येळकोट येळकोट जय मल्हार.. जेजुरीत बांदेकर कुटुंबाने घेतले खंडोबाचे आशीर्वाद; Photo समोर
बांदेकर कुटुंब, आदेश, सुचित्रा, सोहम आणि पूजा यांनी नुकतेच जेजुरीच्या खंडोबाचे दर्शन घेतले. पारंपरिक वेशभूषेत असलेल्या सुचित्रा बांदेकर यांचा साधेपणा चाहत्यांना खूप आवडला. या खास भेटीचे फोटो आणि व्हिडिओ त्यांनी सोशल मीडियावर शेअर करताच ते प्रचंड व्हायरल झाले. बांदेकर कुटुंबियांच्या भक्तीभावाचे आणि साधेपणाचे चाहत्यांनी कौतुक केले.
manasi mande |
Updated on: Jul 16, 2026 | 11:40 AM
Share
मराठी मनोरंजनसृष्टीतील लोकप्रिय जोडपं म्हणून आदेश आणि सुचित्रा बांदेकर यांची ओळख आहे. त्यांच्या पावलावर पाऊल ठेवत मुलगा सोहमनेही मनोरंजन क्षेत्रात प्रवेश केला. काही महिन्यांपूर्वी सोहमने पूजा बिरारीसोबत लग्नगाठ बांधली असून पूजाही याच क्षेत्राशी संबंधित आहे. त्यामुळे बांदेकर कुटुंबातील चौघेही मनोरंजनविश्वाशी जोडले गेले आहेत. त्यांच्या आयुष्यातील खास क्षण जाणून घेण्यासाठी चाहते नेहमीच उत्सुक असतात. फोटो आणि व्हिडीओच्या माध्यमातून हे कुटुंब सोशल मीडियावर चाहत्यांशी संवाद साधत असते.( All Photos : Social Media/ Instagram)
1 / 5
नुकतेच अभिनेत्री सुचित्रा बांदेकर यांनी सहकुटुंब जेजुरी येथील खंडोबाचे दर्शन घेतले. या आध्यात्मिक भेटीचे काही खास फोटो त्यांनी सोशल मीडियावर शेअर केले असून, त्यामध्ये त्यांचा पारंपरिक आणि साधा अंदाज पाहायला मिळत आहे. हे फोटो सोशल मीडियावर मोठ्या प्रमाणात व्हायरल झाले असून चाहत्यांकडून त्यावर लाइक्स आणि कमेंट्सचा वर्षाव होत आहे.
2 / 5
“येळकोट येळकोट जय मल्हार…” अशी खास कॅप्शन देत आदेश बांदेकर यांनी जेजुरीतील काही सुंदर क्षण चाहत्यांसोबत शेअर केले. या फोटोंमध्ये आदेश बांदेकर यांच्यासोबत पत्नी सुचित्रा आणि मुलगा सोहमही दिसत आहेत. यावेळी सुचित्रा बांदेकर यांचा पांढऱ्या शुभ्र पारंपरिक पोशाखातील साधा लूक विशेष लक्षवेधी ठरला. त्यांच्या या सुंदर अंदाजाचे चाहत्यांनी भरभरून कौतुक केले.
3 / 5
बांदेकर कुटुंबाने जेजुरीत जाऊन भक्तिभावाने नमस्कार करत श्री खंडोबाचे दर्शन घेतले आणि आशीर्वाद घेतले. या खास भेटीतील आठवणी त्यांनी कॅमेऱ्यात टिपल्या असून काही फोटो आणि व्हिडीओ सोशल मीडियावर पोस्ट केले, चाहत्यांसोबत आनंद शेअर केला.
4 / 5
जेजुरीच्या भंडाऱ्याच्या रंगात रंगलेले आदेश आणि सुचित्रा बांदेकर यांचे हे फोटो पाहून चाहत्यांना त्यांचा साधेपणा आणि भक्तिभाव आवडला. काही वेळातच हे फोटो सोशल मीडियावर चर्चेचा विषय ठरले असून अनेकांनी कुटुंबासोबत घालवलेल्या या सुंदर क्षणांचे कौतुक करत भरभरून कमेंट्स केल्यात.
