मुलुंड विधानसभा निवडणूक निकाल 2024

मुलुंड विधानसभा मतदारसंघात एकूण 289 मतदान केंद्र आहेत. मुलुंड पूर्वेकडील नवघर, मिठागर, गव्हाणपाडा, निर्मलनगर हा परिसर येतो. तर पश्चिमेकडे संजय गांधी राष्ट्रीय उद्यान ते मुलुंड कॉलनीपर्यंत मुलुंडचा विस्तार झाला आहे. मुलुंडमध्ये मराठीसोबतच गुजराती आणि उत्तर भारतीय मतदारांची संख्या जास्त आहे. मुलुंडचा बराचसा भाग हा जंगलानं वेढलेला आहे. त्यासोबतच वर्षानुवर्षे मुलुंडमध्ये राहणारे रहिवाशी हे डम्पिंग ग्राऊंडला कंटाळले आहेत. याठिकाणी गुजरात आणि मराठी असा भाषिक वाद अनेक वर्षांपासून आहे.

मुलुंडची राजकीय समीकरणे

मुलुंड विधानसभा मतदारसंघात 1967 आणि 1972 या काळात काँग्रेसची सत्ता होती. त्यानंतर 1978 मध्ये जनता पार्टीने या मतदारसंघातून विजय मिळवत मतदारसंघ काबीज केला. पण त्यानंतर 1980 आणि 1985 मध्ये झालेल्या विधानसभा निवडणुकीत काँग्रेसने पुन्हा ताकद लावत मतदारसंघ खेचून आणला. यानंतर 1990 ला वामनराव परब यांनी भाजपमधून निवडणूक लढत बाजी मारली. यापाठोपाठ 1995 मध्ये किरीट सोमय्या हे मुलुंडमधून आमदार म्हणून निवडून आले. यानतंर 1999 ते 2014 या काळात सरदार तारा सिंग हे सलग चार टर्म आमदार म्हणून निवडून आले. यानंतर 2019 मध्ये झालेल्या विधानसभा निवडणुकीवेळी प्रकृतीच्या कारणामुळे त्यांनी ही जागा लढवली नाही. त्यामुळे 2019 मध्ये मिहीर कोटेचा यांनी या जागेवरुन निवडणूक लढवली आणि जिंकूनही आले.

या मतदारसंघात एकूण २८९ मतदारसंघ आहेत. हा खुला मतदारसंघ आहे. या मतदारसंघात २ लाख ९८ हजार २४२ मतदार आहेत. त्यात पुरुष मतदारांची संख्या १ लाख ५५ हजार ९०३ इतकी आहे. तर महिला मतदारांची संख्या १ लाख ४२ हजार ३३६ इतकी आहे. या निवडणुकीत मुलुंड विधानसभा मतदारसंघातून कोण बाजी मारणार हे पाहणं औत्सुक्याचे ठरणार आहे.