Local BodyElections 2025 : नगरपालिका निवडणुकांमध्ये पैशांचा महापूर, चंद्रपूर ते धुळे, नोटांची बंडलं जप्त, शिंदेंवरही आरोप

महाराष्ट्रातील नगरपालिका निवडणुका मतदानाच्या दिवशी पैसे वाटपाच्या अनेक घटनांमुळे गाजल्या. राज्यभरात ठिकठिकाणी पैसे वाटपाचे प्रकार कॅमेऱ्यात कैद झाले. चंद्रपूरच्या राजुरात भाजपचे नेते अमोल जिल्हावार यांच्या हातात पाचशेच्या नोटांचे बंडल दिसल्याचा व्हिडिओ व्हायरल झाला. बुलढाणा जिल्ह्यातील नांदुरा नगरपरिषदेच्या निवडणुकीत अपक्ष उमेदवारांच्या नातेवाईकांकडून पैसे वाटप केल्याचा आरोप झाला. खामगाव येथे ५० हजार रुपयांची रोखड जप्त करण्यात आली, तर धुळ्याच्या शिंदेखेडा येथेही ५० हजार रुपये पकडण्यात आले. याशिवाय, उपमुख्यमंत्री एकनाथ शिंदे यांच्यावरही पैसे वाटपाचा आरोप ठाकरेंच्या शिवसेनेचे नेते वैभव नाईक यांनी केला. मालवणमध्ये सभेसाठी येताना शिंदेंनी दोन जड बॅगा आणल्या, ज्यात पैसे असल्याचा नाईकांचा दावा होता. शिंदेच्या शिवसेनेने मात्र त्यात कपडे असल्याचे स्पष्ट केले. एकूणच, या निवडणुकांमध्ये पैशांचा वापर मोठ्या प्रमाणावर झाल्याचे चित्र समोर आले आहे.