मोठी बातमी! हिंदू मुलींची पहिली डिलिव्हरी असते त्यावेळी…, कालीचरण महाराजांच्या आरोपाने मोठी खळबळ, वातावरण तापणार

कालीचरण महाराज हे कायमच कोणत्या नं कोणत्या कारणांमुळे चर्चेत असतात.  आता पुन्हा एकदा कालीचरण महाराज चर्चेत आले आहेत. त्यांनी पुन्हा एकदा वादग्रस्त वक्तव्य केलं आहे. डॉक्टर डिलिव्हरी जिहाद करत असल्याचा आरोप कालीचरण महाराज यांनी केला आहे. कालीचरण महाराज यांच्या आरोपामुळे खळबळ उडाली आहे. हिंदूंमध्ये सिझेरीयन केस जास्त, मग मुस्लिमांच्या बाबतीत का नाही? असा सवाल त्यांनी केलं आहे. पैशांसाठी डॉक्टरांकडून रचण्यात आलेलं हे एक षडयंत्र असल्याचा आरोपही कालीचरण महाराज यांनी केला आहे. कालीचरण महाराज यांच्या या विधानामुळे आता पुन्हा एकदा वातावरण तापण्याची शक्यता आहे.

पुण्याच्या दौंडमध्ये आयोजित हिंदू विराट सभेदरम्यान कालीचरण महाराज यांनी हे वादग्रस्त विधान केलं आहे.  डॉक्टरांकडून डिलिव्हरी जिहाद सुरू असल्याचा आरोप कालीचरण महाराज यांनी केला आहे. यामध्ये हिंदू डॉक्टरचं आघाडीवर आहेत, असंही ते म्हणाले आहेत.  हिंदू महिलांच्या डिलिव्हरीमध्ये सिझेरीयनचं प्रमाण जास्त असतं, मात्र मुस्लिम महिलांच्या डिलिव्हरीमध्ये ते तेवढं दिसून येत नाही असं कालीचरण महाराज यांनी म्हटलं आहे.

नेमकं काय म्हणाले कालीचरण महाराज? 

डिलिव्हरी जिहादमध्ये हिंदू डॉक्टर देखील सहभागी आहेत. हिंदू डॉक्टरांचाच जास्त सहभाग आहे. जर एखाद्या मुलिची पहिल्यांदा डिलव्हिरी असेल तर तर तिचं सिझेरियनच करतात. हिंदू बालकांच्या गळ्यातच त्याची नाळ कशी काय अडकते? हिंदू धर्मातील मुलंच का आडवे जन्माला येतात. हिंदूच्या मुलींच्याच बाबतीमध्ये सिझरियनचं प्रमाण जास्त का? मुस्लिम महिलांच्या डिलिव्हरीमध्ये सिझेरीयनचं प्रमाण कमी का आहे? हे डॉक्टरांकडून रचण्यात आलेलं एक षडयंत्रण आहे,  ज्याच्या माध्यमातून डॉक्टर जास्तीत जास्त पैसा कमवत आहेत, असं कालीचरण महाराज यांनी म्हटलं आहे.

पुन्हा वातावरण तापण्याची शक्यता  

दरम्यान कालीचरण महाराज यांच्या या विधानामुळे पुन्हा एकदा वातावरण तापण्याची शक्यता आहे. कालीचरण महाराज यांनी यावेळी थेट डॉक्टरांवरच आरोप केले आहेत. डिलिव्हरी जिहादमध्ये हिंदू डॉक्टर देखील सहभागी आहेत, असं त्यांनी म्हटलं आहे.