मुंबईजवळील ‘हे’ आहेत सर्वोत्तम हिल स्टेशन, त्यांचे सौंदर्य पाहून तुम्ही विसरून जाल काश्मीर

जेव्हा मन धावपळीच्या जीवनाचा, वाहतुकीच्या कोंडीचा आणि रोजच्या थकव्याचा कंटाळा येऊ लागतो, तेव्हा अशा ठिकाणी जाण्याचा प्लॅन करतात जिथे शांतता, हिरवळ असते आणि थंड वारा शरीराला आणि मनाला आराम देतो. अनेकदा लोकं उन्हाळ्याच्या सुट्ट्यांमध्ये किंवा आठवड्याच्या शेवटी अशा थंड आणि सुंदर जागेचा शोध घेतात, जिथे ते काही दिवस शांततेत घालवू शकतील. यासाठही बहुतेक लोकांच्या मनात काश्मीर, मनाली किंवा शिमला अशी नावे येतात. पण तुम्हाला माहिती आहे का की मुंबईभोवती काही हिल स्टेशन्स आहेत, जे त्यांचे सौंदर्य, हिरवळ आणि हवामानामुळे काश्मीरला मागे टाकू शकतात?

हो, ही हिल स्टेशन्स फक्त खूप जवळच नाहीत तर इतकी अद्भुत आहेत की तुम्हाला इथेच सारखे यावेसे वाटेल. म्हणून जर तुम्हीही काश्मीरसारख्या थंड ठिकाणी जाण्याचा विचार करत असाल, तर मुंबईजवळील ही हिल स्टेशन्स तुमच्या यादीत नक्कीच असायला हवीत. ती हिल स्टेशन कोणती आहेत आणि येथे काय करू शकतो ते आपण आजच्या या लेखात जाणुन घेऊयात…

1. खंडाळा

महाराष्ट्रातील सर्वात लोकप्रिय हिल स्टेशनपैकी एक म्हणजे खंडाळा हे मुंबईपासून सुमारे 82 किलोमीटर अंतरावर आहे. येथील दऱ्या, धबधबे आणि हिरवळ तुम्हाला मंत्रमुग्ध करते. पावसाळ्यात त्याचे सौंदर्य आणखीनच वाढते. राजमाची पॉइंट, ड्यूक नोज, भूशी धरण आणि टायगर पॉइंट ही येथील प्रमुख आकर्षणे आहेत. इथे आल्यावर तुम्हाला एक वेगळीच शांतता मिळेल.

View this post on Instagram

A post shared by Dwarkesh Rokade (@_drwithlens_)

2. माथेरान

माथेरान हे आशियातील एकमेव ऑटोमोबाइल-मुक्त हिल स्टेशन आहे, जे ते आणखी खास बनवते. मुंबईपासून सुमारे 80 किलोमीटर अंतरावर असलेले हे ठिकाण 2500 फूट उंचीवर आहे. येथील हवा पूर्णपणे ताजी आणि प्रदूषणमुक्त आहे. इको पॉइंट, शार्लोट लेक आणि पॅनोरामा पॉइंट सारखी ठिकाणे येथे भेट देण्यासारखी आहेत. येथे तुम्ही एका छोट्या रेल्वे प्रवासाचा आनंद देखील घेऊ शकता.

View this post on Instagram

A post shared by Maharashtra Tourism Official (@maharashtratourismofficial)

3. पाचगणी

पाचगणी हे सातारा जिल्ह्यातील एक सुंदर हिल स्टेशन आहे, ज्याचे नाव पाच पर्वतांवरून पडले आहे. आशियातील दुसऱ्या क्रमांकाचे सर्वात मोठे पर्वतीय पठार असलेले येथील टेबल लँड जे पर्यटकांमध्ये खूप लोकप्रिय आहे. स्ट्रॉबेरीचे मळे, शांत दऱ्या आणि जुन्या ब्रिटिश इमारती या ठिकाणाला एक अनोखे आकर्षण देतात. मुंबईपासून सुमारे 244 किलोमीटर अंतरावर असलेले हे ठिकाण वीकेंडसाठी योग्य आहे.

4. महाबळेश्वर

पाचगणीपासून थोड्या अंतरावर असलेले महाबळेश्वर हे महाराष्ट्रातील सर्वात प्रसिद्ध हिल स्टेशन आहे. येथील हवामान वर्षभर आल्हाददायक राहते. वेण्णा तलावात बोटिंग, एल्फिन्स्टन पॉइंटवरून दिसणारे दऱ्यांचे दृश्य आणि प्राचीन महाबळेश्वर मंदिर, हे सर्व मिळून ते एक उत्तम पर्यटन स्थळ बनवते. स्ट्रॉबेरी प्रेमींसाठी हे स्वर्गापेक्षा कमी नाही.