केपी शर्मा ओली

के.पी. शर्मा ओली हे नेपाळमधील ज्येष्ठ नेते असून ते चार वेळा पंतप्रधान राहिलेले आहेत. त्यांचा जन्म 22 फेब्रुवारी 1952 रोजी पूर्व नेपाळमधील तेहरिथम जिल्ह्यातील इवा गावात एका साध्या कुटुंबात झाला. त्यांची राजकीय कारकीर्द 1966 मध्ये सुरू झाली. सरुवातीला त्यांनी कम्युनिस्ट चळवळीत सहभाग घेतला होता. 1968 मध्ये पूर्णवेळ कार्यकर्ते झाल्यानंतर ते पंचायत व्यवस्थेविरुद्ध सक्रिय झाले. यामुळे त्यांना 14 वर्षे तुरुंगवास भोगावा लागला. 1994-95 मध्ये गृहमंत्री होते. 2006-07 मध्ये ते उपपंतप्रधान आणि परराष्ट्र मंत्री होते. ऑक्टोबर 2015 मध्ये ते नेपाळचे पंतप्रधान बनले. आतापर्यंत ते 4 वेळा पंतप्रधान बनले आहेत. मात्र नागरिकांच्या आंदोलनामुळे 9 सप्टेंबर 2025 रोजी त्यांनी राजीनामा दिला.