श्रीरामपूर विधानसभा निवडणूक निकाल 2024

महाराष्ट्रातील विधानसभा निवडणुकीच्या पार्श्वभूमीवर राजकीय हालचाली वेगाने वाढल्या आहेत. राज्यातील २८८ विधानसभा जागांपैकी अनेक जागांवर सर्वांचं लक्ष लागलेलं आहे, त्यात श्रीरामपूर विधानसभा मतदारसंघाचंही महत्त्वाचं स्थान आहे. हा मतदारसंघ अहमदनगर जिल्ह्यात स्थित आहे आणि अनुसूचित जातीसाठी आरक्षित आहे. यंदाच्या निवडणुकीत एकाच टप्प्यात २० नोव्हेंबरला मतदान होणार आहे, तर निकाल २३ नोव्हेंबरला जाहीर होणार आहेत.

यावेळी राज्यात दोन मुख्य राजकीय आघाड्यांमध्ये लढत होणार आहे. एका बाजूला शिंदे गटाची शिवसेना, भारतीय जनता पार्टी (BJP) आणि अजित पवार गटाची राष्ट्रवादी काँग्रेस (NCP) आहेत, तर दुसऱ्या बाजूला काँग्रेस, उद्धव ठाकरे गटाची शिवसेना आणि शरद पवार गटाची राष्ट्रवादी काँग्रेस यांचा समावेश आहे. निवडणूक नामांकनाची शेवटची तारीख संपल्यानंतर प्रचाराचा धडाका सुरू झाला आहे.

२०१९ मध्ये कोण जिंकलं ?

२०१९ च्या विधानसभा निवडणुकीत काँग्रेसचे उमेदवार लहू कानडे यांनी विजय मिळवला होता. काँग्रेसला ५० टक्क्यांपेक्षा जास्त मते मिळाली होती. या निवडणुकीत पराभव आणि विजय यामधील फरक १० टक्क्यांपेक्षा अधिक होता. दुसऱ्या क्रमांकावर शिवसेना होती. शिवसेनेने भाऊसाहेब मल्हारी कांबळे यांना उमेदवारी दिली होती, पण ते निवडणूक जिंकू शकले नाहीत. त्यांना ७४,९१२ मते मिळाली होती, तर काँग्रेसचे उमेदवार लहू कानडे यांना ९३,९०६ मते मिळाली होती.

२०१४ मध्ये कोणी मारील बाजी ?

२०१४ च्या विधानसभा निवडणुकीत काँग्रेसने भाऊसाहेब मल्हारी कांबळे यांना उमेदवारी दिली होती. त्यांना ५७,११८ मते मिळाली होती. या निवडणुकीत भाजपच्या तिकीटावर वाकचौरे भाऊसाहेब राजाराम हे दुसऱ्या क्रमांकावर होते, त्यांना ४५,६३४ मते मिळाली होती. शिवसेनेचे उमेदवार लहू कानडे हे तिसऱ्या क्रमांकावर होते, त्यांना ३७,५८० मते मिळाली होती.