Santosh Bangar : संतोष बांगर यांना कायदा लागू आहे? मतदान केंद्रातच नियम मोडले, मोबाईल आणला शूट केलं अन्…

हिंगोली येथील नगरपालिका निवडणुकीत मतदान करताना शिंदे गटाचे आमदार संतोष बांगर यांनी अनेक नियमांचे उल्लंघन केल्याचे समोर आले आहे. बांगर यांनी मतदान केंद्रात मतदानाची गोपनीयता भंग केली. त्यांनी मोबाईलने स्वतःच्या मतदानाचा व्हिडिओ रेकॉर्ड केला, तसेच केंद्रात घोषणाबाजी केली. याशिवाय, त्यांनी मतदारांना कोणते बटण दाबायचे याबाबत सूचनाही दिल्या. मतदान केंद्रात मोबाईल नेण्यास मनाई असतानाही त्यांनी तो सोबत ठेवला आणि थेट मतदान केंद्रात प्रवेश केला. या कृतीमुळे निवडणूक आयोगाला आव्हान दिल्याचे मानले जात आहे.

मुख्यमंत्री देवेंद्र फडणवीस यांनीही या घटनेवर नाराजी व्यक्त करत लोकप्रतिनिधींनी लोकशाहीची चाड ठेवली पाहिजे असे म्हटले आहे. बांगर यांच्या गोपनीयतेचा भंग केल्याबद्दल हिंगोली शहर पोलीस स्टेशनमध्ये गुन्हा दाखल करण्यात आला आहे. निवडणूक आयोगाने या प्रकरणाची चौकशी करण्याचे आदेश दिले असून, हिंगोलीच्या जिल्हाधिकार्‍यांशी संपर्क साधून संबंधित अधिकाऱ्यांवर कारवाईच्या सूचना दिल्या आहेत.