; तरुणाचा मृत्यू
शिरूर शहरातील लाटेआळी आंबेडकर नगर परिसरात आज सकाळी साडेसहाच्या सुमारास गोळीबाराची घटना घडली. या गोळीबारात हरी गंगावणे या तरुणाचा मृत्यू झाला आहे. सकाळच्या वेळी झालेल्या गोळीबारामुळे शिरूर शहर हादरले असून, परिसरात खळबळ उडाली आहे. घटनेची माहिती मिळताच शिरूर पोलिसांचे पथक तात्काळ घटनास्थळी दाखल झाले. पोलिसांकडून घटनास्थळाचा पंचनामा करून पुढील तपास सुरू करण्यात आला आहे. दरम्यान, घटनेचे गांभीर्य लक्षात घेता फॉरेन्सिक टीमही घटनास्थळी दाखल झाली असून, पुरावे संकलित करण्याचे काम सुरू आहे. प्राथमिक माहितीनुसार, पूर्ववैमनस्यातून हा गोळीबार झाल्याचा संशय व्यक्त केला जात आहे. मात्र, गोळीबारामागील नेमके कारण आणि हल्लेखोरांची माहिती अद्याप स्पष्ट झालेली नाही. या घटनेमुळे शिरूर शहरात तणावाचे वातावरण निर्माण झाले असून, पोलिसांकडून या प्रकरणाचा अधिक तपास सुरू आहे.
-
सांगलीच्या मानाचा बाप्पाच्या विसर्जन मिरवणुकीमध्ये अभिनेत्री भाग्यश्री उपस्थित राहणार का?
सांगलीच्या मानाचा आणि गणपती पंचायतन संस्थांच्या गणपतीची शाही मिरवणुकीने आज विसर्जन होणार आहे,दुपारी 3 वाजता सुरू होणाऱ्या या मिरवणुकीत विजयसिंहराजे पटवर्धन यांच्यासह कुटुंब सहभागी होणार आहे.प्रतिष्ठापनेच्या दिवशी आरतीवरून अभिनेत्री भाग्यश्री आणि पटवर्धन कुटुंबातला वाद चव्हाट्यावर आला होता, त्यामुळे आज च्या होणाऱ्या विसर्जन मिरवणुकीमध्ये अभिनेत्री भाग्यश्री उपस्थित राहणार का? याकडेही सर्वांचे लक्ष लागून राहिले.
-
कल्याण पूर्वेत वेल्डिंग दुकानात सिलेंडरचा स्फोट
कल्याण पूर्वेत वेल्डिंग दुकानात सिलेंडरचा स्फोट; पहाटेच्या सुमारास घडली भीषण घटना, सुदैवाने कोणतीही जीवितहानी नाही, कल्याण पूर्वेतील चक्की नाका परिसरातील शास्त्रीनगर येथील वेल्डिंग दुकानात सिलेंडरचा स्फोट. पहाटेच्या सुमारास घडलेल्या घटनेनंतर परिसरात एकच खळबळ उडाली. घटनेची माहिती मिळताच अग्निशमन दल घटनास्थळी दाखल; अथक प्रयत्नांनंतर आगीवर नियंत्रण. सुदैवाने कोणतीही जीवितहानी झाली नाही, मात्र दुकानाचे मोठे नुकसान.
-
रायगड मधल्या राजकीय विरोधकांची भेट
मंत्री भरत गोगावले यांनी घेतली खासदार सुनील तटकरे यांच्या निवासस्थानी गणपती दर्शनासाठी भेट दिली. मंत्री अदिती तटकरे, आमदार अनिकेत तटकरे हे देखील उपस्थित होते.
-
अकलूजमध्ये ‘शुद्धतेतून समृद्धीकडे’चा संदेश; गौराईच्या देखाव्यातून दूध भेसळीवर भाष्य
अकलूजमधील संगिता देशमुख यांच्या घरी यंदाच्या गौरी-गणपतीच्या देखाव्यातून दूध भेसळीविरोधात सामाजिक प्रबोधनाचा संदेश देण्यात आला आहे. गौराईच्या हातात शुद्ध दुधाची किटली, सोबत दूध उत्पादक शेतकरी महिला आणि भेसळयुक्त दुधावर कारवाई करणारे अधिकारी असा देखावा साकारण्यात आला आहे. तुकाराम मुंढे आणि FDA प्रशासनाच्या कारवाईबद्दल कृतज्ञता व्यक्त करत, शुद्ध दुधाला प्रोत्साहन मिळावे आणि प्रामाणिक दूध उत्पादक शेतकऱ्यांना त्याचा न्याय्य लाभ मिळावा, अशी प्रार्थना या माध्यमातून करण्यात आली आहे.
-
पालकमंत्री तथा कृषिमंत्री दत्तात्रय भरणे उद्या वाशिम दौऱ्यावर
पालकमंत्री तथा कृषिमंत्री दत्तात्रय भरणे उद्या वाशिम दौऱ्यावर आहेत. पाच तालुक्यांत शेतपिकांची प्रत्यक्ष करणार पाहणी करणार आहे. पावसाअभावी सोयाबीन, तूर, कपाशीच्या नुकसानीचा आढावा घेणार आहे. शेतकऱ्यांशी बांधावरच साधणार थेट संवाद साधणार आहे.
-
वाळवा तालुक्यात पावसाची दडी, भात पीक धोक्यात
सांगली जिल्ह्यात यंदा पावसाने मोठी दडी मारल्याने खरीप हंगामातील पिके संकटात सापडली आहेत. विशेषतः वाळवा तालुक्यात पावसाचा खंड पडल्याने भात पिकाला मोठा फटका बसला असून, परिस्थिती इतकी गंभीर झाली आहे की, एका शेतकऱ्याने नाईलाजाने आपल्या शेतातील भात पिकावर अक्षरशः नांगर फिरवला आहे.
-
उमरग्यात वनरक्षकावर शाईफेक; ठाकरे शिवसेनेच्या युवा सेनेच्या तीन कार्यकर्त्यांवर गुन्हा दाखल
उमरगा येथील सामाजिक वनीकरण विभागाच्या कार्यालयात वनरक्षक काका बापूराव मगर यांच्यावर शाईफेक केल्याप्रकरणी ठाकरे शिवसेनेच्या युवा सेनेच्या तीन कार्यकर्त्यांवर उमरगा पोलीस स्टेशन मध्ये गुन्हा दाखल करण्यात आला आहे.रोपवाटिका, घनवन, रस्त्यालगत वृक्षलागवड तसेच विविध वनीकरणाच्या कामांमध्ये बोगस मजुरांची नावे दाखवून आर्थिक गैरव्यवहार केल्याचा आरोप युवा सेनेच्या कार्यकर्त्यांनी केला होता.या प्रकरणाची चौकशी करण्याची मागणी करूनही प्रशासनाकडून कारवाई झाली नसल्याचा आरोप करत कार्यालयीन वेळेत वनरक्षक मगर यांच्यावर काळी शाई फेकण्यात आली होती
-
डिंबे-माणिकडोह बोगदा प्रकल्पाला मंजुरीनंतर आमदार दिलीप वळसे पाटलांकडून विरोध
अहिल्यानगर-पुणे जिल्ह्यात पाण्यावरून संघर्ष पेटण्याची चिन्हं आहेत. आंबेगावचे आमदार दिलीप वळसे पाटील यांनी बोगद्याला विरोध करत मुख्यमंत्र्यांकडे प्रकल्प स्थगितीची मागणी केली आहे.वळसे पाटलांचा विरोध म्हणजे संकुचित दृष्टिकोन अशी टीका ज्येष्ठ नेते घनश्याम शेलार यांनी केली आहे.
-
लातूर जिल्ह्यात दमदार पाऊस
लातूर जिल्ह्यात मोठा पाऊस झाला आहे, बऱ्याच दिवसांच्या खंडा नंतर लातूर शहर आणि ग्रामीण भागात मोठा पाऊस झाला आहे. मध्यरात्री नंतर पावसाला सुरुवात झाली. विजांच्या कडकडाटासह पाऊस झाला आहे. शेतकरी पावसाची आतुरतेने वाट पाहत होते. या पावसामुळे पिकांना जीवदान मिळणार आहे. वातावरणात कमालीची उष्णता वाढली होती. या पावसामुळे वातावरण सामान्य व्हायला मदत होणार आहे. वाऱ्यासह झालेल्या पावसाने जिल्ह्यातल्या अनेक भागातील विद्युत पुरवठा खंडित झाला आहे.
-
हिंगोलीत हलक्या ते मध्यम स्वरुपाचा पाऊस
हिंगोली जिल्ह्यात पावणे दोन महिन्यांच्या विश्रांती नंतर हलक्या ते मध्यम पावसाला सुरुवात झाली. हाता तोंडाशी आलेले सोयाबीन शेतकऱ्यांच्या हातचे गेल्या नंतर हलक्या ते मध्यम पावसाला सुरुवात झाली. मूग ,उडीद ,सोयाबीन सोडून इतर खरीपाच्या पिकांना काहीसा दिलासा मिळाला.
या आठवड्याच्या सुरूवातीला काही जिल्ह्यात पावसाने हजेरी लावली. पण दमदार पाऊस झाला नाही, आता हवामान विभागाच्या अंदाजानुसार, 20 ते 25 सप्टेंबर दरम्यान पुन्हा सांगावा धाडला आहे. या काळात गोव्यासह राज्यात दमदार पावसाची अंदाज वर्तवण्यात आला आहे. शेतकरी, जनावरांना दिलासा मिळेल. तर पिण्याच्या पाण्याचा प्रश्न मार्गी लागण्याची शक्यता आहे. काल आणि आज काही जिल्ह्यात पावसाच्या हलक्या सरी कोसळल्या. राज्यात गणेशोत्सवाची धूम दिसत आहे. अनेक मंडळांनी आकर्षक सजावट केली आहे.
उपमुख्यमंत्री एकनाथ शिंदे आणि केंद्रीय गृहमंत्री अमित शाह यांच्यात कार्यक्रमानंतर काल गुजरातमध्ये अर्धा तास चर्चा झाल्याची माहिती समोर येत आहे. सुप्रीम कोर्टात शिवसेनेच्या सुरू असलेल्या सुनावणीबाबत आणि निधी वाटपाबाबत दोन्ही नेत्यांमध्ये चर्चा झालेयाची खात्रीलायक सुत्रांनी ही माहिती दिली. काळजी करू नका असा सल्लाही अमित शाह यांनी दिल्याचे समजते.
मराठा आंदोलक मनोज जरांगे पाटील यांनी काल सरकारला मागण्या मान्य करण्यासाठी 90 दिवसांची मुदत देऊन उपोषण सोडले. त्यानंतर ते छत्रपती संभाजीनगर येथील एका खासगी रुग्णालयात उपचारासाठी दाखल झाले. तर आदित्य ठाकरे यांनी स्वतःवरील आरोप फेटाळून, टीव्ही आणि सोशल मीडिया ट्रायल्स थांबवून CBI ला निःपक्षपातीपणे तपास करू देण्याचे आवाहन केले. त्यांच्या या वक्तव्यावर ५०० कोटींची बदनामीची नोटीस बजावल्याचे समोर आले आहे.
Published On - Sep 18,2026 7:57 AM
