चेहरा आणि केस निरोगी ठेवण्याचा टू-इन-वन फॉर्म्युला, जाणून घ्या कॉफीचे लाभदायी फायदे

चेहरा आणि केस निरोगी ठेवण्याचा टू-इन-वन फॉर्म्युला, जाणून घ्या कॉफीचे लाभदायी फायदे (two-in-one formula for keeping face and hair healthy)

  • टीव्ही 9 मराठी डिजीटल टीम
  • Published On - 11:21 AM, 23 Feb 2021
चेहरा आणि केस निरोगी ठेवण्याचा टू-इन-वन फॉर्म्युला, जाणून घ्या कॉफीचे लाभदायी फायदे
चेहरा आणि केस निरोगी ठेवण्याचा टू-इन-वन फॉर्म्युला

मु्ंबई : आपला चेहरा आणि केस सौंदर्याच्या बाबतीत महत्त्वपूर्ण भूमिका बजावतात. परंतु आजच्या खराब जीवनशैलीमुळे केस गळणे, निर्जीव होणे हे अगदी लहान वयातच सुरू होते. याशिवाय चेहऱ्यावर मुरुम आणि पिगमेंटेशनसारख्या अनेक समस्या उद्भवतात. ज्याचा तुमच्या सौंदर्यावर परिणाम होतो. जर अशी काही समस्या तुम्हालाही असेल आणि अनेक उपाय करूनही उपयोग झाला असेल तर कॉफीने बनविलेले हेअर मास्क आणि फेस पॅक वापरुन पहा. हे केस आणि चेहरा दोन्ही निरोगी आणि चांगले ठेवण्यासाठी कार्य करेल. (two-in-one formula for keeping face and hair healthy)

असे बनवा हेअर मास्क?

हेअर पॅक बनवण्यासाठी, एक चतुर्थांश कप नारळाच्या तेलाला कमी तपमानावर गरम करा आणि त्यात एक चमचा भाजलेले कॉफी बीन्स घाला. यानंतर हे केसांवर लावा. हे पॅक वापरण्यापूर्वी केस धुवा. सुमारे एक तासासाठी पॅक लावा. यानंतर सौम्य शॅम्पूने डोके धुवा. यामुळे केस पुन्हा निरोगी दिसू लागतील. तसेच केस गळण्याची समस्याही कमी होईल. आपण आठवड्यातून दोनदा ते वापरू शकता.

हा मास्कही ठरेल लाभदायी

एक चमचा मध आणि कॉफी पावडर घ्या आणि ते ऑलिव्ह ऑईलमध्ये चांगले मिसळा आणि ते आपल्या केसांच्या मुळांना लावा आणि कमीत कमी अर्धा तास ठेवा. यानंतर केस शॅम्पूने धुवा. हे पॅक आपले केस हायड्रेटेड ठेवते, तसेच केसांची वाढ सुधारण्यास मदत करते.

फेस पॅक कसे बनवाल?

फेस पॅक बनविण्यासाठी कॉफी पावडर एक चमचा मधात व्यवस्थित मिसळा आणि हातांनी हलक्या हाताने मसाज करा. यानंतर 15 ते 20 मिनिटांसाठी पॅक चेहऱ्यावर ठेवा. मग आपले तोंड धुवा. खरं तर, कॉफीमध्ये अँटीऑक्सिडंट्स आढळतात, तसेच यामध्ये अँटी एजिंग गुणधर्म देखील असतात. ज्यामुळे आपली त्वचा चमकदार बनते आणि चेहर्‍यावरील सुरकुत्याची समस्या दूर होते. कॉफी सूर्याच्या हानिकारक यूव्हीबी किरणांपासून देखील संरक्षण करते. कॉफी फेसपॅकमध्ये मध घालण्याने त्याची गुणवत्ता आणखी वाढते कारण मध त्वचेला अँटीसेप्टिक, अँटी-इंफ्लेमेट्री, अँटी-एलर्जिक आणि क्लींजिंगचे फायदे देते. यामुळे त्वचा खूप मऊ होते.

हे ही लक्षात ठेवा

1. कॉफी फेस पॅक वापरल्यानंतर काही वेळ घरातून बाहेर पडू नका अन्यथा धूळ आणि मातीचे कण आपल्या पॅकचा परिणाम कमी करतील.

2. फेसपॅक लावण्यापूर्वी तोंड पूर्णपणे स्वच्छ करा. जर तुमचा मेकअप असेल तर तो पूर्णपणे काढा.

3. कॉफी फेसपॅक वापरवल्यानंतर उरले असेल तर ते वापरु नका. कारण यामुळे बॅक्टेरिया होऊ शकतात. (two-in-one formula for keeping face and hair healthy)

 

 

संबंधित बातम्या

Fitness | वयाच्या 60व्या वर्षीही राहाल तंदुरुस्त, जाणून घ्या ‘या’ योगासनांबद्दल…

Wrinkles Problem | तरुण वयात चेहऱ्यावर सुरकुत्या येतायत? मग, ‘हे’ उपाय करून पाहा!