ऑक्टोबरच्या गुलाबी थंडीत करा राजस्थान फिरण्याचा बेत, लाँग वीकेंडसाठी ही ५ ठिकाणं ठरतील परफेक्ट डेस्टिनेशन
ऑक्टोबरमध्ये वातावरण छान आणि आल्हाददायक असते. येणाऱ्या लाँग वीकेंडला फिरण्याचा प्लॅन करत असाल, तर राजस्थानला नक्की भेट देऊ शकता. सुंदर किल्ले, राजवाडे, तलाव आणि ऐतिहासिक ठिकाणांचा आनंद घेण्यासाठी राजस्थानमधील ही ५ ठिकाणं तुमच्या ट्रिपसाठी खास पर्याय ठरू शकतात.
ऑक्टोबर महिन्यात दोन मोठे वीकेंड आहेत. महिन्याची सुरुवातच जणू वीकेंडला होत आहे. पहिला मोठा वीकेंड गांधी जयंतीच्या दिवशी येत आहे. २ ऑक्टोबरची गांधी जयंती यावेळी शुक्रवारी येत आहे. तर ही सुट्टी रविवार, ४ ऑक्टोबरपर्यंत असेल. दुसरा मोठा वीकेंड दसऱ्याच्या दिवशी येत आहे. दसरा शुक्रवार, ९ ऑक्टोबर आणि रविवार, ११ ऑक्टोबर रोजी आहे, ज्यामुळे तीन दिवसांची छान सुट्टी मिळत आहे. हे दोन्ही वीकेंड फिरायला जाण्यासाठी उत्तम आहेत.
ऑक्टोबर महिन्याच्या आल्हाददायक वातावरणात तुम्ही राजस्थानला जाण्याचे प्लॅन करू शकता. राजस्थानची ही ५ ठिकाणं फिरण्यासाठी परफेक्ट डेस्टिनेशन ठरतील.
बुंदी
हे ठिकाण त्याच्या वास्तुकलेसाठी, शांत वातावरणासाठी प्रसिद्ध आहे. चांगली गोष्ट म्हणजे येथे पर्यटकांची गर्दी कमी असते. फोटोग्राफी लव्हर्ससाठी हे ठिकाण उत्तम मानले जाते. हे राजस्थानमधील अशा शहरांपैकी एक आहे, जिथे तुम्हाला मोठ्या पर्यटन स्थळांपेक्षा थोडे वेगळे, जुने आणि ऑथेंटिक राजस्थान पाहायला मिळेल. शहराचे निळे रस्ते, जुने राजवाडे, बावड्या, डोंगरी किल्ला ही त्याची खास वैशिष्ट्ये आहेत. डोंगरावर वसलेला तारागड किल्ला, बुंदी आणि आजूबाजूच्या परिसराची विहंगम दृश्ये पाहण्यासाठी उत्कृष्ट आहे. येथे फिरताना योग्य वॉकिंग शूज सोबत ठेवा.
भरतपूर
हे ठिकाण वन्यजीव, पक्षी निरीक्षण, निसर्गभ्रमण आणि फॅमिली ट्रीपसाठी बेस्ट मानले जाते. केवलादेव राष्ट्रीय उद्यान हे येथील मुख्य आकर्षण आहे, जे पक्षी निरीक्षणासाठी प्रसिद्ध आहे. या भागात भेट देत असल्यास, सकाळी लवकर पोहोचा आणि सायकलिंग, चालणे किंवा सायकल रिक्षा यांपैकी पर्याय निवडा. ऑक्टोबर महिन्यात विंटर बर्ड सीझनची सुरुवात होते, त्यामुळे या भागाला भेट देण्यासाठी हा एक आदर्श महिना आहे.
अलवर
फिरण्यासाठी अलवर हे एक उत्तम ठिकाण आहे. येथे तुम्ही विविध किल्ले, वन्यजीव आणि तलाव पाहू शकता. टेकडीवर वसलेला भव्य बाला किल्ला पाहण्यासारखा आहे. येथून तुम्ही अलवरच्या आजूबाजूचा परिसर पाहू शकता. जर तुम्हाला कमी वेळात राजस्थानचा अनुभव घ्यायचा असेल, तर हे एक चांगले ठिकाण आहे.
जैसलमेर
वाळवंट, किल्ले, कॅम्पिंग आणि सनसेटचा आनंद घेण्यासाठी हे एक उत्तम ठिकाण आहे. राजस्थानच्या शाही जीवनाचा अनुभव घेण्यासाठी हे सर्वोत्तम ठिकाण मानले जाते. शहराच्या मध्यभागी असलेला भव्य जैसलमेर किल्ला पाहण्यासारखा आहे. येथील तलाव सकाळच्या किंवा संध्याकाळच्या फेरफटका मारण्यासाठी सर्वोत्तम आहे. याव्यतिरिक्त डेझर्ट कॅम्पमध्ये तुम्ही उंट सफारी, जीप सफारी, सनसेट, राजस्थानी नृत्य आणि पारंपरिक खाद्यपदार्थांचा आनंद घेऊ शकता. सकाळच्या तुलनेत संध्याकाळी वाळवंटातील तापमान लक्षणीयरीत्या कमी होते, त्यामुळे सोबत एक हलके जॅकेट आणि शाल नक्की ठेवा.
उदयपूर
आपल्या प्रिय व्यक्तीसोबत भेट देण्यासाठी हे एक उत्तम ठिकाण आहे. तलाव आणि राजवाडे पाहण्यासाठी, तसेच राजस्थानी खाद्यपदार्थांचा आस्वाद घेण्यासाठी हे कपल्ससाठी आणि कुटुंबांसाठी एक उत्तम ठिकाण आहे. सिटी पॅलेस हे उदयपूरच्या सर्वात प्रसिद्ध आकर्षणांपैकी एक आहे.
