शेतकऱ्यांना मदत कधी मिळणार? पाहणीनंतर मुख्यमंत्र्यांनी केली मोठी घोषणा

महाराष्ट्रातील बीड आणि सोलापूर जिल्ह्यांमध्ये झालेल्या मुसळधार पावसामुळे मोठ्या प्रमाणात पूर आला आहे. यामुळे शेतीचे तसेच घरांचे मोठे नुकसान झाले आहे. या संकटाला तोंड देण्यासाठी मुख्यमंत्री देवेंद्र फडणवीस यांनी तातडीची मदत जाहीर केली आहे. राज्य सरकारने २,००० कोटी रुपये तात्काळ मदत म्हणून निधी मंजूर केला आहे. फडणवीस यांनी स्पष्ट केले की, दिवाळीपूर्वी सर्व नुकसानग्रस्तांना मदत पोहोचविली जाईल. घरांचे नुकसान झालेल्यांना आणि अन्नधान्याचे नुकसान झालेल्यांनाही मदत मिळेल, असेही त्यांनी सांगितले. एनडीआरएफनेही बचावकार्य करीत असून २२ जणांना वाचवण्यात आले आहे. शासन कुठलेही अतिरिक्त निकष न लावता मदत करेल, असेही त्यांनी स्पष्ट केले.