IPL 2020 | “इट शूड बी असा पाय पडला पाहिजे”, श्रीरामपूरच्या झहीरचे मुंबई इंडियन्सच्या गोलंदाजांना मराठीत धडे

झहीर खान मुंबई इंडियन्सचा बोलिंग कोच आहे | (Zaheer Khan is teaching bowling lessons in Marathi)

  • टीव्ही 9 मराठी डिजीटल टीम
  • Published On - 19:04 PM, 30 Sep 2020
IPL 2020 | "इट शूड बी असा पाय पडला पाहिजे", श्रीरामपूरच्या झहीरचे मुंबई इंडियन्सच्या गोलंदाजांना मराठीत धडे

दुबई : आयपीएलच्या 13 व्या मोसमाची सुरुवात झाली आहे. प्रत्येक संघाने आतापर्यंत 2 किंवा त्यापेक्षा अधिक सामने खेळले आहेत. काही संघांची सुरुवात चांगली झाली. तर काही संघाची निराशाजनक सुरुवात झाली आहे. प्रत्येक संघ आपल्या आगामी सामन्यासाठी नेट्समध्ये कसून सराव करत आहेत. भारताचा आणि मुंबई इंडियन्स संघाचा माजी गोलंदाज झहीर खान आता प्रशिक्षकाची भूमिका बजावतोय. तो मुंबई इंडियन्सचा बोलिंग कोच आहे. झहीर खान मुंबईचा गोलंदाज दिग्विजय देशमुखला अचूक बोलिंग कशी टाकायची, याचे धडे माय मराठीतून देतोय. सरावादरम्यानचा हा व्हिडिओ मुंबई इंडियन्से आपल्या फेसबुकवरुन शेअर केला आहे. (Zaheer Khan is teaching bowling lessons in Marathi)

मुंबईचा बोलर दिग्विजय देशमुखला बोलिंग प्रॅक्टीस करताना काही अडचणी येत होत्या. यानंतर झहीरने दिग्विजयला कानमंत्र दिला.

झहीर दिग्विजयला काय म्हणाला ?

योग्यरित्या बोलिंग कशी करायची याबाबत झहीरने दिग्विजयला कानमंत्र दिला. बोलिंग करताना सातत्याने अनेकदा एकसारखाच बॉल टाकायचा. त्यामुळे आपण नक्की कुठे चुकतोय, हे लक्षात येतं, असं झहीर म्हणाला. तसंच बोलिंगमध्ये बदल करु शकतोस. यॉर्कर बॉल टाकायचा सराव करायचा असेल, तेव्हा फक्त नि फक्त यॉर्कर टाकण्याचा प्रयत्न करायचा. त्यामुळे नेमका बोलचा अचूक टप्पा कुठे टाकायचा, याबद्दल तुला जास्त समजेल, असं झहीर दिग्विजयला उद्देशून म्हणाला.

झहीर खानची आयपीएल कारकिर्द

झहीर खानने आयपीएलमध्ये मुंबई इंडियन्स आणि रॉयल चॅलेंजर्स बंगळुरुचे प्रतिनिधित्व केलं आहे. झहीर आयपीएलच्या एकूण 10 मोसमात खेळला आहे. यात त्याने एकूण 100 सामने खेळले आहेत. यामध्ये झहीरने 102 विकेट्स घेतल्या आहेत. 17 धावा देऊन 4 विकेट्स ही त्याची सर्वोच्च खेळी आहे.

मराठमोळा झहीर अहमदनगरच्या श्रीरामपूरचा

झहीर खान हा मूळचा उत्तर महाराष्ट्रातील अहमदनगरमधील श्रीरामपूरचा सुपूत्र आहे. झहीर खानने आपल्या क्रिकेटची सुरुवात श्रीरामपूरमधून केली. झहीरने काही वर्षांपूर्वी मराठी अभिनेत्री सागरिका घाटगेशी विवाह केला. दरम्यान क्रिकेटमधील योगदानासाठी झहीरला 2019 मध्ये पद्मश्री पुरस्कार जाहीर झाला होता.

संबंधित बातम्या :

IPL 2020, RR vs KKR Live Score : राजस्थान रॉयल्सची विजयी घौडदौड कोलकाता नाईट रायडर्स रोखणार?

(Zaheer Khan is teaching bowling lessons in Marathi)