विदर्भातील काँग्रेसचे माजी खासदार उद्या भाजपात येणार; पश्चिम विदर्भात काँग्रेसला मोठं खिंडार

वाशिम : जिल्ह्यातील काँग्रेस नेते आणि माजी खासदार अनंतराव देशमुख यांचा उद्या मुंबईत भाजपात प्रवेश होणार आहे. भाजप प्रदेश अध्यक्ष चंद्रशेखर बावनकुळे, केंद्रीय मंत्री नितीन गडकरी आणि उपमुख्यमंत्री देवेंद्र फडणवीस याच्या उपस्थितीत पक्ष प्रवेश होणार आहे. अनंतराव देशमुख यांचा जन्म १९ ऑगस्ट १९४९ रोजी झाला. ते एमएससी गोल्ड मेडलिस्ट पुणे येथून आहेत. अकोला लोकसभा युवक काँग्रेसचे अध्यक्ष म्हणून त्यांनी 1975 ते 77 दरम्यान कार्यभार पाहिला. १९७६ ते ७७ या कालावधीमध्ये अकोला जिल्हा खादी बोर्डाचे अध्यक्ष होते. तसेच संजय गांधी निराधार योजनेचे अध्यक्ष पदाची धुरा त्यांनी सांभाळली. नंतर 1979 या कालावधीमध्ये विदर्भातून जिल्हा परिषद सदस्य म्हणून ते सर्वाधिक मतांनी निवडून गेले.

दोन वेळा खासदार

अनंतराव देशमुख 1985 मध्ये विधानसभेत कारंजा मतदार संघातून ते आमदार म्हणून निवडून आले. ते राज्याचे वित्त राज्यमंत्री, नियोजन रोजगार हमी योजना माहिती आणि जनसंपर्क खात्याचे राज्यमंत्री होते. लोकसभा निवडणूक 1989 आणि 1991 मध्ये त्यांनी वाशिम मतदार संघातून जिंकली. अनंतराव देशमुख यांचे माजी पंतप्रधान स्व. राजीव गांधी यांच्यासोबत अतिशय जवळचे संबंध होते.

हे सुद्धा वाचा

14 वर्षीय मुलगी शेतातील विहिरीतून पाणी काढत होती; म्हशीचा धक्का लागला अन्….

गुन्हेगारीतून रेती व्यवसाय, तिथून राजकारणात प्रवेश; अशी झाली अखेर

20 वर्षे मुलाप्रमाणे सांभाळलेल्या कैलास बैलाचा मृत्यू; शेतकऱ्याने असं काही केलं की सारं गाव आलं

विदर्भात काँग्रेस रुजवली

अनंतराव देशमुख यांनी महाराष्ट्र प्रदेश काँग्रेस कमिटीचे उपाध्यक्ष म्हणूनही काम पाहिले. यावेळी त्यांनी विदर्भात काँग्रेसची पाळमुळं खोलवर रुजवली. अनंतराव देशमुख यांचे माधवराव शिंदे आणि राजेश पायलट यांचे सलोख्याचे संबंध होते. त्यांना २००९ वेळी अपक्ष विधानसभा निवडणूक लढली. त्यात थोड्या मतांनी त्यांना पराभवास सामोरे जावे लागले.

आझाद यांच्या विजयात मोठा वाटा

२०१९ मध्ये पुन्हा अनंतराव देशमुख यांनी अपक्ष निवडणूक लढवली. या निवडणुकीत अपक्ष लढताना त्यांना अगदी थोडक्या मताने पराभवास सामोरे जावे लागले. अनंतराव देशमुख यांनी अकोला जिल्हा परिषद आणि महानगर पालिकेमध्ये काँग्रेस पक्षाचे कायम सत्ता ठेवली होती. परंतु वाशिम जिल्हा निर्मितीनंतर देशमुख यांनी स्थानिक जिल्ह्यात काँग्रेस पक्षाची पाळमुळे रोवली. गुलामनबी आझाद यांच्या विजयात त्यांनी अतिशय महत्वाची भूमिका बजावली.

३२ वर्षे वाशिम झेडपीत काँग्रेसची सत्ता

वाशिम जिल्हा निर्मितीपासून ते आत्तापर्यंत तब्बल 32 वर्षे वाशिम जिल्हा परिषद आणि जिल्ह्यातील बहुतांश स्थानिक स्वराज्य संस्थांवर अनंतराव देशमुख यांच्या नेतृत्वात काँग्रेसची सत्ता होती. अनंतराव देशमुख अकोला आणि वाशिम जिल्ह्याच्या राजकारणात सक्रिय असताना दोन्ही जिल्ह्यात स्थानिक स्वराज्य संस्थांमध्ये काँग्रेस सत्तेत होती. ही अनंतराव यांच्या नेतृत्वाची कमाल होती.

पुत्र नकुल देशमुखही भाजपात येणार

पश्चिम विदर्भात असलेला त्यांचा दांडगा जनसंपर्क आणि हजारो कार्यकर्ते हे त्यांच्या भाजप पक्ष प्रवेशामुळे विभागात भाजपची ताकद वाढणार आहे. त्यांचे चिरंजीव नकुल देशमुख यांची मतदार संघात युवकांवर असलेली मजबूत पकड आहे. यामुळे भाजप पक्षाला नकुल देशमुख यांच्या रूपाने एक दमदार युवा नेतृत्व ही मिळणार आहे.