ग्लोबल समिट 2025

न्यूज9 ग्लोबल समिट (News9 Global Summit)चं दुसरं पर्व आज 19 जून 2025 पासून दुबईत सुरू होत आहे. दुबईच्या ताज दुबई हॉटेलात या समिटचं आयोजन करण्यात आलं आहे. या समिटमध्ये भारत-यूएई दरम्यान वेगाने वाढणाऱ्या भागिदारीच्या प्रमुख मुद्द्यांवर फोकस असणार आहे. ”भारत-यूएई: समृद्धी आणि प्रगतीसाठी भागिदारी” या थीमवर ही समिट होणार आहे. केंद्रीय गृहनिर्माण आणि शहरविकास तसंच पेट्रोलियम आणि नैसर्गीक वायूमंत्री मंत्री हरदीप सिंह पुरी, बॉलिवूड स्टार सुनील शेट्टी, आघाडीच्या टीव्ही दिग्दर्शिका एकता कपूर आणि प्रतिभावंत अभिनेत्री नरगिस फाकरी या समिटमध्ये प्रमुख अतिथी म्हणून उपस्थित राहणार आहेत. न्यूज9चे पहिले आंतरराष्ट्रीय समिट नोव्हेंबर 2024मध्ये जर्मनीत आयोजित करण्यात आलं होतं. त्यानंतरची ही दुसरी आंतरराष्ट्रीय समिट आहे. जर्मनीच्या समिटमध्ये पंतप्रधान नरेंद्र मोदी यांचं मुख्य संबोधन झालं होतं.