Delhi Crime : दिल्ली आंतरराष्ट्रीय विमानतळावर बंदुकांनी भरलेल्या बॅगा जप्त, व्हिएतनामहून आलेल्या जोडप्याला अटक
हे जोडपे व्हिएतनामहून दिल्लीतील इंदिरा गांधी आंतरराष्ट्रीय विमानतळावर उतरले. विमानतळावर तपासणी करताना त्यांच्याकडील बॅगांमध्ये बंदुका आढळल्या. दोन ट्रॉली बॅग या जोडप्याकडे होत्या. या दोन्ही बॅगांमध्ये मिळून 45 बंदुका होत्या.
दिल्ली : व्हिएतनामहून आलेल्या एका भारतीय जोडप्याला बंदुकां (Guns)सह दिल्लीतील इंदिरा गांधी आंतरराष्ट्रीय विमानतळ (Indira Gandhi International Airport)वर अटक (Arrest) करण्यात आली आहे. त्यांच्याकडून दोन ट्रॉली बॅगमधून 22 लाख रुपये किंमतीच्या 45 बंदुका जप्त करण्यात आल्या आहेत. याआधी 12 लाख रुपयांपेक्षा जास्त किमतीच्या 25 बंदुकांच्या तस्करीत त्यांचा पूर्वीचा सहभाग असल्याचे कबूल केले असल्याचे इंदिरा गांधी आंतरराष्ट्रीय विमानतळ आणि जनरलच्या सीमाशुल्क आयुक्तांनी सांगितले. सीमाशुल्क विभागाने या जोडप्याला अटक केले असून पुढील कारवाई करत आहेत.
Delhi | An Indian couple that arrived from Vietnam was nabbed & 45 guns worth over Rs 22 lakh from two trolley bags seized. They admitted their previous indulgence in smuggling 25 pieces of guns having a value of over Rs 12 lakh: Commissioner of Customs, IGI Airport & General pic.twitter.com/TvjNbJt5yA
— ANI (@ANI) July 13, 2022
दोन ट्रॉली बॅगांतून 45 बंदुका जप्त
बॅलेस्टिक्स अहवालानंतर या बंदुका खऱ्या आहेत की नकली ते स्पष्ट होईल, असे कस्टम अधिकाऱ्यांनी सांगितले. अटक करण्यात आलेल्या जोडप्याची अद्याप कळू शकली नाही. हे जोडपे व्हिएतनामहून दिल्लीतील इंदिरा गांधी आंतरराष्ट्रीय विमानतळावर उतरले. विमानतळावर तपासणी करताना त्यांच्याकडील बॅगांमध्ये बंदुका आढळल्या. दोन ट्रॉली बॅग या जोडप्याकडे होत्या. या दोन्ही बॅगांमध्ये मिळून 45 बंदुका होत्या. कस्टम विभागाने या बंदुका जप्त केल्या आहेत. या जोडप्याने व्हिएतनाममधून या बंदुका कुणाकडून घेतल्या आणि भारतात कोणाला ही शस्त्र सुपूर्द करणार होते, याबाबत कस्टम अधिकारी चौकशी करत आहेत. तसेच एवढ्या प्रमाणावर शस्त्र घेऊन हे जोडपे व्हिएतनाममधून भारतापर्यंत कसे पोहचले.
कस्टम अधिकाऱ्यांकडून जोडप्याची कसून चौकशी सुरु
हे जोडपे मूळचे कुठले आहे ? व्हिएतनाममधून भारतात एवढा शस्त्रसाठा आणण्यात यशस्वी कसे झाले ? त्यांनी व्हिएतनामच्या विमानतळावर सुरक्षा अधिकाऱ्यांना कसे चकवले ? विमानतळावर देखील तपासात अधिकाऱ्यांना या बंदुका कशा आढळल्या नाहीत ? तसेच या बंदुका खऱ्या आहेत की खोट्या या सर्व बाबींचा तपास करत आहेत. कस्टम अधिकारी दोघा पती-पत्नीची चौकशी करत आहेत. (Bags loaded with guns were seized from a couple from Vietnam at Delhi International Airport)
