Maharashtra DCM Sunetra Pawar Swearing-in LIVE : सुनेत्रा ताई दादांचा वारसा आणि वसा चांगल्या पद्धतीने चालवतील – चित्रा वाघ

सुनेत्रा पवार दादांचे स्वप्न पूर्ण करणार

सुनेत्रा पवार यांच्या उपमुख्यमंत्री पदाच्या शपथविधीनंतर बारामतीमधील राष्ट्रवादी काँग्रेसचे कार्यकर्ते आणि नागरिकांनी आपल्या भावना व्यक्त केल्या आहेत. देशात एक नंबरचा विकास असलेला बारामती तालुका करण्याचं दादांचे स्वप्न सुनेत्रा पवार पूर्ण करतील असं या कार्यकर्त्यांनी म्हटले आहे.

सुनेत्रा पवार अजित दादांच्या शपथविधीनंतर पदभार स्वीकारणार

सुनेत्रा पवार यांनी उपमुख्यमंत्री पदाची शपथ घेलती आहे. आता सुनेत्रा पवार मंत्रायलात जाणार नसल्याची माहिती समोर आली आहेत. त्या आता बारामतीला जाणार आहे आणि अजित दादांचा दशक्रिया विधा पार पडल्यानंतर त्या पदभार स्वीकारणार आहेत.

राष्ट्रवादीने सुनेत्रा पवार यांची निवड केली हा राष्ट्रवादीचा विषय – पंकज भोयर

अजित पवार यांच्या निधनानंतर राष्ट्रवादी पक्षांने सुनेत्रा पवार यांना उपमुख्यमंत्री पद दिले आहे. यावर बोलताना मंत्री पंकज भोयर यांनी म्हटलं की, हा राष्ट्रवादी काँग्रेसच्या विषय असून त्यांनी आपल्या नेत्याची निवड केली आहे, राष्ट्रवादीला जे योग्य वाटलं त्यानुसार त्यांनी कार्यवाही केली.

सुनेत्रा ताई दादांचा वारसा आणि वसा चांगल्या पद्धतीने चालवतील – चित्रा वाघ

चित्रा वाघ यांनी म्हटले की, महाराष्ट्रात अजित दादांची पोकळी कधीच भरून निघणार नाही हे मात्र सत्य आहे. सुनेत्रा ताईंचा उपमुख्यमंत्री पदाचा शपथविधी झाला त्यामुळे त्यांना शुभेच्छा. दादांचा वसा आणि वारसा त्या पुढे चांगल्या पद्धतीने चालवतील असा विश्वास आहे.

सुनेत्रा पवार यांना अर्थ खातं नाहीच, उपमुख्यमंत्री कोणत्या खात्यांचा पदभार सांभळणार?

अजित पवार यांच्या निधनानंतर सुनेत्रा पवार यांनी उपमुख्यमंत्रिपदाची शपथ घेताच त्यांना खातेवाटप करण्यात आलं आहे. मात्र अजित दादांकडे असलेलं अर्थ खातं हे सुनेत्रा पवार यांना देण्यात आलेलं नाही. सुनेत्रा पवार यांना 3 खात्यांची जबाबदारी देण्यात आली आहे. त्यानुसार सुनेत्रा पवार या क्रीडा-युवक कल्याण, राज्य उत्पादन शुल्क आणि अल्पसंख्यांक विकास या 3 खात्यांचा पदभार सांभाळणार आहेत.

राष्ट्रवादी काँग्रेस पक्षाचा अध्यक्ष कोणीही मराठी असावा, पाटील असावा पण पटेल नाही, राज ठाकरेंची पोस्ट

मनसेप्रमुख राज ठाकरे यांनी राज्यातील राजकीय स्थितीवर भाष्य करत अजित पवार यांच्या पश्चात आता राष्ट्रवादी काँग्रेस या पक्षाचा अध्यक्ष कोण असावा यावर रोखठोक भाष्य केलं आहे. राज्यातील राजकारणाचा विचका झाल्याचं राज ठाकरे यांनी सोशल मीडिया पोस्टमध्ये म्हटलंय. तसेच राष्ट्रवादीचा अध्यक्ष हा कोणीही मराठी असावा, पाटील असावा पण पटेल नाही, असं म्हणत मनसेप्रमुखांनी नाव न घेता प्रफुल्ल पटेल यांच्यावर निशाणा साधला आहे.

राज ठाकरेंची पोस्ट, काय म्हटलं?

महाराष्ट्राच्या राजकारणाचा गेल्या काही काळात पार विचका झाला आहे त्यावर खरंतर भाष्य पण करावं असं वाटत नाही. पण तरीही आज दिवसभर ज्या घडामोडी सुरु आहेत त्यावर बोलावंच लागेल. राष्ट्रवादी काँग्रेस पक्षासारख्या अस्सल मराठमोळ्या मातीतला, आणि रांगड्या पक्षाचा अध्यक्ष हा कोणीही मराठी…

— Raj Thackeray (@RajThackeray) January 31, 2026

झेपी-पंचायत समिती निवडणूक, अब्दुल सत्तार यांचा सभांचा धडाका

जिल्हा परिषद आणि पंचायत समिती निवडणुकीच्या पार्श्वभूमीवर आमदार अब्दुल सत्तार यांच्या प्रचार सभांचा धडाका सुरूच आहे. अब्दुल सत्तार यांनी सिल्लोड – सोयगाव विधानसभा मतदारसंघात सर्व जागेवर शिवसेनेचे स्वतंत्र उमेदवार उभे केले आहेत. सत्तार यांनी आज त्यांच्या उमेदवारांच्या प्रचारार्थ अजिंठा जिल्हा परिषद गटातील हळदा, डकला , जळकी, वसई, मुखपाठ, अनाड, बाळापूर, सराटी , बोदवड, खंडाळा येथे कॉर्नर सभा घेतल्या.

सुनेत्राकाकींच्या रूपात दादांना पाहू- रोहित पवार

सुनेत्रा पवार यांनी दिवंगत अजित पवार यांच्या जागी उपमुख्यमंत्रिपदाची शपथ घेतली. यानंतर त्यांच्यावर शुभेच्छांचा वर्षाव होत आहे. पण आमदार रोहित पवार यांनी सुनेत्राकाकींच्या रूपात दादांना पाहू असं भावनिक ट्वीट केलं आहे.

राज्याच्या पहिल्या महिला उपमुख्यमंत्री म्हणून मा. सुनेत्राकाकी यांनी शपथ घेतली, याचा आनंद आहे. खरं म्हणजे मा. अजितदादांची जागा कुणीच घेऊ शकत नाही पण किमान सुनेत्राकाकींच्या रुपात तरी आम्ही तिथं अजितदादांना पाहू..! डोक्यावर डोंगराएवढं दुःख असताना आणि आम्ही सर्वजण शोकाकूल असताना… pic.twitter.com/Hon07ArlFL

— Rohit Pawar (@RRPSpeaks) January 31, 2026

सुनेत्रा पवार यांना राष्ट्रीय अध्यक्ष करण्यासाठी सह्या

उपमुख्यमंत्री सुनेत्रा पवार यांना राष्ट्रीय अध्यक्ष करण्यासाठी आमदारांकडून पावलं उचलली जात आहे. आमदारांनी राष्ट्रीय अध्यक्षपदाच्या प्रस्तावावर सह्या केल्या. त्यामुळे राष्ट्रवादी काँग्रेसच्या अध्यक्षपदाची सूत्रही त्यांच्या हाती येणार हे स्पष्ट होताना दिसत आहे.

शपथविधी सोहळ्याला शरद पवार यांच्या कुटुंबातील व्यक्ती गैरहजर

शरद पवार यांच्या कुटुंबातील कोणीही सुनेत्रा पवार यांच्या शपथविधी सोहळ्याला उपस्थित नव्हते. सूत्रांच्या माहितीनुसार, शरद पवार यांनी प्रकृतीचे कारण सांगितले. असं असलं तरी सुप्रिया सुळे देखील शपथविधी सोहळ्याला उपस्थित राहिल्या नाहीत.

उपमुख्यमंत्री सुनेत्रा पवार देवगिरी बंगल्यावर दाखल

सुनेत्रा पवार यांनी उपमुख्यमंत्रिपदाची शपथ घेतल्यानंतर देवगिरी बंगल्यावर दाखल झाल्या आहे. अजित दादांच्या निधनानंतर चार दिवसातच त्या उपमुख्यमंत्रिपदी विराजमान झाल्या आहेत. दु:खाचा डोंगर कोसळला असताना त्यांनी खंबीरपणे सूत्र हाती घेतली आहेत. तसेच देवगिरी बंगल्यावर दाखल झाल्या आहेत.

थोड्याच वेळात राज्यपालांकडून सुनेत्रा पवारांना खाती मिळणार

उपमुख्यमंत्री सुनेत्रा पवार यांना कोणती खाती मिळणार? याची उत्सुकता आहे. याबाबतचा निर्णय थोड्याच वेळात होणार आहे. थोड्याच वेळात राज्यपालाकडून सुनेत्रा पवार यांना खाती जाहीर होणार आहेत. मुख्यमंत्री देवेंद्र फडणवीस यांच्याकडून खात्यांसंदर्भात राज्यपालांना पत्र देण्यात आलं आहे.

अजित दादांप्रमाणे सुनेत्रा पवार विचार पुढे नेतील, राष्ट्रवादी काँग्रेसच्या नेत्यांच्या प्रतिक्रिया

राज्याच्या उपमुख्यमंत्रिपदी सुनेत्रा पवार विराजमान झाल्या आहेत. अजित दादांप्रमाणे सुनेत्रा पवार या धुरा सांभाळतील, असं मत राष्ट्रवादी काँग्रेसच्या नेत्यांनी मांडलं. सुनेत्रा पवार यांच्यावर आमचा पूर्ण विश्वास असल्याचं त्यांनी यावेळी सांगितलं.

पंतप्रधान मोदी यांनी उपमुख्यमंत्री सुनेत्रा पवार यांना दिल्या शुभेच्छा

महाराष्ट्राच्या उपमुख्यमंत्रीपदी सुनेत्रा पवार यांनी शपथ घेतली आहे. राजाच्या 17व्या आणि पहिल्या महिला उपमुख्यमंत्री म्हणून त्या या पदावर विराजमान झाल्या आहेत. उपमुख्यमंत्रिपदी विराजमान झाल्यानंतर पंतप्रधान नरेंद्र मोदी यांनी शुभेच्छा दिल्या.

महाराष्ट्राच्या पहिल्या महिला उपमुख्यमंत्री म्हणून कार्यकाळ सुरू करणाऱ्या सुनेत्रा पवार जी यांना शुभेच्छा. मला विश्वास आहे की त्या राज्यातील जनतेच्या कल्याणासाठी अथक परिश्रम करतील आणि दिवंगत अजितदादा पवार यांचे स्वप्न पुढे नेतील.@SunetraA_Pawar

— Narendra Modi (@narendramodi) January 31, 2026

सुनेत्रा पवार उपमुख्यमंत्री हा त्यांच्या पक्षाचा विषय- मनोज जरांगे पाटील

सुनेत्रा पवार उपमुख्यमंत्री हा त्यांच्या पक्षाचा विषय आहे.पहिल्या महिला उपमुख्यमंत्री होतायत हा चांगला विषय आहे. राजकिय डावपेच मी सांगू शकत नाही. अजित पवार यांच्या जागेवर त्यांचाच माणूस हवा होता. सुनेत्रा पवार यांनी अचानक जमलेल्या ढेकणांवर लक्ष ठेवावे. हे ढेकणं आणि गिधाडं घात करू शकतात, सुनेत्रा पवार यांनी पवार कुटुंबाला सोबत घ्यावं, हे ढेकणं खूप रक्त पिऊ शकतात. त्यावेळी कुटुंबच तुमच्या कामाला येईल, असं मनोज जरांगे पाटील म्हणाले.

उपमुख्यमंत्री सुनेत्रा पवार यांच्या हाती कोणती खाती?

सुनेत्रा पवार या राज्याच्या पहिल्या महिला उपमुख्यमंत्री झाल्या आहेत. पण त्यांच्या हाती कोणती खाती आली आहेत हे मात्र कळू शकलेलं नाही. अजित पवार यांच्याकडे अर्थमंत्रिपद होतं. आता सुनेत्रा पवार यांच्याकडे हेच पद असेल का? अशी चर्चाही रंगली आहे. इतकंच काय तर राज्याचं अर्थसंकल्प कोण मांडणार? या देखील चर्चा रंगल्या आहेत.

अजित पवार यांच्या निधनानंतर सुनेत्रा पवार यांच्या हाती येणार राष्ट्रवादी काँग्रेसची सूत्र

अजित पवार यांच्या अकाली निधनानंतर राज्याचं राजकारण बदललं आहे. त्यांच्या पत्नी सुनेत्रा पवार यांनी त्यांच्या जागी उपमुख्यमंत्रिपदाची शपथ घेतली. आता राष्ट्रवादी काँग्रेस पक्षाची सूत्र हाती घेणार असल्याचं बोललं जात आहे.

सुनेत्रा पवारांच्या शपथविधीवेळी मुख्यमंत्री, उपमुख्यमंत्री आणि राज्यपाल उपस्थित

सुनेत्रा पवार यांनी 17व्या उपमुख्यमंत्रिपदाची शपथ घेतली. त्या पहिल्या महिला उपमुख्यमंत्री ठरल्या आहेत . या शपथविधी सोहळ्याला मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि राज्यपाल उपस्थित होते.  शपथ घेताना सुनेत्रा पवार भावूक झाल्या होत्या.

सुनेत्रा पवार या राज्याच्या पहिल्या महिला उपमुख्यमंत्री

सुनेत्रा अजित पवार या राज्याच्या पहिल्या उपमुख्यमंत्री ठरल्या आहेत. यापूर्वी कधीही महिला उपमुख्यमंत्री नव्हत्या. अजित पवार यांच्या निधनानंतर त्यांनी उपमुख्यमंत्रिपदाची शपथ घेतली आहे. यावेळी अजितदादांच्या नावाचा जयघोष करण्यात आला.

सुनेत्रा पवार यांचा उपमुख्यमंत्रिपदाचा शपथविधी

सुनेत्रा अजित पवार यांनी उपमुख्यमंत्रिपदाची शपथ घेतली. अजित पवार यांच्या निधनानंतर त्यांनी शपथ घेतली. यावेळी राष्ट्रवादी काँग्रेसचे आमदार आणि मंत्री उपस्थित होते. यावेळी अजित पवार अमर रहे या घोषणा देण्यात आल्या.

राष्ट्रवादी काँग्रेसच्या नेत्या सुनेत्रा पवार लोकभवनात दाखल

राज्याच्या पहिल्या महिला उपमुख्यमंत्री म्हणून राष्ट्रवादीच्या नेत्या सुनेत्रा पवार यांचा थोड्याच वेळात लोकभवनात  शपथविधी होत आहे. यासाठी सुनेत्रा पवार लोकभवनात दाखल झाल्या आहेत.

सुनील तटकरे आणि प्रफुल पटेल राजभवनाकडे निघाले

राष्ट्रवादीच्या नेत्या सुनेत्रा पवार आज महाराष्ट्राच्या उपमुख्यमंत्री पदाची शपथ घेणार आहेत. त्याची तयारी राजभवन येथे सुरु असून प्रदेशाध्यक्ष सुनील तटकरे आणि प्रफुल पटेल राजभवनाकडे निघाले आहेत.

सुप्रिया सुळे अजित पवार यांच्या काटेवाडीतील निवासस्थानी दाखल

राष्ट्रवादी पक्षाच्या  खासदार सुप्रिया सुळे अजित पवार यांच्या काटेवाडीतील निवासस्थानी दाखल झाल्या आहेत. यावेळी त्या अजित पवार यांच्या मातोश्रींची भेट घेणार आहेत.त्यानंतर त्या दिल्लीकडे रवाना होणार आहेत.

राज्यपालांचा ताफा थोड्याच वेळात लोकभवनामध्ये दाखल होणार 

राज्यपालांचा ताफा थोड्याच वेळात लोकभवनामध्ये दाखल होणार

आज सुनेत्रा पवार घेणार उपमुख्यमंत्रिपदाची शपथ

आज सांयकाळी 5  वाजता शपथविधी सोहळ्याचं आयोजन

राष्ट्रवादी काँग्रेसच्या गोटात घडामोडींना वेग

बदलापूर रेल्वे अपघाताचं सीसीटीव्ही फुटेज समोर, नेमकं काय घडलं?

बदलापूर रेल्वे अपघाताचं सीसीटीव्ही फुटेज समोर

धावती लोकल पकडताना झाला होता अपघात

अपघातामध्ये एका महिलेचा मृत्यू

चेतना चंद्रशेखर देवरुखकर असं अपघात झालेल्या महिलेचं नाव

सायंकाळी पाच वाजता उपमुख्यमंत्रिपदाचा शपथविधी, राष्ट्रवादीचे नेते मुख्यमंत्र्यांची भेट घेणार

सायंकाळी 5 वाजता सुनेत्रा पवार घेणार उपमुख्यमंत्रिपदाची शपथ

राष्ट्रवादीच्या गोटात घडामोडींना वेग

राष्ट्रवादीचे नेते वर्षा बंगल्यावर मुख्यमंत्री देवेंद्र फडणवीस यांची घेणार भेट

त्यानंतर होणार उपमुख्यमंत्रिपदाचा शपथविधी

महाराष्ट्र लोकभवनच्या बाहेर पोलिसांचा बंदोबस्त वाढला

महाराष्ट्र लोकभवनच्या बाहेर पोलिसांचा बंदोबस्त वाढला

शासकीय अधिकारीही मोठ्या संख्येनं उपस्थित

आज सायंकाळी 5 वजता सुनेत्रा पवार घेणार उपमुख्यमंत्रिपदाची शपथ

राजभवनातील हाॅलमध्ये होणार शपथवीधीचा कार्यक्रम

पोलिसांकडून प्रत्येक वाहनांची कडक तपासणी

मुख्यमंत्री सहाय्यता निधी विभागाच्या नायब तहसीलदारांची आत्महत्या

अहिल्यानगर जिल्हाधिकारी कार्यालयातील मुख्यमंत्री सहाय्यता निधी विभागाचे नायब तहसीलदार किरण रामदास देवतरसे यांनी आज सकाळी नऊ वाजेच्या सुमारास निंबळक परिसरात रेल्वे रुळाखाली येवून आत्महत्या केली आहे. देवतरसे सहा महिन्यांनी होणार होते निवृत्त. त्यांनी आत्महत्या केल्याने महसूल प्रशासनात उलटसुलट चर्चा. या आत्महत्ये संदर्भात एमआयडीसी पोलीस ठाण्यात अकस्मात मृत्यूची नोंद.

पवार कुटुंब एकत्र यावं – आमश्या पाडवी

पवार कुटुंब एकत्र यावं शिंदे गटाचे आमदार आमश्या पाडवी यांची भावना.  कधीही परिवारात तुकडे नाही व्हायला पाहिजे या मताचा मी आहे. उपमुख्यमंत्रीपदासाठी पवार कुटुंबातून सुनेत्रा पवार यांचं नाव समोर येत असल्याने आनंद वाटत आहे असं आमश्या पाडवी यांनी म्हटलं आहे.

अजितदादा गेल्यानंतर थपथविधीची इतकी घाई का?- अंजली दमानिया

अजितदादा गेल्यानंतर थपथविधीची इतकी घाई का? यामागे कुणाचं राजकीय हीत दडलंय. तटकरे, भूजबळ, पटेल, जयंत पाटील हे कधीही भाजपवासी व्हायला तयार आहेत. राष्ट्रवादी संपवली जातेय. यानंतर शिवसेनेलाही दाबलं जाईल. भाजप राज्यातून सगळे प्रादेशिक पक्ष संपवण्याचा कट आखतोय. काही काळात राष्ट्रवादी आणि शिवसेनेला भाजप संपवणार. वित्त खातं देवेंद्र फडणवीस त्यांच्याकडे का ठेवत आहेत? फडणवीस काय सुपरमॅन आहेत का? असा सवाल अंजली दमानिया यांनी केला आहे.

सुनेत्रा पवारांची एकमताने गटनेतेपदी निवड

सुनेत्रा पवार यांनी विधिमंडळ गटनेतेपदी निवड झाली असून हा निर्णय नुकत्याच पार पडलेल्या बैठकीत घेण्यात आला आहे. गटनेतेपदासाठी त्यांची एकमताने निवड करण्यात आली आहे. सुनेत्रा पवार या आज सायंकाळी 5 वाजता उपमुख्यमंत्रीपदाची शपथ घेणार आहेत.

बाजार समिती बंद ठेवत अजितदादांना श्रद्धांजली

उपमुख्यमंत्री अजित पवार यांना श्रद्धांजली वाहण्यासाठी बाजार समिती ठेवण्यात आली बंद. उपमुख्यमंत्री अजित पवार यांचे दुर्दैवी अपघाती निधन झाल्यानंतर संपूर्ण राज्यभरात शोक व्यक्त. ठिकठिकाणी बंद पाळून अजितदादांना श्रद्धांजली अर्पण. धुळे कृषी उत्पन्न बाजार समिती देखील आज बंद पाळून अजित पवार यांना श्रद्धांजली अर्पण. बाजार समितीत व्यापारी आणि शेतकऱ्यांची मोठ्या प्रमाणावर गर्दी पाहायला मिळत असते मात्र आज संपूर्ण बाजार समिती बंद पाळण्यात आल्याने शुकशुकाट पाहायला मिळाला. लाखो रुपयांचे व्यवहार आज ठप्प झाल्याचे देखील पाहायला मिळाले.

विधानभवनात सुनेत्रा पवार दाखल, बैठकीनंतर उपमुख्यमंत्रीपदाची शपथ घेणार

सुनेत्रा पवार या नुकत्याच विधानभवनात दाखल झाल्या आहेत. आज सांयकाळी त्या उपमुख्यमंत्री पदाची शपथ घेणार आहेत. त्यापूर्वी त्यांची गटनेतेपदी निवड होणार आहे. त्यामुळे त्या विधानभवनात दाखल झाल्या आहेत. सध्या विधानभवनात याबाबत एक बैठक देखील पार पडत आहे.

पिंपरी चिंचवड शहराला अजित नगर असं नाव द्या, जालन्यात मराठा महासंघाची मागणी

पिंपरी चिंचवड शहराला अजित नगर असं नाव द्याव अशी मागणी जालन्यात अखिल भारतीय मराठा महासंघाने केलीय. अजित दादांनी पिंपरी चिंचवड शहराला आशिया खंडातील सर्वात मोठी महानगरपालिका बनवली अजित दादांच्या प्रयत्नामुळेच आज पिंपरी चिंचवड शहराचं नाव जगामध्ये आहे. आम्ही लोकप्रतिनिधी मार्फत आणि जिल्हाधिकाऱ्यांमार्फत मुख्यमंत्र्यांकडे पिंपरी चिंचवड शहराला अजित पवारांचं नाव घेण्याची मागणी केली आहे.

सुनेत्रा पवार यांच्या नावाचा प्रस्ताव कोण मांडणार?

दिलीप वळसे पाटील सुनेत्रा पवार यांच्या नावाचा प्रस्ताव मांडतील. छगन भुजबळ या प्रस्तावाला अनुमोदन देतील. त्यानंतर सुनेत्रा पवार यांची राष्ट्रवादी काँग्रेस पक्षाच्या विधिमंडळ गटनेतेपदी निवड होईल. सुनेत्रा पवार देवगिरीवरुन निघाले आहेत.

पार्थ पवारांकडून शरद पवारांची मनधरणी

तासाभराच्या बैठकीनंतर पार्थ पवार हे शरद पवार यांच्या निवासस्थानाहून निघाले आहेत. पार्थ पवारांकडून शरद पवारांची मनधरणी. पार्थ पवार गोविंद बागेतून निघाले. पार्थ यांची शरद पवार, सुप्रिया सुळेंसोबत चर्चा. पार्थ पवारांकडून शरद पवारांना शपथविधीचं निमंत्रण.

राष्ट्रवादी संपवली जातेय – अंजली दमानिया

दादा गेल्यानंतर शपथ विधीची इतकी घाई का ? यामागे कुणाचं राजकीय हीत दडलय? तटकरे, भुजबळ, पटेल, जयंत पाटील हे कधीही भाजपवासी व्हायला तयार आहेत. राष्ट्रवादी संपवली जातेय. यानंतर शिवसेनेलाही दाबलं जाईल. भाजप राज्यातून सगळे प्रादेशिक पक्ष संपवण्याचा कट आखतोय. काही काळात राष्ट्रवादी आणि शिवसेनेला भाजप संपवणार.

सुनेत्रा पवार यांची निवड अपेक्षित आहे – सुनील तटकरे

आता आमची राष्ट्रवादी काँग्रेसच्या प्रमुख नेत्यांची बैठक पार पडली. आता दोन वाजता राष्ट्रवादी विधिमंडळ पक्षाची बैठक आहे. त्यात सुनेत्रा पवार यांची निवड अपेक्षित आहे असं राष्ट्रवादी काँग्रेसचे प्रदेशाध्यक्ष सुनील तटकरे म्हणाले.

धाराशिवमध्ये नातेवाईकांनी जागवल्या आठवणी

सुनेत्रा पवार यांच्या उपमुख्यमंत्री पदाबाबत त्यांच्या तेर येथील नातेवाईकांनी बालपणीच्या आठवणी जाग्या केल्या. सुनेत्रा पवार ह्या अगदी धाडसाने उपमुख्यमंत्री पदाची जबाबदारी सांभाळतील तेर मधील गावकऱ्यांनी आत्मविश्वास व्यक्त केला.एकीकडे अजित पवार गेल्याचे दुःख तर दुसरीकडे आमची लेक उपमुख्यमंत्री होणार याचाही आनंद आहे ते गावातील ग्रामस्थांनी भावना व्यक्त केल्या

पालकमंत्री गुलाबराव पाटीलांकडून नुकसानीची पाहणी

जळगाव तसेच धरणगाव तालुक्यात अवकाळी पावसामुळे झालेल्या पिकांच्या नुकसानाची पालकमंत्री गुलाबराव पाटील यांच्याकडून पाहणी करण्यात आली.दोन दिवसांपूर्वी वादळी वाऱ्यासह गारपीट तसेच अवकाळी पावसामुळे रब्बी हंगामातील पिकांचे मोठ्या प्रमाणावर नुकसान झाले आहे धरणगाव तसेच जळगाव तालुक्यात काही गावांमध्ये अक्षरशः गहू ज्वारी मका ही पीक जमीनदोस्त झाली आहेत. पिकांच्या नुकसानीच्या पाण्यासाठी मंत्री गुलाबराव पाटील आज थेट शेतकऱ्यांच्या बांधावर धडकले व नुकसानीची पाहणी करत शेतकऱ्यांना धीर दिला..

तटकरे,भुजबळ,पटेलांना सर्व माहिती-जयंत पाटील

शरद पवार राष्ट्रवादी गटाचे नेते शरद पवार यांनी मोठा गौप्यस्फोट केला आहे. अजितदादा दोन्ही राष्ट्रवादीच्या विलिनिकरणासाठी आग्रही होते. याविषयीच्या बैठकाही झाल्या.खासदार सुप्रिया सुळेही काही वेळा बैठकीला होत्या. या घडामोडींची प्रफुल्ल पटेल, तटकरे, भुजबळ आणि अन्य आमदारांना कल्पना दिल्याचं माहिती दादांनी आपल्याला दिल्याचे जयंत पाटील यांनी दिली.

धुळ्यात गट स्थापन

धुळे महानगरपालिकेच्या महापौर निवडीच्या अगोदर शिवसेना, राष्ट्रवादी अजित पवार गट स्थापन करण्यात आला. भारतीय जनता पार्टीच्या कारभारावर अंकुश ठेवण्यासाठी गट स्थापन करण्यात आला. महानगर प्रमुख संजय वाल्हे यांनी ही माहिती दिली. महापालिका निवडणुकीमध्ये युती करून निवडणूक लढवण्यात आली होती. महापालिका निवडणुकीत अजित पवार गटाला ८ तर शिवसेनेला ५ जागा मिळाल्या होत्या

दोन्ही राष्ट्रवादी एकत्र येणार का?-छगन भुजबळांची प्रतिक्रिया काय

सुनेत्रा पवार यांना उपमुख्यमंत्री करण्याचा निर्णय सगळ्यांच होता. त्यांना मुख्यमंत्री करणं महत्त्वाचं होतं. त्यानंतर त्यांच्या नेतृत्वात इतर निर्णय घेतले जातील असे मंत्री छगन भुजबळ म्हणाले. तर दोन्ही राष्ट्रवादी एकत्र येणार का, या प्रश्नावर छगन भुजबळ यांनी प्रतिक्रिया दिली नाही.

‘उपमुख्यमंत्री पदाच्या शपथेची एवढी घाई कशासाठी?’-शिवसैनिक

घरात एवढं दुःख असेल तर दहा दिवस शिव ओलांडत नाहीत तुम्ही उपमुख्यमंत्री पदाची शपथ घ्यायला निघालात. सुनेत्रा पवार तुम्ही शपथ घेत असाल तरी महाराष्ट्राच्या जनतेने तुम्हाला नाकारलं.मड्याच्या टाळूवरचं लोणी खाण्याचा प्रकार केला. उपमुख्यमंत्री पदाच्या शपथेची एवढी घाई कशासाठी? अशी प्रतिक्रिया ठाकरे गटाच्या शिवसैनिक रेखा कोंडे यांनी दिली.

धुळे महानगरपालिकेच्या महापौर निवडीच्या अगोदर शिवसेना, राष्ट्रवादी अजित पवार गट स्थापन..

महानगर प्रमुख संजय वाल्हे यांनी दिलेल्या माहितीनुसार, महापालिका निवडणुकीमध्ये युती करून निवडणूक लढवण्यात आली होती. महापालिका निवडणुकीत अजित पवार गटाला आठ तर शिवसेनेला पाच जागा मिळाल्या होत्या. नाशिक विभागीय  कार्यालयात शहर विकास आघाडी म्हणून राष्ट्रवादी अजित पवार आणि शिवसेनेच्या वतीने गट स्थापन करण्यात आले होते. भारतीय जनता पार्टीवर अंकुश ठेवण्यासाठी गटाची स्थापना करण्यात आली होती.

जळगावच्या फैजपूर येथील नगरपरिषदेच्या ४ काँग्रेस नगरसेवकांना जिल्हाध्यक्ष प्रदीप पवार यांनी कारणे दाखवा नोटीस बजावली

जळगावच्या फैजपूर येथील नगरपरिषदेच्या ४ काँग्रेस नगरसेवकांना जिल्हाध्यक्ष प्रदीप पवार यांनी कारणे दाखवा नोटीस बजावली आहे. पक्षशिस्त मोडून भाजप उमेदवाराला पूरक भूमिका घेतल्याच्या आरोपावरून फैजपूर नगरपरिषदेच्या चार काँग्रेस नगरसेवकांना कारणे दाखवा नोटीस पाठवली आहे. हकीम तडवी, सादेकाबी शेख दानिश, प्रियांका इंगळे आणि शेख इरफान या चार नगरसेवकांना कारणे दाखवा नोटीस बजावण्यात आली आहे. चारही नगरसेवकांना सात दिवसांत खुलासा सादर करण्याचे आदेश काँग्रेस जिल्हाध्यक्ष प्रदीप पवार यांनी दिले आहेत.

युगेंद्र पवार यांची अजित पवार यांच्यासाठी सोशल मीडिया वरती भावनिक पोस्ट…..

प्रिय अजितकाका, तुम्हाला बघत-बघत, मी लहानाचा मोठा झालो. तुमच्याकडे पाहत तुमच्यासारखं बनण्याचं स्वप्नं मनात बाळगलं. तुमच्यापासूनच प्रेरणा घेऊन, तुम्हाला माझा अभिमान वाटेल असं आयुष्य जगण्याचा मी सदैव प्रयत्न करीत राहीन. तुमच्या आठवणी सदैव माझ्यासोबत राहतील. मिस यू अजितकाका…! अशा आशयाची योगेंद्र पवार यांच्याकडून सोशल मीडिया अजित पवार यांच्या प्रति भावना व्यक्त करणारी पोस्ट…

मंत्री गिरीश महाजन यांच्याकडून नाशिकच्या रामकुंड गोदा घाट परिसरात पाहणी

आगामी सिंहस्थ कुंभमेळ्यांच्या कामांना सुरुवात झाली असून मंत्री गिरीश महाजन यांनी मनपा युक्तांसमवेद पाहणी केली.  पाहणी करत विकास कामांबद्दल माहिती घेतली.  नाशिकच्या रामकुंड परिसरात कालपासून अतिक्रमण काढण्यास सुरुवात झाली आहे.  सिंहस्थाच्या विकास कामांना सुरुवात झाली आहे.

अंबादास दानवे यांचा गंभीर आरोप, थेट म्हणाले, तटकरे आणि पटेल…

तटकरे आणि पटेल त्यांच्या स्वार्थासाठी कोणत्याही स्थराला जाऊन शकतात, असा गंभीर आरोप अंबादास दानवे यांनी केला आहे.

राष्ट्रवादीच्या आमदार सरोज अहिरे यांच्या मतदार संघात शोकसभा

राष्ट्रवादीच्या आमदार सरोज अहिरे यांच्या मतदार संघात शोकसभा. शोक सभेत सरोज अहिरे यांना अश्रू अनावर झाले आहेत. 28 जानेवारी 2026 रोजी विमान अपघातात अजित पवार यांचे निधन झाले.

अवकाळी पावसाने 5 हजार 686 हेक्टर क्षेत्रावरील पिकांचे नुकसान

जळगावच्या एरंडोल तालुक्यात वादळी वाऱ्यासह अवकाळी पावसाने ५ हजार ६८६ हेक्टर क्षेत्रावरील पिकांचे नुकसान. एरंडोल तालुक्यात ५२ गावांतील ५ हजार ८७२ शेतकरी बाधित झाल्याची माहिती प्रशासनाकडून देण्यात आली आहे. हातातोंडाशी आलेली गहू, मका व ज्वारी ही पिके आडवी पडल्याने मोठे नुकसान झाले आहे.

नाशिकमध्ये 31 हजार विद्यार्थ्यांनी गायले सामूहिक गीत

नाशिक शहरातील 81 शाळांमधील विद्यार्थ्यांनी घेतला होता सहभाग. मंत्री गिरीश महाजन ही विद्यार्थ्यांच्या समूह गायनाला होते उपस्थित. मंत्री गिरीश महाजन यांच्यासह भाजपचे नगरसेवक आणि पदाधिकारी ही उपस्थित. नाशिक शहरातील विविध 81 शाळेतील विद्यार्थ्यांनी घेतला सहभाग

शरद पवार योग्यच बोलत आहेत- संजय राऊत

शरद पवार योग्य बोलत आहेत, सुनेत्रा पवार यांच्याबद्दल कोणाच माहिती नाही, असे मोठे विधान संजय राऊत यांनी केले आहे.

सुनेत्रा पवार यांचा शपथविधी पक्षाचा निर्णय- संजय राऊत

नुकताच बोलताना संजय राऊत यांनी म्हटले की, सुनेत्रा पवार यांच्या शपथविधीचा निर्णय हा त्यांच्या पक्षाचा निर्णय आहे.

पवार कुटुंबामध्ये वाद?

अजित पवार यांच्या निधनानंतर आज सुनेत्रा पवार या उपमुख्यमंत्री पदाची शपथ घेणार आहेत. मात्र, याची कल्पना शरद पवार यांना नाहीये. सुनेत्रा पवार कोणतीही चर्चा न करता थेट मुंबईला रात्री उशिरा पोहोचल्या.

खासदार सुप्रिया सुळे आज रात्रीच दिल्लीला जाणार

खासदार सुप्रिया सुळे आज रात्रीच दिल्लीला जाणार. संसदेचं अर्थसंकल्पीय अधिवेशन असल्याने सुप्रिया सुळे आज रात्री दिल्लीला रवाना होणार आहेत.

अजित पवार आणि जयंत पाटील यांच्यात एकत्र येण्याविषयीची सकारात्मक चर्चा झाली होती – शरद पवार

अजितदादा आणि जयंत पाटील यांच्यात दोन्ही राष्ट्रवादी एकत्र येण्याविषयीची सकारात्मक चर्चा झाली होती. त्यांच्यात चर्चा सुरू होती.  मी या चर्चेत नव्हतो असे पवार यांनी स्पष्ट केले. दोन्ही राष्ट्रवादीच्या विलिनीकरणाची चर्चा झाली होती. याविषयीचा निर्णय 12 तारखेलाच जाहीर होणार होता असा गौप्यस्फोटही शरद पवार यांनी केला.

रोहित पवार शरद पवार यांच्या भेटीस दाखल

बारामती – रोहित पवार, संदीप क्षीरसागर गोविंदबाग येथील शरद पवार यांच्या निवासस्थानी भेटीस दाखल झाले आहेत.

दोन्ही राष्ट्रवादी एकत्र आले तर आनंदच, आम्हाला कुठली अडचण नाही – गिरीश महाजन

दोन्ही राष्ट्रवादी एकत्र येण्याबाबत आमचा विषय नाही.  दोन्ही पक्ष  राष्ट्रवादी एकत्र आले तर आनंदच, आम्हाला कुठली अडचण नाही – असं गिरीश महाजन म्हणाले. काय करायचं हे त्यांनी ठरवावं, सुनेत्रा वाहिनी आणि त्यांनी ठरवावे, असंही त्यांनी नमूद केलं.

राष्ट्रवादीच्या दोन्ही गटांच्या विलीनीकरणारबाबत काय म्हणाले शरद पवार ?

राष्ट्रवादीच्या दोन्ही गटांच्या विलीनीकरणारबाबत शरद पवार यांनी प्रतिक्रिया दिली आहे.  अजित पवार – जयंत पाटील यांची विलीनीकरणाबाबात चर्चा झाली होती. विलीनीकरणाबाबत चर्चा होती, पण आता खंड पडला आहे – शरद पवार

सुनेत्रा पवारांच्या शपथविधीची मला माहितीच नाही – शरद पवार

सुनेत्रा पवार यांच्यासोबत कोणतीही चर्चा नाही. त्यांच्या शपथविधीची मला माहितीच नाही – शरद पवार

सुनेत्रा पवार मुख्यमंत्रीपदाची शपथ घेणार हा त्यांच्या पक्षाचा निर्णय – शरद पवार

NCPने काय करावं हे त्यांनी ठरवलं, मी त्यावर भाष्य करणार नाही. तटकरे, प्रफुल्ल पटेल पक्षाचे प्रमुख, तो त्यांचा अधिकार आहे. सुनेत्रा पवार मुख्यमंत्रीपदाची शपथ घेणार हा त्यांच्या पक्षाचा निर्णय आहे – शरद पवार

अजित पवार कर्तृत्ववान नेते होते – शरद पवार

अजित पवार कर्तृत्ववान नेते होते . अशी कर्तृत्ववान व्यक्ती सोबत नसणं, सोडून हा महाराष्ट्रावर सर्वात मोठा आघात आहे. कुटुंबावरही हा आघात आहे – शरद पवार

पार्थ पवार यांची राज्यसभेवर वर्णी लागण्याची शक्यता

पार्थ पवार यांची राज्यसभेवर वर्णी लागण्याची शक्यता आहे अशी माहिती सूत्रांनी दिली आहे. सुनेत्रा पवार यांना राज्यातील ऊपमुख्यमंत्री केल्यानंतर राज्यसभेवर पार्थ पवार यांनी पाठवण्याची भाजपची तयारी असल्याचे सूत्रांनी सांगितलं.

नाशिक – अजित दादांच्या राष्ट्रवादी गटनेतेपदासाठी रस्सीखेच सुरू

नाशिक – अजित दादांच्या राष्ट्रवादी गटनेतेपदासाठी रस्सीखेच सुरू आहे. – हेमलता पाटील आणि सीमा ठाकरे यांच्यात गटनेते पदावरून रस्सीखेच.  नाशिक महानगरपालिकेत अजित दादांच्या राष्ट्रवादीचे अवघे चार नगरसेवक आहेत.  अजित पवारांच्या अपघाती निधनामुळे राष्ट्रवादीची गट नोंदणी लांबणीवर पडली आहे. गटनेते पदासाठी हेमलता पाटील यांचे नाव अग्रस्थानी असल्याची चर्चा आहे.

रत्नागिरी –  राष्ट्रवादीचे आमदार शेखर निकम मुंबईकडे रवाना

रत्नागिरी-  राष्ट्रवादीचे आमदार शेखर निकम मुंबईकडे रवाना झाले आहेत.  राष्ट्रवादीच्या वरिष्ठ नेत्यांनी आमदारांच्या बोलावलेल्या बैठकीला निकम उपस्थित राहणार आहेत.  उपमुख्यमंत्री आणि पक्षाचे नेतृत्व सुनेत्रा पवार यांना मिळावे यासाठी बैठकीला उपस्थित राहणार.  काल रात्री उशिरा राष्ट्रवादी कार्यालयाकडून निकम यांना आजच्या बैठकीला उपस्थित राहण्यासाठी फोन आला होता.  सावर्डे इथून शेखर निकम मुंबईतल्या बैठकीसाठी रवाना झालेत.

Sunetra Pawar : सुनेत्रा पवार यांच्यावर उपमुख्यमंत्रीपदासह आणखी एक मोठी जबाबदारी

अजित पवार यांच्या पत्नी सुनेत्रा पवार या आज उपमुख्यमंत्रिपदाची शपथ घेणार आहेत. उपमुख्यमंत्रीपदासह सुनेत्रा पवार यांच्यावर आणखी एक मोठी जबाबदारी दिली जाणार आहे. अजित पवारांकडे असलेली राष्ट्रीय अध्यक्षपदाची जबाबदारीही सुनेत्रा पवार आपल्याकडेच ठेवणार असल्याचे समोर आले आहे. त्यामुळे आता त्या अजित पवारांप्रमाणे दुहेरी जबाबदारी सांभाळणार आहेत.

दुपारी विधिमंडळ पक्षाची बैठक, होणार महत्वाचे निर्णय

आज दुपारी 2 वाजता राष्ट्रवादीच्या आमदारांची बैठक होणार असून राष्ट्रवादीचा गटनेता निवडला जाणार आहे. गटनेता म्हणून सुनेत्रा पवारांची निवड करण्यात येईल. राष्ट्रवादीचे सर्व नेते, आमदार मुंबईच्या दिनेशेन रवाना झाले आहेत. संध्याकाळीशपथविधी होणार असून राजभवनात शपथविधीसाठी तयारी सुरू झाली आहे.