आजीच्या डोळ्यांदेखत रुग्णालयातून बाळाला पळवून नेलं; सीसीटीव्ही फुटेजच्याआधारे पोलिसांचा शोध सुरु

भोपाळ : मध्य प्रदेशात (Madhya Pradesh) एका महिलेने आजीच्या डोळ्यादेखत नवजात बाळाला पळवून (New Born Baby Stolen) नेल्याची घटना समोर आली आहे. ही महिला मोठ्या चलाखीने बाळाच्या आजीसमोरुन त्याला घेऊन पसार झाली. या घटनाचा सीसीटीव्ही फुटेज सध्या समोर आलं आहे. त्याआधारे पोलीस पुढील तपास करत आहेत (New Born Baby Stolen).

मध्य प्रदेशातील इंदूर येथील महाराजा यशवंतराव रुग्णालयात ही घटना घडली. 15 नोव्हेंबरला दिवसाढवळ्या रुग्णालयात घडलेल्या या प्रकाराने परिसरात संताप व्यक्त केला जात आहे.

इंदूरचे एसपी विजय खत्री यांनी दिलेल्या माहितीनुसार, त्या बाळ चोरणाऱ्या महिलेने आजीला सांगितलं की बाळाचे हृदयाचे ठोके अस्थिर वाटत आहे. हे ऐकल्यावर आजी घाबरली. महिलेने बाळाला तपासणीसाठी घेवून जायला हवं असं सांगितलं. त्यामुळे आजी त्या महिलेसोबत तपासणीसाठी निघाली. मात्र, वाटेतच महिला बाळाला घेवून पसार झाली.

#WATCH Madhya Pradesh: A newborn child was allegedly stolen by a woman from Maharaja Yeshwantrao Hospital in Indore on 15th November. An FIR has been registered. (Source: CCTV footage) pic.twitter.com/3sjJ6ueQQq

— ANI (@ANI) November 16, 2020

या घटनेचा एक सीसीटीव्ही व्हिडीओ पोलिसांना मिळाला आहे. यामध्ये महिला बाळाला घेवून रुग्णालयात उभी आहे. बाळाची आजीही तिच्यासोबत आहे. दोघीही रुग्णलायात सोबत चालताना आणि बोलताना दिसत आहे. मात्र, यानंतर नेमकं कुठून ती महिला या बाळाला घेवून पळाली हे सीसीटीव्हीत आलेलं नाही (New Born Baby Stolen).

याप्रकरणी पोलिसांत तक्रार दाखल करण्यात आली आहे. सीसीटीव्ही फुटेजच्या आधारे पोलीस त्या महिलेला शोधण्याचा प्रयत्न करत आहे.

मुंबईत मिठाई देतो सांगून व्यापाऱ्याला लुटलं, दोघांना अटक, तर एक चोर धारदार चॉपर दाखवून फरारhttps://t.co/lGiAW9Fute#Mumbai #Robbery #Thief

— TV9 Marathi (@TV9Marathi) November 12, 2020

New Born Baby Stolen

संबंधित बातम्या :

कल्याणमधील थरार! बंदुकीचा धाक दाखवत ज्वेलर्स दुकानावर दरोडा, 30 तोळे सोन्यासह दीड लाखांची रोकड लंपास

बारामती पोलिसांची दमदार कामगिरी, विविध गुन्ह्यातील सराईत आरोपींना अटक, 14 लाखांचा मुद्देमाल जप्त