नितीश कुमार

बिहार विधानसभेचा निकाल लागला असून एनडीएला स्पष्ट बहुमत मिळालं आहे. भाजपासह जेडीयूने या निवडणुकीत जोरदार मुसंडी मारली आहे. तर, या निवडणुकीत आरजेडी आणि कॉंग्रेसचा धुव्वा उडाला आहे. राज्यात पुन्हा एकदा एनडीएचा मुख्यमंत्री होणार आहे. पुन्हा एकदा बिहारचे मुख्यमंत्री म्हणून नितीशकुमार यांच्याच गळ्यात माळ पडण्याची शक्यता वर्तवली जात आहे. नितीशकुमारांच्या जेडीयूकडून मुख्यमंत्रिपदासाठी दावाही केला जात आहे. म्हणूनच एनडीएचा मुख्यमंत्री कोण होणार हे पाहण्यासारखे ठरणार आहे. 2020 च्या निवडणुकीत नितीशकुमार पुन्हा मुख्यमंत्री झाले होते. 2022 मध्ये ते पुन्हा एनडीए सोडून महाआघाडीत सामील होऊन मुख्यमंत्री झाले होते. जानेवारी 2024 मध्ये नितीशकुमार यांनी पुन्हा एकदा महाआघाडी सोडली आणि भाजपसोबत हातमिळवणी केली आणि नवव्यांदा मुख्यमंत्री बनले. आता बिहारचे मुख्यमंत्री म्हणून 10 व्यादा ते शपथ घेऊ शकतात.