बदलापूर न्यूज

ठाणे जिल्ह्यातील बदलापूर येथील एका शाळेत दोन चिमुकल्या मुलींवर अत्याचार करण्यात आला. शाळेतील सफाई कर्मचाऱ्याने हा अत्याचार केल्याने नागरिकांमधून संताप व्यक्त करण्यात आला. या घटनेच्या निषेधार्थ बदलापूर शहर बंद ठेवण्यात आलं होतं. तसेच नागरिकांनी रेल्वेरोको करत आपला संतापही व्यक्त केला आहे. मुख्यमंत्री एकनाथ शिंदे यांनी या घटनेची गंभीर दखल घेऊन आरोपीला कठोर शिक्षा देणार असल्याचं म्हटलं आहे. तसेच हे प्रकरण फास्ट ट्रॅक कोर्टात चालवणार असल्याचंही त्यांनी स्पष्ट केलं आहे.