सांगली जिल्ह्यातील शिगाव वाळवा तालुक्यातील शिंगावच्या सुपुत्राला दहशतवाद्यांशी लढताना वीरमरण आलं. 23 वर्षीय रोमित तानाजी चव्हाण (Romit Chavhan) जम्मू काश्मीर येथे देशसेवा बजावत असताना शहीद झाले.
1 / 10
जम्मू काश्मीर येथील शोपिया या भागामध्ये दहशतवादी आल्याची माहिती मिळाली होती. सर्च ऑपरेशन कारवाईच्या वेळी लपून बसलेल्या दहशतवाद्यांनी गोळीबार केला. त्यामध्ये सांगलीतील शिंगाव सुपुत्र, 1 राष्ट्रीय रायफलचे जवान रोमित तानाजी चव्हाण हे दहशतवाद्यांशी लढताना शहीद झाले.
2 / 10
सांगलीच्या सुपुत्राला अखेरचा निरोप देण्यासाठी जनसागर उसळला होता. शिंगावमध्ये रोमित चव्हाण यांच्या अंत्यदर्शनासाठी मोठ्या प्रमाणात गावकरी जमले होते.
3 / 10
रोमित चव्हाण यांचे फोटो असलेले बॅनर गावात ठिकठिकाणी छापण्यात आले होते. रोम्या भावा, तुझी नेहमी आठवण येईल, असे संदेश त्यांच्या मित्रांनी पोस्टरवर लिहिले आहेत.
4 / 10
शहीद रोमित चव्हाण यांचे पार्थिव काल (20 फेब्रुवारी) रात्री पुणे येथून इस्लामपूरला आणण्यात आले. त्यानंतर आज (21 फेब्रुवारी) सकाळी 6 वाजता त्यांच्या मूळगावी शिगाव येथील राहत्या घरी पार्थिव अंत्यदर्शनासाठी ठेवण्यात आले होते. सकाळी स्मशानभूमीत त्यांच्या पार्थिवावर शासकीय इतमामात अंत्यसंस्कार करण्यात आले.
5 / 10
पाच वर्षांपूर्वी रोमित मुंबई येथे सैन्य दलात भरती झाले होते. त्यानंतर मध्यप्रदेश येथील सागर येथे महार रेजिमेंटल सेंटरवर त्यांचे एक वर्ष ट्रेंनिग झाले होते. तिथून त्यांच्या देशसेवेला सुरुवात झाली होती.
6 / 10
जम्मू काश्मीर येथील शोपिया भागात दहशतवादी लपून बसल्याची माहिती भारतीय सैन्याला समजली. त्यानंतर या भागात घेराबंदी करून सर्च ऑपरेशन करण्यात आले होते. यावेळी लपून बसलेल्या दहशतवाद्यांनी जवानांवर गोळीबार सुरु केला. शिगाव येथील रोमित चव्हाण आणि उत्तर प्रदेश येथील संतोष यादव हे जवान शहीद झाले.
7 / 10
रोमितचे वडील तानाजी चव्हाण हे सांगलीतील राजारामबापू पाटील साखर कारखाना येथे कार्यरत आहेत. आई गृहिणी आहे तर धाकटी बहीण शिक्षण घेत आहे.
8 / 10
शिगाव गावासह पंचक्रोशीत ही बातमी पसरताच गावावर शोककळा पसरली आहे.. या घटनेमुळे परिवारावर दुःखाचा डोंगर कोसळला आहे
9 / 10
सकाळी स्मशानभूमीत त्यांच्या पार्थिवावर शासकीय इतमामात अंत्यसंस्कार करण्यात आले.
