Deepesh Bhan | ‘भाबीजी घर पर हैं’च्या मलखानने जाता जाताही चाहत्यांना हसवले, दीपेश भान यांची शेवटची पोस्ट व्हायरल!
दीपेशने त्याच्या 'भाबीजी घर पर हैं' या शोमध्ये मलखानची भूमिका साकारून लोकांच्या मनात घर केले होते. दीपेशचा मोठा चाहता वर्ग देखील आहे. केवळ शोमध्येच नाही तर दीपेशने आपल्या सोशल मीडिया पोस्टद्वारे चाहत्यांना हसवण्याची एकही संधी सोडली नाही.
मुंबई : नेहमीच लोकांच्या चेहऱ्यावर हसू आणणाऱ्या टिव्ही अभिनेत्याला (TV actor) अचानक काळाने हिरावून घेतल्यानंतर प्रत्येकजण दुखात आहे. ‘भाबीजी घर पर है’ या प्रसिद्ध मालिकेतील अभिनेता दीपेश भान अर्थात मलखान यांच्या निधनाने सर्वांनाच मोठा धक्का बसलायं. सेलेब्सपासून ते चाहत्यांपर्यंत सर्वजणांनी दीपेश भानला (Deepesh Bhan) ओल्या डोळ्यांनी कालच अखेरचा निरोप दिलायं. मात्र, दीपेश सध्या आपल्यात नाहीत यावर कोणाचाही विश्वास बसत नाहीयं. क्रिकेट खेळत असताना पडल्याने त्यांचा मृत्यू (Death) झाला आहे.
इथे पाहा दीपेश भान यांची शेवटची पोस्ट
View this post on Instagram
इंस्टाग्राम पोस्ट सोशल मीडियावर प्रचंड व्हायरल
दीपेशने त्याच्या ‘भाबीजी घर पर हैं’ या शोमध्ये मलखानची भूमिका साकारून लोकांच्या मनात घर केले होते. दीपेशचा मोठा चाहता वर्ग देखील आहे. केवळ शोमध्येच नाही तर दीपेशने आपल्या सोशल मीडिया पोस्टद्वारे चाहत्यांना हसवण्याची एकही संधी सोडली नाही. शेवटच्या इंस्टाग्राम पोस्टमध्ये दीपेश त्याच्या खास स्टाइलने लोकांचे मनोरंजन करताना दिसला. दिपेशच्या मृत्यूनंतर आता त्याची शेवटची इंस्टाग्राम पोस्ट सोशल मीडियावर प्रचंड व्हायरल होताना दिसते आहे.
दीपेश यांच्या जाण्याने सर्वचजण आर्श्चयचकीत
दीपेश यांच्या निधनाने सर्वांनाच दुःख झाले आहे. शोमध्ये काम केलेल्या सौम्या टंडनने लिहिले की, तुम्ही गेले यावर विश्वासच बसत नाही. तुम्हाला हसताना किंवा गाताना यापुढे बघू शकणार नाही, यावर विश्वासच बसत नाहीयं. तुझे हृदय सोन्याचे होते. दीपेश यांच्या निधनानंतर सर्वांनाच मोठा धक्का बसला आहे. सांगितले जात आहे की, दीपेश सकाळी 7 च्या सुमारास जिममध्ये गेले होते आणि नंतर दहिसर येथील त्याच्या इमारतीच्या आवारात क्रिकेट खेळत असतानाच ते जमिनीवर कोसळले.
