पिंपरी चिंचवड महापालिका निवडणूक 2022

पिंपरी चिंचवड महापालिकेत एकूण 139 नगरसेवकांची संख्या आहे. यावेळी महापालिका निवडणुकीत अनुसूचित जातीसाठी 22, अनुसूचित जमातीसाठी 3 आणि महिलांसाठी 57 जागा राखीव आहेत. महापालिकेतील प्रभागांची संख्या 46 आहे. यात तीन सदस्यीय प्रभाग 45 आहेत. तर चार सदस्यीय प्रभाग एक आहे. पिंपरी चिंचवडची लोकसंख्या एकूण 17,27,692 इतकी आहे. त्यात अनुसूचित जातीची लोकसंख्या 2,73,810 एवढी असून अनुसूचित जमातीची लोकसंख्या 36,535 इतकी आहे. महापालिकेत भाजपची सत्ता आहे. महापालिकेचे आयुक्त म्हणून राजेश पाटील हे कार्यभार सांभाळत आहेत.