संडे हो या मंडे… निरोगी हृदयासाठी रोज किती अंडी खाणं फायदेशीर ?
अंडी हे प्रथिने आणि इतर पोषक तत्वांचा समृद्ध स्रोत असून त्यामुळे कोलेस्ट्रॉलची पातळीही वाढते. मात्र हे हृदयासाठी चांगले नसते.
संडे हो या मंडे, रोज खाओ अंडे... हे तर तुम्ही ऐकलं असेलच. अंडी खाणे आपल्या हृदयासाठी फायदेशीर ठरेल का असा प्रश्नही अनेकांच्या मनात निर्माण होतो. न्यूट्रिएंट्स जर्नलमध्ये प्रकाशित झालेल्या एका संशोधनानुसार, अंडी खाणे आपल्या हृदयाच्या आरोग्यासाठी अतिशय फायदेशीर आहे.
बोस्टन युनिव्हर्सिटीमध्ये झालेल्या एका संशोधनानुसार आठवड्यात 5 किंवा त्यापेक्षा जास्त अंडी खाल्ल्याने तुमचे हृदय निरोगी राहते. यामुळे, तुम्हाला रक्तदाब आणि टाइप 2 मधुमेहाचा धोकाही कमी असतो.
हे संशोधन 2300 लोकांवर करण्यात आले. अमेरिकन हार्ट असोसिएशनच्या मते, दररोज 2 अंडी खाणे आपल्या आरोग्यासाठी चांगले असते. अंडी ही प्रथिने आणि इतर पोषक तत्वांचा समृद्ध स्रोत आहेत. तसेच त्यामुळे कोलेस्ट्रॉलची पातळीही वाढते. मात्र हे हृदयासाठी चांगले नसते.
प्रोटीन्स केवळ हळूहळू पचत नाहीत तर ते ग्लुकोजचे शोषण देखील कमी करते. मधुमेहाच्या रुग्णांसाठी हे खूप फायदेशीर आहे. दिवसातून एक अंडे खाल्ल्याने रक्तातील साखरेमध्ये 4.4 टक्के लक्षणीय घट होते.
मात्र असे असले तरीही, आरोग्य तज्ज्ञ उकडलेले अंडे खाण्याचा सल्ला देतात. फ्राय केलेले अंडे खाल्ल्याने त्यातील पोषक तत्वे नष्ट होतात. अंडी ही चांगल्या कोलेस्ट्रॉलची पातळी राखतात.