Maharashtra News LIVE : राष्ट्रवादीत नाराजी नाट्य? दिल्लीत बड्या घडामोडी

राष्ट्रवादी काँग्रेसमध्ये सर्व काही आलबेल नसल्याचे समोर आले आहे. पक्षातील घटनेत बदल करून अध्यक्षांप्रमाणेच कार्याध्यक्षाला अधिकार देण्याच्या प्रकरणाने मोठी ठिणगी टाकल्याचे समोर येत आहे. काल सुनेत्रा पवार दिल्ली दौऱ्यावर असतानाही काही वरिष्ठ नेत्यांनी या दौऱ्यापासून चार हात दूर असल्याचे दिसले. लवकरच या घडामोडी समोर येतील. तर भोंदूबाबा खरात याचा अजून खोलात गेला आहे. त्याच्याविरोधात अजून काही महिला समोर आल्या आहेत. त्याच्या लैंगिक अत्याचाराला बळी पडलेल्या महिलांची संख्या अजून वाढली आहे. राज्यात अवकाळी पावसाने गेल्या चार दिवसांपासून थैमान घातले आहे. राज्यात सर्वदूर झालेल्या पावसाने गव्हासह इतर पिकांचे मोठे नुकसान झाले आहे. शेतकऱ्यांच्या हातातोंडाशी आलेला घास हिरावला आहे. लवकरात लवकर पंचनामा करण्याची मागणी आता करण्यात येत आहे. तर काल पुण्याला पावसाने झोडपून काढल्याने अनेक ठिकाणी घरांची पडझड झाली. काही घरात पाणी शिरले. ऐन उन्हाळ्यात पावसाने गेल्यावर्षीच्या मुसळधार पावसाची आठवण पुणेकरांना करून दिली. तर संसदेचे विशेष अधिवेशन पुढील आठवड्यात होण्याची शक्यता आहे.