मुंबई क्रिकेट असोसिएशन

मुंबई क्रिकेट असोसिएशनची स्थापना 1930 मध्ये करण्यात आली आहे. मुंबई आणि आसपासच्या भागात मुंबई क्रिकेट असोसिएशनचं अधिकार क्षेत्र आहे. डॉ. एच डी कांगा हे मुंबई क्रिकेट असोसिएशनचे पहिले अध्यक्ष होते. शरद पवार, आशिष शेलार, दिवंगत मनोहर जोशी, दिवंगत विलासराव देशमुख या राजकीय नेत्यांनी एमसीएचं अध्यक्षपद भूषवलं आहे. मुंबई क्रिकेट असोसिएशनच्या अध्यक्षपदी अजिंक्य नाईक यांची निवड झाली आहे. असोसिएशनचे कामकाज एका सर्वोच्च परिषदेद्वारे चालवले जाते ज्याची निवड दर तीन वर्षांनी 350 सदस्यीय क्लब असलेल्या जनरल बॉडीद्वारे केली जाते. असोसिएशनमध्ये कोणतेही वैयक्तिक सदस्य नसतात. मुंबई क्रिकेट असोसिएशनच्या अधिपत्याखाली असलेल्या मुंबई संघाने 41 वेळा रणजी ट्रॉफीवर नाव कोरलं आहे.