“जूहीने माझ्यावर कधी प्रेमच केलं नव्हतं”; घटस्फोटानंतर ‘तारक मेहता..’ फेम अभिनेत्याचं वक्तव्य चर्चेत
'तारक मेहता का उल्टा चष्मा' या मालिकेत तारक मेहताची भूमिका साकारणारा अभिनेता सचिन श्रॉफ काही महिन्यांपूर्वीच दुसऱ्यांदा लग्नबंधनात अडकला. सचिनने अभिनेत्री जूही परमारशी पहिलं लग्न केलं होतं. लग्नाच्या ९ वर्षांनंतर त्यांनी घटस्फोट घेतला.
टीव्ही अभिनेता सचिन श्रॉफ आणि अभिनेत्री जूही परमार यांनी 2009 मध्ये लग्न केलं होतं. या दोघांना समायरा ही मुलगी आहे. मात्र लग्नाच्या नऊ वर्षांनंतर दोघं विभक्त झाले.
सचिन श्रॉफने एका मुलाखतीत म्हटलं होतं की परस्पर संमतीने त्यांनी घटस्फोट घेतला आहे. घटस्फोटानंतर मुलगी समायराचा ताबा जूहीला मिळाला. तर सचिनने काही महिन्यांपूर्वीच दुसरं लग्न केलं.
सचिनने म्हटलं होतं की त्याने जूहीसोबतचं लग्न टिकवण्यासाठी बरेच प्रयत्न केले होते. "पण तिने माझ्यावर कधी प्रेमच केलं नव्हतं", असं तो म्हणाला. सचिनच्या या वक्तव्यावरून जूहीने राग व्यक्त केला होता.
"जर प्रेम नसतं तर लग्नात नऊ वर्षे पण टिकली नसती, बाळाला जन्म दिला नसता. त्याने मला नेहमीच चुकीचं समजून घेतलंय. माझ्या प्रामाणिकतेवर त्याने प्रश्न उपस्थित केला आणि सर्वांसमोर माझा अपमान केला", असं उत्तर जूहीने दिलं होतं.
"घटस्फोटानंतर मी पूर्णपणे खचून गेले होते. त्यातून बाहेर यायला मला खूप वेळ लागला," असंही ती म्हणाली. जूहीने राजीव खंडेलवालच्या मुलाखतीत सांगितलं होतं की लग्नापूर्वी ती सचिनला ओळखत होती. पण एकमेकांना डेट केलं नव्हतं. थेट लग्नबंधनात अडकले होते.
