फेस्टिव्हल ऑफ इंडिया 2024

'टीव्ही9 फेस्टिव्हल ऑफ इंडिया'च्या दुसऱ्या पर्वाला सुरुवात झाली आहे. हा महोत्सव उत्साह, सांस्कृतिक वैविध्यतेचं दर्शन घडवणारा आहे. यंदा हा उत्सव 9 ऑक्टोबर ते 13 ऑक्टोबर 2024पर्यंत चालणार आहे. तब्बल पाच दिवस हा उत्सव चालणार आहे. पाच दिवस चालणारा हा महोत्सव दिल्लीकरांसाठी मोठी पर्वणीच ठरणार आहे. दिल्लीच्या इंडिया गेटजवळील मेजर ध्यानचंद स्टेडियममध्ये या उत्सवाचा आनंद लुटता येणार आहे. हा महोत्सव अनेक लाइव्ह परफॉर्मन्स आणि संस्मरणी मनोरंजक क्षणांचा ठेवा ठरणारा आहे. या महोत्सवाच्या माध्यमातून तुम्हाला वैश्विक लाइफस्टाईलशीही परिचित होता येणार आहे. या महोत्सवात मनाजोग्या खरेदीचा आनंदही लुटता येणार आहे. सोबतच आंतरराष्ट्रीय प्रदर्शने, रुचकर पदार्थ, लाइव्ह संगीत आणि 250 हून अधिक स्टॉलवर बरंच काही पाहायला, खरेदी करायला मिळणार आहे. गेल्या वर्षी या महोत्सवाची संपूर्ण शहरात प्रचंड क्रेझ निर्माण झाली होती. यावेळी पुन्हा एकदा हा महोत्सव धुमाकूळ घालण्यासाठी आला आहे. टीव्ही9 फेस्टव्हल ऑफ इंडिया पुन्हा एकदा दिल्लीतील सर्वात उंच दुर्गा पूजा मंडपा उभारणार आहे. या ठिकाणी दुर्गा पूजेचा सार आणि माँ दुर्गेची महिमा दाखवली जाणार आहे.