Tv9 Special : रंगांधळेपणा म्हणजे नेमकं काय? कोणते रंग दिसायचे बंद होतात?, जाणून घ्या सविस्तर

आपल्या शरीरात डोळे हे अतिशय महत्त्वाचं आणि संवेदनशील असं ज्ञानेंद्रिय आहे. डोळ्यांशिवाय आपण जगू पाहू शकत नाहीत. त्यामुळे डोळ्यांची काळजी घेणं, डोळ्यांची निगा राखणं हे आपलं प्राथमिक कर्तव्य आहे. सध्याच्या धकाधकीच्या आयुष्यात आपण बऱ्याचदा आपल्या प्रकृतीकडे कानाडोळा करतो आणि आयुष्य जगत असतो. आपल्या शरीरावर खरंच जेव्हा मोठा काहीतरी परिणाम बघायला मिळतो तेव्हा आपले डोळे उघडतात. त्यामुळे त्याआधीच आपण आपले डोळे उघाडून पाहिलं आणि माहिती जाणून घेण्याचा प्रयत्न केला तर आपण खूप मोठ्या संकटातून वाचू शकतो. याशिवाय कोणतीही परिस्थिती आली तरी घाबरुन जाण्याची गरज नाही. कारण त्यावर उपाय हा असूच शकतो. या सर्वच गोष्टींचा विचार करता आम्ही आज आपल्याला रंगांधळेपणा या आजाराशी संबंधित माहिती देणार आहोत. सप्टेंबर महिना हा रंगांधळेपणा आजाराच्या जागृतीचा महिना ओळखला जातो. याशिवाय जगभरात अनेकांना या आजाराला सामोरे जावं लागत आहे. त्यामुळे हा आजार नेमका काय आहे, तो कसा ओळखावा, त्याच्यावर निदान कसं करावं? याबाबत तज्ज्ञ डॉक्टर जयंत सरवटे (अपवर्तक लेसर सर्जन, डॉ अग्रवालस् डोळ्यांचे हॉस्पिटल, सातारा) यांनी अतिशय मौल्यवान आणि महत्त्वाची माहिती 'टीव्ही 9 मराठी'ला दिली.