Maharashtra Election News LIVE : वसई विरार महापालिका निवडणुकीत बंड थंड करण्यात भाजप अपयशी

 चांदवड नगरपालिकेच्या तीन अपक्ष नगरसेवकांचा शिवसेनेत प्रवेश

चांदवड नगरपालिकेच्या तीन अपक्ष नगरसेवकांचा शिवसेनेत प्रवेश

प्रदीप बनकर, राजू बागवान, सुधीर कबाडे या  नगरसेवकांनी केला  शिवसेना शिंदे गटात प्रवेश

उपमुख्यमंत्री एकनाथ शिंदे, सचिव भाऊसाहेब चौधरी यांच्या उपस्थितीमध्ये प्रवेश

प्रभागच्या विकास कामांसाठी प्रवेश केल्याची दिली माहिती

उमेदवारी अर्ज मागे घेण्यासाठी धमकी, जालन्यातील अपक्ष उमेदवार संगीता पाजगे यांचा आरोप

उमेदवारी अर्ज मागे घेण्यासाठी आपल्याला भाजपकडून धमक्या आल्याचा आरोप माजी नगरसेविका आणि अपक्ष उमेदवार संगीता पाचगे यांनी केलाय, आपण प्रभाग क्रमांक 2 मधून अपक्ष निवडणूक लढवणार असल्याचे देखील त्यांनी यावेळी स्पष्ट केलं. दरम्यान संगीता पाचगे यांच्या आरोपांमुळे राजकीय वर्तुळात चर्चेला उधाण आलं आहे.

सोलापुरातून मोठी बातमी, बाळासाहेब सरवदे हत्ये प्रकरणातील 4 जण पोलिसांच्या ताब्यात

सोलापुरातून मोठी बातमी

बाळासाहेब सरवदे हत्या प्रकरणात मोठी अपडेट

बाळासाहेब सरवदे हत्ये प्रकरणातील 4 जण पोलिसांच्या ताब्यात

जेलरोड पोलिसांनी घेतले ताब्यात

धाराशिव जिल्हा परिषदेत महायुतीचाच झेंडा, माजी आमदार राजन साळवींचा दावा

धाराशिव जिल्हा परिषदेत महायुतीचाच झेंडा, माजी आमदार राजन साळवींचा दावा

धाराशिव जिल्हा परिषदेत यावेळी महायुतीचाच झेंडा फडकणार – राजन साळवी

मुंबई महापालिकेत महायुतीचाच महापौर होणार – साळवी यांचा दावा

ठाकरे बंधू एकत्र आले तरी मुंबईत महायुतीची सत्ता – साळली

नांदेड : शिवसेनेने प्रचाराचा नारळ फोडला

नांदेड महापालिकेसाठी शिवसेनेने आज प्रचाराचा नारळ फोडून प्रत्यक्षपणे प्रचारास सुरुवात केली. नांदेड शहरातील तरोडा येथील हनुमान मंदिरात नांदेड उत्तर चे शिवसेनेचे आमदार बालाजी कल्याणकर यांच्या हस्ते प्रचाराचा नारळ फोडण्यात आला. महापालिका निवडणुकीत नांदेड उत्तर मधून शिवसेनेने 40 तर नांदेड दक्षिण मधून 29 उमेदवार दिले आहे.

छत्रपती संभाजीनगर : भाजपमध्ये सर्वात जास्त बंडखोरी

छत्रपती संभाजीनगरमध्ये भाजपमध्ये सर्वात जास्त बंडखोरी पहायला मिळली आहे. उमेदवारी न मिळाल्यामुळे तब्बल 15 जणांनी बंडखोरी केली आहे. तर एमआयएमच्या 11 आणि शिवसेनेच्या 10 उमेदवारांनी बंडखोरी केली आहे. तर शिवसेना ठाकरे गटाच्या 6 उमेदवारांनी बंडखोरी केली आहे.

धुळे : अर्ज माघारी घेण्याच्या दिवशी मोठ्या घडामोडी

धुळे महानगरपालिकेच्या निवडणुकीत अर्ज माघारी घेण्याच्या दिवशी मोठ्या घडामोडी घडल्या आहेत. शिवसेना शिंदे गटाच्या प्रभाग क्रमांक आठ ब सोनाली प्रवीण सोनवणे यांना शिवसेनेने माघार घेऊ दिली नाही. सोनाली सोनवणे या माघारी घेण्यासाठी आल्या असता सिंडिकेटाचे पदाधिकारी आनंद लोंढे आणि महानगर प्रमुख संजय वाल्हे यांनी त्यांना कार्यालयात प्रवेश करू दिला नाही. त्यामुळे त्यांना माघार घेता आली नाही. सोनाली सोनवणे यांच्या विरोधात भाजपाचा उमेदवार उभा आहे.

वसई विरार महापालिका निवडणुकीत बंड थंड करण्यात भाजप अपयशी

वसई विरार महापालिका निवडणुकीत पक्षाविरुद्ध बंड केलेल्या कार्यकर्त्यांना थंड करण्यात भाजपा अपयशी ठरली आहे. वार्ड क्रमांक 22 मध्ये भाजपाचे माजी नगरसेवक किरण भोईर यांनी जन विश्वास नावाचे अपक्ष उमेदवारांचे पॅनल उभे करून, भाजपाच्या अधिकृत उमेदवारा समोर एक अहवान उभे केले आहे. किरण भोईर यांचे तिकीट कापून वार्ड क्रमांक 22 मध्ये भाजपा प्रदेशाध्यक्ष रवींद्र चव्हाण यांचे निकटवर्तीय अशोक शेळके यांना अधिकृत उमेदवारी दिली आहे.

अहिल्यानगर महानगरपालिकेत महायुतीचे आतापर्यंत 4 नगरसेवक बिनविरोध

अहिल्यानगर महानगरपालिकेत महायुतीचे आतापर्यंत चार नगरसेवक बिनविरोध निवडून आले आहेत. अजित दादांच्या राष्ट्रवादीचे आणि भाजपचे प्रत्येकी दोन उमेदवार बिनविरोध निवडून आले आहेत. पालकमंत्री राधाकृष्ण विखे पाटील यांनी विजयी उमेदवारांचं अभिनंदन केलं.

बिनविरोध विजयावरून उदय सामंत यांनी एकनाथ शिंदेंचं कौतुक केलं

धुरंदर पिक्चर तर जोरदार चाललेला आहे. याच्यामागे शिंदे साहेबांची मेहनत आहे. कल्याण डोंबिवलीमध्ये डॉक्टर श्रीकांत शिंदे यांची मेहनत आहे. जळगावला गुलाबराव पाटील यांची मेहनत आहे. ठाण्याला स्वतः एकनाथ शिंदे साहेबांची मेहनत आहे. 18- 20 ठिकाणी महानगरपालिकेमध्ये शिवसेना बिनविरोध निवडून आली.. हे नेतृत्व एकनाथ शिंदे साहेबांचं आहे, असं मंत्री उदय सामंत यांनी सांगितलं.

भिवंडीत भाजपाची घोडदौड कायम, एकूण 6 उमेदवार बिनविरोध

भिवंडीत भाजपाची घोडदौड कायम असल्याचं दिसत आहे. एकूण सहा उमेदवार बिनविरोध निवडून आले आहेत. भारत हनुमान चौधरी प्रभाग क्रमांक 23 मधून बिनविरोध विजयी झाले आहेत.

ताम्हिणी घाटामध्ये पुन्हा भीषण अपघात

ताम्हिणी घाटामध्ये पुन्हा भीषण अपघात झाला आहे. ताम्हिणी घाटाच्या तीव्र वळणावरती चार चाकी 800 ते 1000 फूट दरीत कोसळल्याची प्राथमिक माहिती आहे. नेमके कार मध्ये किती प्रवासी होते याचे अद्याप माहिती कळू शकली नाही. मागे ज्या ठिकाणी थार कारचा अपघात होऊन सहा प्रवाशांचा मृत्यू झाला होता त्याच ठिकाणी हा पुनःश्चा अपघात झाला आहे. रेस्क्यू टीम आणि पोलीस पथकाच्या मार्फत शोध कार्य आणि बचाव कार्य सुरू आहे.

ठाणे प्रभाग क्रमांक 5 अ वर्गातून शिवसेनेच्या सुलेखा चव्हाण यांची बिनविरोध निवड

ठाण्यातून प्रभाग क्रमांक 5 अ वर्गातून शिवसेना पक्षाच्या सुलेखा सुधाकर चव्हाण यांची बिनविरोध निवड झाली आहे. उबाठा पक्षाच्या दिप्ती जाबर यांचा अर्ज बाद झाला. तर अपक्ष कीर्ती गावित, अपक्ष कामिनी संदीप भोईर यांची निवडणुकीतून माघार घेतल्याने त्यांची बिनविरोध निवड झाली

दहिसर मागाठाणे विधानसभेतील महायुतीच्या सर्व बंडखोरांनी अपक्ष अर्ज मागे घेतले

दहिसर मागाठाणे विधानसभेतील महायुतीच्या सर्व बंडखोरांनी आपले अपक्ष अर्ज मागे घेतले. दहिसर आणि मागठाणे विधानसभेत दहा ठिकाणी महायुतीच्या उमेदवारांनी अपक्ष अर्ज भरले होते.  आमदार प्रकाश सुर्वे यांच्या मध्यस्थीनंतर सर्व अपक्षांनी आपले अर्ज अखेर मागे घेतले. शेखर शेरे (25), जस्मिन विपुल दोषी(16) प्रकाश पुजारी (3), नेहा सक्रे (16) भूपेंद्र कवळी (7), नितीन जगताप (5) मीना सुर्वे (12) पार्सेकर (12) अशा सर्व उमेदवारांनी अर्ज मागे घेतला.

मुख्यमंत्री देवेंद्र फडणवीस शनिवारी सांगली दौऱ्यावर

मुख्यमंत्री देवेंद्र फडणवीस महापालिका निवडणुकीच्या प्रचारार्थ उद्या शनिवारी 3 जानेवारीला सांगली दौऱ्यावर जाणार आहेत. मुख्यमंत्री सांगलीत गणेश मंदिरासमोर नारळ फोडून प्रचाराचा शुभारंभ करणार आहेत. तसेच सांगलीच्या स्टेशन चौकातून जनतेला संबोधित करणार आहेत.

जळगाव महापालिकेत महायुतीचे एकूण 13 उमेदवार बिनविरोध

जळगाव महापालिकेत भाजपाचे 7 आणि शिवसेना शिंदे गटाचे 6 असे एकूण महायुतीचे 13 उमेदवारांची नगरसेवकपदी बिनविरोध निवड झाली आहे.जळगाव महापालिकेत एकूण 19 प्रभागातील 75 जागांसाठी निवडणूक पार पडत आहे. त्यापैकी 13 जागा बिनविरोध झाल्याने आता 62 जागांसाठी निवडणूक पार पडणार आहे.

मुंबईत 5 नवी वैद्यकीय महाविद्यालयं सुरु करणार : आदित्य ठाकरे

“मुंबईकरांच्या आरोग्याला सर्वोच्च प्राधान्य देणार. बीएमसी मार्फत कॅन्सरचं रुग्णालय सुरु करणार. तसेच मुंबईत 5 नवी वैद्यकीय महाविद्यालयं सुरु करणार”, अशी घोषणा आदित्य ठाकरे यांनी उमेदवारांना मार्गदर्शन करताना केली.

मुंबईकरांना आपण हक्काचं घर देणार : आदित्य ठाकरे

मुंबईकरांना आपण हक्काचं घर देणार, पुढच्या 5 वर्षात 1 लाख घरं देणार, असल्याचं आदित्य ठाकरे यांनी बीएमसी निवडणूक लढवणाऱ्या उमेदवारांना मार्गदर्शन करताना म्हटलं आहे. “मुंबईची जमीन मुंबईकरांसाठी असणार. मुंबईकरांच्या जमिनी बिल्डर्सच्या घशात घातल्या जात आहेत, असं आदित्य ठाकरे यांनी नमूद केलं.

तन-मन आपल्याकडे आहे, तर धन त्यांच्याकडे, आदित्य ठाकरेंचा सत्ताधाऱ्यांवर निशाणा

आदित्य आणि अमित या ठाकरे बंधुंकडून ठाकरे शिवसेना-मनसेच्या उमेदवारांना मार्गदर्शन करत आहेत. आदित्य ठाकरे यांनी यावेळेस बोलताना मुंबई ही मराठी माणसाच्या हातात राहिली पाहिजे, असं म्हटलं. तन-मन आपल्याकडे आहे, तर धन त्यांच्याकडे आहे, असं म्हणत आदित्य ठाकरेंनी सत्ताधाऱ्यांवर निशाणा साधला.

कल्याण डोंबिवलीत भाजपचा आणखी एक नगरसेवक बिनविरोध विजयी

महानगरपालिका निवडणुकांबाबत एकापाठोपाठ एक मोठ्या अपडेट समोर येत आहेत. साई शेलार यांचा प्रभाग क्रमांक १९ क मधून बिनविरोध विजय झाला आहे. भाजपचा कल्याण डोंबिवलीतून 8 वा उमेदवार विजयी झाल्याचे समोर आले आहे.

भाजप बंडखोरी करणाऱ्या उमेदवाराला कार्यकर्त्यांनी घरात कोंडले

नाशिकमध्ये भाजप पक्षाशी बंडखोरी करणाऱ्या उमेदवाराला कार्यकर्त्यांनी घरात कोंडले आहे. अपक्ष उमेदवारी अर्ज दाखल केल्यानंतर आज माघार घेऊ नये म्हणून कार्यकर्त्यांकडून घरात साखळी कुलूप लावून करण्यात आले बंद. घोषणाबाजी करत निष्ठावंत कार्यकर्त्यांना डावल्याचा केला आरोप

जळगाव महापालिकेत भाजपची तिसरी जागा बिनविरोध

जळगाव महानगरपालिका निवडणूकीत भाजपची तिसरी जागा बिनविरोध. प्रभाग क्रमांक 7 अ मधून भाजपच्या उमेदवार दीपमाला काळे बिनविरोध विजयी झाल्या आहेत. प्रभाग सात मध्ये शिवसेना ठाकरे गटाच्या जयश्री हिवराळे यांनी माघार घेतल्याने भाजपच्या दीपमाला काळे बिनविरोध झाला आहे.

बोरिवलीमध्ये तीन बंडखोरांनी अपक्ष उमेदवारांनी अर्ज घेतले मागे

भारतीय जनता पार्टी शिवसेना युती एकत्र मिळून निवडणूक लढत आहे. वार्ड क्रमांक 16 मध्ये जास्मिन विपुल दोषी आणि नेहा सक्रे यांनी भाजपचे विरोधात फॉर्म भरला होता. पण आता महायुतीवर विश्वास ठेवत महायुती सोबत जाण्याचा निर्णय त्यांनी केला आहे आणि दोघांनीही आपलं नॉमिनेशन मागे घेतला आहे असे संजय उपाध्याय यांनी म्हटले आहे.

वंचितच्या तालुका अध्यक्षाकडून आत्मदहनाचा प्रयत्न

अमरावतीच्या दर्यापूर तहसीलमध्ये वंचितच्या तालुका अध्यक्षाकडून आत्मदहनाचा प्रयत्न. हातात पेट्रोलची बॉटल घेऊन वंचितचा पदाधिकारी पोहोचला तहसीलमध्ये. पोलीस प्रशासनाच्या सतर्कतेमुळे आत्मदहनाचा प्रयत्न टाळला. चंदू रायबोले असं आत्मदहन करण्यासाठी आलेल्या वंचितच्या पदाधिकाऱ्याचे नाव.घरकुल लाभार्थ्यांना कोणतेही कारण न देता दंड ठोठवल्याने रायबोले आक्रमक.

मिरा-भाईंदर महापालिका निवडणूक, 32 अर्ज बाद

मिरा-भाईंदर महापालिका निवडणूक. उमेदवारी अर्ज छाननीनंतर 548 उमेदवार रिंगणात. मिरा-भाईंदर महापालिका निवडणुकीसाठी दाखल झालेल्या उमेदवारी अर्जांच्या छाननीत 32 अर्ज बाद ठरले आहेत.

डोंबिवलीत भाजपची सातवी जागा देखील बिनविरोध

डोंबिवलीत भाजपची सातवी जागा देखील बिनविरोध. डोंबिवलीच्या प्रभाग क्रमांक 27 ड मधील उमेदवार महेश पाटील हे बिनविरोध विजयी. विशेष म्हणजे या ठिकाणी मनसेचे शहर अध्यक्ष मनोज घरत हे महेश पाटील यांच्या विरोधात  लढत होते. मात्र आज मनोज घरत यांनी आपला उमेदवारी अर्ज मागे घेतल्याने महेश पाटील हे बिनविरोध विजयी. मनसेचे नेते माजी आमदार राजू पाटील यांनी हात मिळवणी केली का? राजकीय वर्तुळात चर्चा सुरू

कल्याण डोंबिवलीत भाजपच्या सहाव्या उमेदवाराची बिनविरोध निवड

कल्याण डोंबिवली महापालिकेच्या निवडणुकीत भाजपच्या सहाव्या उमेदवाराची बिनविरोध निवड. डोंबिवली 26 अ मधील मुकुंद पेडणेकर बिनविरोध निवड. आज छाननी आणि अर्ज मागे घेण्याचा शेवटच्या दिवस. आतापर्यंत भाजपचे सहा तर शिवसेना एकनाथ शिंदे यांच्या पक्षातील चार उमेदवार असे एकूण दहा उमेदवार बिनविरोध विजय झालेले आहेत.

धुळे महानगरपालिकेत भाजपचे आणखी एक जागा बिनविरोध…

प्रभाग क्रमांक 17 अ भाजपाचे उमेदवार अमोल मासुळे बिनविरोध विजयी झाले आहेत. शिवसेना शिंदे गटाच्या उमेदवारासह अपक्ष उमेदवारांनी माघार घेतल्याने अमोल मासोळे यांचा मार्ग मोकळा झाला आहे. भाजपाच्या आतापर्यंत एकूण चार जागा बिनविरोध निवडून आल्या आहेत. भाजप कार्यालयात घडामोडींना वेग आला आहे.

केंद्रीय कृषिमंत्री शिवराज सिंग चव्हाण यांनी घेतले त्रंबक राजाचे दर्शन

केंद्रीय कृषिमंत्री शिवराज सिंग चव्हाण यांनी त्रंबक राजाचे दर्शन घेतले.  दरवर्षीप्रमाणे नवीन वर्षाच्या सुरुवातीला शिवराज सिंग चव्हाण त्रंबकेश्वर मध्ये दाखल झाले आणि पत्नीसह त्र्यंबकेश्वर मंदिरात महापूजा केली.

धुळे महापालिका निवडणूक….

माघारीच्या शेवटच्या दिवशी भाजप कार्यालयात घडामोडीना वेग आला आहे. धुळे जिल्ह्याचे पालकमंत्री जयकुमार रावल यांच्यासह धुळे शहराचे आमदार अनुप अग्रवाल आमदार कार्यालयात ठाण बांधून बसले आहेत. उमेदवारी अर्ज माघारीचा आज शेवटचा दिवस आहे. जास्तीत जास्त उमेदवार माघारीसाठी भाजप तर्फे रणनीती आखण्यात येते आहे.

अहिल्यानगर महानगर पालिकेच्या निवडणुकीच्या रिंगणात उतरलेले मनसेचे दोन उमेदवार अद्यापही गायब..

कालपासून त्या दोन उमेदवारांचा कुटुंबाशी संपर्क नाही, तर कुटुंब देखील भीतीच्या वातावरणा आहेत अशी माहिती सचिन डफळ यांनी दिली आहे.    दोन उमेदवारांपैकी एक उमेदवार भारतीय जनता पार्टी आणि दुसरा उमेदवार राष्ट्रवादी काँग्रेस अजित पवार गटाच्या उमेदवारांसमोर उभे आहेत. प्रभाग क्रमांक 17 मधील राहुल जाधव आणि अंबरनाथ भालसिंग असे गायब झालेल्या उमेदवारांची नावे आहेत. कालच मनसेचे पदाधिकारी पोलीस कोतवाली स्टेशनमध्ये दाखल झाले आणि पोलीस अधिकाऱ्यांची भेट घेऊन  तपासाची मागणी केली.

सोलापूर महानगरपालिका निवडणूक- उमेदवारी अर्ज माघार घेण्याचा आजचा शेवटचा दिवस

सोलापूर महानगरपालिका निवडणुकीतील उमेदवारी अर्ज माघार घेण्याचा आजचा शेवटचा दिवस आहे. आतापर्यंत एकूण 1230 उमेदवारी अर्ज दाखल झाले आहेत.  उमेदवारी अर्ज माघार घेतल्यानंतर सोलापूर महानगरपालिका निवडणुकीचे चित्र स्पष्ट होईल.

दक्षिण मुंबईतील बंडखोरी शमवण्यात भारतीय जनता पक्षाला मिळालं यश

दक्षिण मुंबईतील बंडखोरी शमवण्यात भारतीय जनता पक्षाला यश मिळालं  आहे. भाजपचे बंडखोर उमेदवार कमलाकर दळवी हे आपला अर्ज मागे घेणार आहेत.

नागपूर – भाजप उमेदवाराला लोकांनी घरातच केलं बंद

नागपूरच्या प्रभाग क्रमांक 13 मधील भाजप उमेदवार किसान गावंडे यांना लोकांनी घरातच बंद केलं आहे. गावंडे यांनी उमेदवारी अर्ज मागे घेऊ नये म्हणून समर्थकांनी त्यांच्या घराला बाहेरून कुलूप लावून त्यांना घरातच बंद केलं आहे.

प्रभाग क्रमांक 95 मधील चंद्रशेखर वायंगणकर नॉट रीचेबल, अपक्ष म्हणून भरला होता अर्ज

प्रभाग क्रमांक 95 मधील चंद्रशेखर वायंगणकर नॉट रीचेबल. वायगंणकर हे  ठाकरेंच्या शिवसेनेचे माजी नगरसेवक आहेत. तर प्रभाग क्र 95 मधून हरी शास्त्री हे ठाकरेंच्या शिवसेनेचे अधिकृत उमेदवार आहेत. शास्त्री यांना उमेदवारी दिल्याने वायंगणकर नाराज झाले आणि त्यांनी अपक्ष उमेदवार म्हणून अर्ज दाखल केला होता.  आज  अर्ज मागे घेण्याची शेवटची तारीख आहे, मात्र वायंगणकर हे नॉट रिचेबल आहेत.

पिंपरी चिंचवड शहरातील काळखडक परिसरात वाहनांची तोडफोड, नागरिक दहशतीखाली

पिंपरी चिंचवड शहरातील काळखडक परिसरात वाहनांची तोडफड करण्यात आली आहे. अज्ञात व्यक्तीने काळाखडक परिसरात 5 ते 7 वाहनांची तोडफोड केली.  दहशत पसरवण्यासाठी हा प्रकार करण्यात आला असून त्यामुळे नागरिक मात्र त्रस्त झाले आहेत.

पंजाबचे माजी IG अमर सिंग आत्महत्या प्रयत्न प्रकरण, भाजप युवा नेत्यासह तिघांना अटक

पंजाबचे माजी पोलीस महानिरीक्षक (IG) अमर सिंग यांनी सायबर फसवणुकीमुळे केलेल्या आत्महत्या प्रयत्न प्रकरणाचे धागेदोरे आता मीरा भाईंदरपर्यंत पोहोचले आहेत. तब्बल ८ कोटी रुपयांच्या ऑनलाइन गुंतवणुकीच्या फसवणुकीतून खचलेल्या अमर सिंग यांनी स्वतःवर गोळी झाडून घेतली होती. या प्रकरणाचा तपास करणाऱ्या पंजाब पोलिसांनी आता मोठी कारवाई करत मीरा भाईंदरमधून तिघांना ताब्यात घेतले आहे. यामध्ये भाजपच्या मीरा भाईंदर पूर्वेकडील नवघर युवा मंडळाचा अध्यक्ष शेरा ठाकूर याचाही समावेश आहे. या आरोपींनी बनावट कंपन्या आणि बँक खात्यांच्या माध्यमातून फसवणुकीची रक्कम वळवल्याचा संशय आहे. या कारवाईमुळे राजकीय क्षेत्रात आणि शहरात मोठी खळबळ उडाली आहे.

पिंपरी चिंचवडमध्ये चुलत भाऊ-बहीण अपक्ष रिंगणात, राष्ट्रवादीने तिकीट नाकारल्याने खानोलकर कुटुंबाचे बंड

पिंपरी चिंचवड महापालिका निवडणुकीत राजकीय घराण्यांमधील उमेदवारीची चर्चा नेहमीच रंगते, मात्र प्रभाग क्रमांक १६ मध्ये यावेळी एक वेगळेच चित्र पाहायला मिळत आहे. २०१७ मध्ये राष्ट्रवादी काँग्रेसच्या तिकिटावर निवडून आलेल्या माजी नगरसेविका प्रज्ञा खानोलकर यांना पक्षाने यंदा तिकीट नाकारल्याने त्यांनी बंडाचे निशाण फडकवले आहे. विशेष म्हणजे, प्रज्ञा खानोलकर यांच्यासह त्यांचे चुलत बंधू मयुरेश खानोलकर यांनीही अपक्ष म्हणून दंड थोपटले आहेत. एकाच कुटुंबातील हे दोन सदस्य आता राष्ट्रवादी आणि भाजपच्या अधिकृत उमेदवारांसमोर मोठे आव्हान उभे करणार आहेत. भाऊ-बहिणीच्या या जोडीमुळे प्रभाग १६ मधील लढत आता चुरशीची आणि बहुरंगी होणार असल्याचे स्पष्ट झाले आहे.

नाशिकमध्ये भाजपची बंडखोरी रोखण्यासाठी गिरीश महाजन मैदानात; बंडखोरांना शांत करण्याचे मोठे आव्हान

नाशिकमध्ये भाजपातील अंतर्गत बंडखोरी रोखण्यासाठी संकटमोचक मानले जाणारे मंत्री गिरीश महाजन यांनी आता नाशिकमध्येच तळ ठोकला आहे. विधानसभा निवडणुकीच्या उमेदवारी अर्ज माघारीचा आजचा शेवटचा दिवस असल्याने भाजपसाठी अत्यंत महत्त्वाचा आहे. नाशिकमधील विविध मतदारसंघांत पक्षाच्या अनेक अधिकृत उमेदवारांविरुद्ध कार्यकर्त्यांनी अपक्ष उमेदवारी अर्ज दाखल केल्याने महायुतीसमोर पेच निर्माण झाला आहे. या बंडखोरांची मनधरणी करण्यासाठी आणि त्यांना अर्ज मागे घेण्यास प्रवृत्त करण्यासाठी गिरीश महाजन स्वतः मैदानात उतरले आहेत. विशेष म्हणजे, सुधाकर बडगुजर आणि मुकेश शहाणे यांच्या माध्यमातून मध्यस्थी करून ही बंडखोरी शमवण्याचे मोठे आव्हान महाजन यांच्यासमोर आहे.

माझा पराभव जादूटोण्यामुळेच, फुलंब्रीत शिवसेना उमेदवाराचा खळबळजनक आरोप

छत्रपती संभाजीनगर जिल्ह्यातील फुलंब्री नगरपंचायत निवडणुकीच्या निकालानंतर एक धक्कादायक प्रकार समोर आला आहे. प्रभाग क्रमांक ९ मधील शिवसेनेचे पराभूत उमेदवार अमित वाहुळ यांनी आपला पराभव हा जादूटोण्यामुळे झाल्याचा खळबळजनक आरोप केला आहे. मतदानाच्या दोन दिवस आधी मतदान केंद्राबाहेर जादूटोण्याचे साहित्य टाकण्यात आले होते, ज्यामुळे भीतीपोटी नागरिकांनी मतदान केले नाही, असा दावा वाहुळ यांनी केला आहे. याप्रकरणी त्यांनी फुलंब्री पोलीस ठाण्यात लेखी तक्रार दाखल केली असून, जादूटोणा प्रतिबंधक कायद्यांतर्गत संबंधितांवर गुन्हा दाखल करण्याची मागणी केली आहे. या विचित्र आरोपामुळे राजकीय वर्तुळात मोठी खळबळ उडाली आहे.

शिंदे गटाला मोठा दिलासा, राजेंद्र जंजाळ यांच्या निवडणुकीचा मार्ग आता मोकळा

छत्रपती संभाजीनगरमधून शिंदे गटाचे जिल्हाप्रमुख राजेंद्र जंजाळ यांना मोठा दिलासा मिळाला आहे. जंजाळ यांच्या उमेदवारी अर्जावर घेण्यात आलेला आक्षेप निवडणूक निर्णय अधिकाऱ्यांनी फेटाळून लावला आहे. जंजाळ यांनी आपल्या उमेदवारी प्रतिज्ञापत्रात महत्त्वाची माहिती लपवल्याचा आरोप करत त्यांच्या अर्जावर हरकत घेण्यात आली होती. मात्र, निवडणूक निर्णय अधिकाऱ्यांनी दोन्ही बाजूंची पडताळणी केल्यानंतर हा आक्षेप फेटाळल्याने जंजाळ यांच्या निवडणुकीचा मार्ग आता मोकळा झाला आहे.

दबाव टाकून उमेदवारी अर्ज मागे घ्यायला लावले – संजय राऊत

महाराष्ट्रातील सर्व गुंड अजित पवारांच्या पक्षात आहेत. दबाव टाकून उमेदवारी अर्ज मागे घ्यायला लावले, निवडणूक अधिकाऱ्यांवर मंत्र्‍यांचा दबाव पाहायला मिळत आहे, असा आरोप संजय राऊतांनी केला

नववर्षाच्या पहिल्याच दिवशी साईबाबांना हिरेजडीत सुवर्ण मुकुट अर्पण.

655 ग्रॅम वजनाचा तथा 80 लाख रुपये किमतीचा सुवर्ण मुकुट अर्पण. आकर्षक नक्षिकाम असलेला हिरे जडीत सुवर्ण मुकुट. हरियाणाच्या फरीदाबाद येथील साईभक्त प्रदीप मोहंती यांच्याकडून साई चरणी सुवर्ण दान. मुकुटात 585 ग्रॅम शुद्ध सोने आणि सुमारे 153 कॅरेटचे मौल्यवान हिरे. साई संस्थानकडून दानशूर साईभक्ताचा सत्कार…

उपमुख्यमंत्री अजित पवार पुण्यातील जिजाई बंगल्यावर, बैठकींना सुूरूवात

उपमुख्यमंत्री अजित पवार यांच्या जिजाई बंगल्यावरती चंद्रकांत टिंगरे, राष्ट्रवादी अजित पवार गटाचे उमेदवार अजित पवारांना भेटण्यासाठी दाखल झाले आहेत. यामुळे विविध चर्चांना उधाण आले असून महत्वाची बैठक यांच्यात होणार आहे.

पालकमंत्री चंद्रशेखर बावनकुळे आज अमरावती दौऱ्यावर, रवी राणांची घेणार भेट

महापालिका निवडणुकीत भाजप–युवा स्वाभिमान युती तरीही रवी राणांच्या पक्षाचे अमरावती महानगरपालिकेत 41 उमेदवार.. युती असूनही भाजपला फटका बसण्याची शक्यता रवी राणांची भेट घेऊन चर्चा करणार बावनकुळे. रवी राणा हे आता आपल्या उमेदवारांची उमेदवारी मागे घेनार का असा प्रश्न.

उल्हासनगरमधील गुंडाराज संपवायचा असेल तर भाजपला मतदान करा- रवींद्र चव्हाण

उल्हासनगर महापालिका निवडणुकीच्या प्रचारासाठी शहरातील टाऊन हॉलमध्ये भाजपचा कार्यकर्ता मेळावा आयोजित करण्यात आला होता . या या कार्यकर्ता मेळाव्यात बोलताना रवींद्र चव्हाण यांनी पप्पू कलानीवर नाव न घेता टीका केली जर उल्हासनगर शहरातील गुंडाराज संपवायचं असेल आणि उल्हासनगर शहरात बदल घडवायचा असेल तर भाजपला मतदान करा असं आवाहन कार्यकर्त्यांना केलं.

पिंपरीत भलतंच घडलंय, एकाचं जागेसाठी दोन पक्षांकडून उमेदवारी

पिंपरी चिंचवड महापालिकेच्या निवडणुकीत भलतंच घडलंय. एकाचं जागेसाठी दोन पक्षांकडून उमेदवारी मिळालेले दोन उमेदवार रिंगणात आहेत. प्रभाग क्रमांक 20 ‘ब’ आणि 30 ‘अ’ जागेवर हा पेच निर्माण झालाय. नीलम म्हात्रे यांना प्रभाग 20 मधील ब जागेसाठी शरद पवार राष्ट्रवादी आणि ठाकरे शिवसेनेकडून एबी फॉर्म घेतले. तसेच संदीप गायकवाड यांना प्रभाग 30 मधील ‘अ’ जागेसाठी शरद पवार राष्ट्रवादी आणि शिंदे शिवसेनेनं ही एबी फॉर्म घेतले.

अमरावतीतील जागा वाटपाचा तिढा सुटणार?

पालकमंत्री चंद्रशेखर बावनकुळे आज अमरावती दौऱ्यावर आहेत. आमदार रवी राणांची ते भेट घेतील. महापालिका निवडणुकीत भाजप–युवा स्वाभिमान युती तरीही रवी राणांच्या पक्षाचे अमरावती महानगरपालिकेत 41 उमेदवार उभे केले आहेत.युती असूनही भाजपला फटका बसण्याची शक्यता आहे. या भेटीनंतर राणा हे काय निर्णय घेतात याकडे सर्वांचे लक्ष लागलं आहे.

सलोखा योजनेस वर्षभर मुदतवाढ

शेतजमिनीचा वहिवाटीबाबत शेतकऱ्यांतील आपआपसांतील वाद मिटविण्यासाठी असलेली सलोखा योजनेला दि. १ जानेवारी २०२७ पर्यंत मुदतवाढ आहे. या योजनेअंतर्गत नाममात्र एक हजार रुपये नोंदणी शुल्क आणि एक हजार रुपये मुद्रांक शुल्काच्या बदल्यात शेतकऱ्यांना आपल्या ताब्यातील शेतजमिनीची अदलाबदल करण्याची संधी उपलब्ध करून देण्यात आली आहे.

बंडखोरी थोपवण्यासाठी दादांची खलबतं

उपमुख्यमंत्री अजित पवार तुमच्या बंगल्यावरती बंडखोरी रोखण्यासाठी खलबत सुरू झाली आहे. महानगरपालिका निवडणुकीमध्ये लढणाऱ्या उमेदवारांशी अजित पवार यांनी चर्चा केली.महापालिका पालिका निवडणुकीतील उमेदवारी अर्ज मागे घेण्याचा आजचा शेवटचा दिवस आहे.पक्षातून होणारी बंडखोरी रोखण्यासाठी अजित पवार यांच्याकडून आज सकाळपासूनच जिजाई बंगल्यावरती उमेदवारांना बोलवून त्यांच्याशी अजित पवार यांच्याकडून चर्चा केली जात आहे.

AI च्या माध्यमातून राजगुरुनगरमध्ये बिबट्याच्या डरकाळी

पुण्याच्या राजगुरुनगर शहरात AI च्या माध्यमातून तयार केलेल्या बिबट्याच्या डरकाळी फोडणाऱ्या फेक व्हिडिओमुळे भीतीचे वातावरण तयार झाले आहे. हा व्हिडिओ तयार करणाऱ्या तरुणाला नागरिकांनी धरले असून त्याने हा व्हिडिओ तयार केल्याची कबुली दिली आहे. राजगुरुनगर शहरात एका तरुणाने AI टूलचा वापर करून बिबट्या डरकाळी फोडत असल्याचा व्हिडिओ तयार केला आणि सोशल मीडियावर व्हायरल केला, ज्यामुळे शहरात भीती पसरली आहे. नागरिकांनी संतापात या तरुणाला धरून आणि त्याच्याकडून व्हिडिओ बनविला असल्याची कबुली घेतली. पुणे जिल्ह्यात अशा AI जनरेटेड बिबट्या व्हिडिओ व्हायरल होण्याच्या घटना वाढत आहेत, ज्यामुळे वन विभागाला अडचणी येत आहेत

तुळजाभवानी मातेची भवानी अलंकार महापूजा

श्री तुळजाभवानी मंदिरात शाकंभरी नवरात्र महोत्सव निमित्त तुळजाभवानी मातेला भवानी तलवार अलंकार महापूजा करण्यात आली. शाकंभरी नवरात्र महोत्सवाच्या पाचव्या माळेला तुळजाभवानी मातेची भवानी अलंकार महापूजा मांडण्यात आली.वर्षभरात शारदीय नवरात्र महोत्सव, शाकंभरी नवरात्र महोत्सव आणि शिवजयंती अशी तीन वेळा तुळजाभवानी मातेची भवानी अलंकार पूजा मांडण्यात येते.भवानी अलंकार पूजा दरम्यान छत्रपती शिवाजी महाराजांना तुळजाभवानी माता तलवार देतानाचे चित्र साकारले जाते.

एमआयएम पक्षाची अंतिम उमेदवारी यादी जाहीर

छत्रपती संभाजीनगर महापालिका निवडणुकीत एमआयएम पक्षाची अंतिम उमेदवारी यादी जाहीर करण्यात आली.या अंतिम यादीत 29 पैकी 14 प्रभागात 51 अधिकृत उमेदवारांची नावे घोषित करण्यात आली आहेत.एमआयएम ने या निवडणुकीत अनेक जुन्या नगरसेवकांचे तिकीट कापत नवीन चेहऱ्यांना संधी दिली आहे

शिवसेना मनपा निवडणुक २०२५ ची अधिकृत यादी जाहीर

मुंबईतील अनेक आमदार माजी नगरसेवक आणि नेत्यांच्या नातेवाईकांना तिकीट मिळालं. तन्वी काते आणि समृद्धी काते यांना उमेदवारी देण्यात आली.जोगेश्वरीतून दिप्ती रविंद्र वायकर यांना उमेदवारी देण्यात आली. वर्सोवा इथून जेष्ठ शिवसैनिक राजूल पटेल यांना उमेदवारी,कांजूरमार्ग इथून आमदार सुनिल राऊत यांचेयासमोर निवडणुक लढवलेल्या सुवर्णा करंजे यांना उमेदवारी,कुर्ला इथून आमदार मंगेश कुडाळकर यांचे चिरंजीव जय कुडाळकर यांना तर चांदिवलीतून आमदार दिलीप मामा लांडे यांच्या घरात शैला दिलीप लांडे यांना उमेदवारी देण्यात आली आहे.