Heatwaves In Akola : अकोला ठरलं राज्यातलं हॉट सिटी; उष्णतेची उचांकी नोंद

उन्हाळ्याच्या सुरुवातीलाच अकोल्यात तापमानाचा पारा वाढलेला आहे. सध्या अकोल्यात तापमान 44.2 अंश असल्याने सूर्य आग ओकत असल्याची भावना अकोल्यातील नागरिक व्यक्त करत आहेत. राज्यातील सर्वात हॉट सिटी म्हणून सध्या अकोल्याकडे बघितले जात आहे.

राज्यात यंदाच्या उन्हाळ्यात सर्वाधिक तापमानाची नोंदण अकोल्यात झाली आहे. उन्हाळ्याचे 2 महीने अद्यापही बाकी असताना आत्ताच उन्हाच्या कडक्याने नागरिक हैराण झालेले आहेत. अकोल्यात उन्हाचा चटका सकाळीच जाणवायला सुरुवात होते. दुपारच्या वेळी अकोल्याचे रस्ते सुनसान पडलेले बघायला मिळत आहे. उन्हाच्या झळा जाणवत असल्याने प्रशासनाकडून देखील कामाशिवाय घराबाहेर न पडण्याचं आवाहन अकोल्याच्या नागरिकांना करण्यात आलेलं आहे.