KBC Photos : अंधत्वावर मात करत हिमानी बुंदेला 7 कोटींच्या प्रश्नापासून एक पाऊल दूर, ‘हा’ आहे पुढचा प्लॅन
30 आणि 31 ऑगस्ट रोजी KBC मधला हेमानीचा प्रवास प्रेक्षकांसमोर उलगडेल. अमिताभ बच्चन यांना देखील तिने काही मेंटल मॅथ्स युक्त्या शिकवल्या, ज्याने बच्चन फारच प्रभावित झाले. (Overcoming blindness, Himani Bunde is one step away from the question of Rs 7 crore, know about her next plan)
“जिंकणारा असतो, तो काही वेगळे काम करत नसतो, तर तो प्रत्येक काम वेगळ्या प्रकारे करत असतो” या उद्गारांसह आग्र्याहून आलेल्या हिमानी बुंदेला या दृष्टिहीन स्पर्धकाने KBC मधील हॉटसीटवरचा आपला प्रवास सुरू केला होता.
1 / 5
2 / 5
30 आणि 31 ऑगस्ट रोजी KBC मधला तिचा प्रवास प्रेक्षकांसमोर उलगडेल. अमिताभ बच्चन यांना देखील तिने काही मेंटल मॅथ्स युक्त्या शिकवल्या, ज्याने बच्चन फारच प्रभावित झाले.
3 / 5
2011 मध्ये, हिमानी एका दुर्घटनेची शिकार झाली आणि त्यात तिची दृष्टी अधू झाली. अनेक शस्त्रक्रिया केल्यावरही डॉक्टर्स तिची दृष्टी वाचवू शकले नाहीत. या प्रचंड आघातानंतरही हिमानीने धीर सोडला नाही आणि आपले जीवन मुलांना शिकवण्यासाठी वेचण्याचा निर्णय तिने घेतला. दिव्यांग लोकांना कोणत्या परिस्थितीला तोंड द्यावे लागते, याची जाणीव ती मुलांना करून देते. स्वतः आनंदी राहून आनंद पसरवणे हे हिमानीचे ब्रीद आहे. “यूं तो जिंदगी सभी काट लेते हैं यहां, मगर जिंदगी जियो ऐसे कि मिसाल बन जाए!” असे उद्गार तिने काढले आणि त्याचे उदाहरण सादर करत तिने हा शो जिंकून घेतला!
4 / 5
हिमानी कम्प्युटरजीने पुढे ठेवलेल्या प्रश्नांची काळजीपूर्वक आणि खूप विचार करून नेमकी उत्तरे देताना दिसेल. आपल्या जोशाने आणि सकारात्मकतेने सगळ्यांनाच ती मोहित करताना दिसेल. 1 कोटी रु. च्या प्रश्नाचे अचूक उत्तर दिल्यानंतर आता तितक्याच उत्साहाने ती 7 कोटी रु. च्या प्रश्नाला सामोरी जाताना दिसणार आहे. हिमानी म्हणाली, “कौन बनेगा करोडपतीमध्ये येणे आणि श्री. बच्चन यांना भेटणे हे पहिल्यापासून माझे स्वप्न होते आणि ते पूर्ण होत आहे, याचा मला खूप आनंद आहे. श्री. बच्चन यांनी मला मोकळेपणा वाटावा यासाठी खूप प्रयत्न केले, त्यामुळे मला अजिबात दडपण आले नाही. त्या दुर्घटनेनंतर माझे आयुष्य सोपे नव्हते. आपली दैनंदिन कामे पूर्ववत करण्यासाठी आम्हा सगळ्यांना खूप कष्ट पडले, विशेषतः माझे आई, वडील आणि बहीण-भाऊ यांना. एक दृष्टिहीन स्त्री असून KBC मध्ये मी मिळवलेल्या यशामुळे माझ्यासारख्या अनेक लोकांना आशेची उभारी मिळेल. अनेक दिव्यांग विद्यार्थ्यांना शाळा-कॉलेजात प्रवेश तर मिळतो, पण अशा मुलांकडून सरकारी स्पर्धा परीक्षांसाठी तयारी करून घेणार्‍या शिक्षण संस्था आपल्याकडे नाहीत. मी जे पैसे इथे जिंकले आहे, त्यातून अशा दिव्यांग मुलांसाठी सरकारी स्पर्धा परीक्षांची तयारी करून घेणारी एक कोचिंग अकादमी सुरू करण्याचा माझा मानस आहे.”
