AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

कधी काँग्रेसवासी, कधी शिवसैनिक, कधी भाजपवासी तर कधी राष्ट्रवादी, कोण आहेत माणिकराव कोकाटे?; वाचा सविस्तर

सिन्नरचे आमदार माणिकराव कोकाटे हे राष्ट्रवादीचे ज्येष्ठ नेते आहेत. चौथ्यांदा ते आमदार म्हणून निवडून आले आहेत. कोकाटे हे नेहमी चर्चेत असतात. (who is manikrao kokate, read about his political journey)

कधी काँग्रेसवासी, कधी शिवसैनिक, कधी भाजपवासी तर कधी राष्ट्रवादी, कोण आहेत माणिकराव कोकाटे?; वाचा सविस्तर
manikrao kokate
| Edited By: | Updated on: Feb 20, 2025 | 1:49 PM
Share

मुंबई : सिन्नरचे आमदार माणिकराव कोकाटे हे राष्ट्रवादीचे ज्येष्ठ नेते आहेत. ते पाचव्यांदा आमदार म्हणून निवडून आले आहेत. कोकाटे हे नेहमी चर्चेत असतात. त्यांच्या चर्चेचं कारणंही हटके आहे. सतत पक्ष बदल करत असल्याने ते नेहमीच चर्चेत राहिले आहेत. मात्र आता ते अडचणीत आले आहेत. माणिकराव कोकाटे यांंच्यावर 1995 साली कागदपत्रांची फेरफार आणि फसवणूक केल्याचा आरोप आहे. याप्रकरणी आज पार पडलेल्या सुनावणीत त्यांना 2 वर्षांचा कारावास आणि 50 हजार दंड अशी शिक्षा सुनावण्यात आली आहे. यामुळे त्यांची आमदारकी धोक्यात येणार असल्याचे बोललं जात आहे.

माणिकराव कोकाटे यांनी काँग्रेस, राष्ट्रवादी, भाजप आणि शिवसेना या चारही प्रमुख पक्षातून त्यांनी निवडणूक लढवली आहे. भाजप वगळता इतर सर्व पक्षातून ते आमदार म्हणून निवडून आले आहेत. कोकाटे यांच्या या राजकीय कारकिर्दीचा घेतलेला हा आढावा. (who is manikrao kokate, read about his political journey)

भाजपमधून राष्ट्रवादीत

कोकाटे यांनी गेल्या 20 वर्षात अनेक पक्षाचे झेंडे खांद्यावर घेतले. काँग्रेस, राष्ट्रवादी, शिवसेना आणि भाजप असा त्यांचा राजकीय प्रवास झालेला आहे. त्यानंतर त्यांचा राष्ट्रवादीचे राष्ट्रवादी हे वर्तुळही पूर्ण झालं. विधानसभा निवडणुकीपूर्वी ते भाजपमध्ये होते. मात्र, त्यांनी ऐनवेळी राष्ट्रवादीत प्रवेश केला. ऑक्टोबर 2019मध्ये त्यांना राष्ट्रवादीत प्रवेश देण्यात आला आणि सिन्नरमधून तिकीटही देण्यात आलं. त्यांनी चौथ्यांदा विजय मिळवला. राष्ट्रवादी काँग्रेस पक्षाच्या फुटीनंतर ते अजित दादांसोबत गेले. आता 2024 च्या विधानसभा निवडणुकीत 41 हजारांच्या मताधिक्याने ते पाचव्यांदा आमदार झाले.

लोकसभेला अपक्ष लढले

नुकत्याच झालेल्या लोकसभा निवडणुकीत त्यांनी अपक्ष उमेदवार म्हणून निवडणूकही लढवली होती. त्यांना लोकसभा निवडणुकीत 1 लाख 34 हजार 299 मते मिळाली होती. एकट्या सिन्नर विधानसभा मतदारसंघातूनच त्यांना 91 हजार 114 मते मिळाली होती.

चारही पक्षातून निवडणूक लढवली

कोकाटे हे मूळ काँग्रेसी आहेत. 1999मध्ये शरद पवारांनी राष्ट्रवादी काँग्रेसची स्थापना केल्यानंतर त्यांनी राष्ट्रवादीत प्रवेश केला. मात्र, पक्षाने त्यांना सिन्नरमधून उमेदवारी दिली नाही. त्यांच्या ऐवजी तुकाराम दिघोळे यांना तिकीट दिलं. त्यामुळे कोकाटे यांनी एका रात्रीत शिवसेनेत प्रवेश केला आणि आमदारही झाले. 2004ची विधानसभा निवडणूक ते शिवसेनेकडून लढले आणि जिंकलेही. माजी मुख्यमंत्री नारायण राणे यांच्यासमवेत त्यांनी काँग्रेसमध्ये प्रवेश केला होता. त्यानंतर 2009मध्ये ते काँग्रेसच्या तिकीटावर निवडणूक लढवून आमदार झाले. त्यानंतर 2014मध्ये त्यांनी भाजपमध्ये प्रवेश केला. भाजपने त्यांना निवडणुकीचं तिकीटही दिलं. पण कोकाटे यांना पराभव स्विकारावा लागला. त्यामुळे त्यांच्या विजयाच्या मालिकेला ब्रेक बसला होता. ते शिवसेनेकडून दोनदा आणि काँग्रेसकडून एकदा ते आमदार राहीलेले आहेत.

‘त्या’ शपथविधीला हजेरी

विधानसभा निवडणुकीनंतर राज्यात नवं सरकार स्थापन करण्याच्या हालचाली सुरू असतानाच देवेंद्र फडणवीस आणि अजित पवार यांनी भल्या पहाटे मुख्यमंत्री आणि उपमुख्यमंत्रीपदाची शपथ घेतली. यावेळी अजितदादा समर्थक आमदारही उपस्थित होते. त्यात माणिकराव कोकाटेही उपस्थित होते. मात्र, कोकाटेंनी या शपथविधी बाबत काहीच माहिती नसल्याचं म्हटलं होतं. अजित पवार गटनेते असल्याने त्यांचा आदेश पाळला असं त्यांनी सांगितलं. कोकाटे यांनी ट्विट करून आपलं म्हणणं मांडलं होतं. मी पक्षाच्या भूमिकेच्या विरोधात नाही. अजितदादा पवार यांच्या सांगण्यावरुन मी राजभवनावर गेलो होतो. गटनेते असल्याने आदेश पाळला. तिथे काय होणार आहे याबाबत काहीच माहीत नव्हती. पण मी पक्षासोबत आहे. एकदा घेतलेला निर्णय आपण कदापीही बदलणार नाही, असं ट्विट करत त्यांनी या प्रकरणावर पडदा पाडला होता.

विवाह सोहळा: साधा की शाही?

माणिकराव कोकाटे यांनी कोणताही बडेजाव न करता अत्यंत साध्या पद्धतीने कन्या आणि जिल्हा परिषद सदस्या सीमंतिनी यांचा विवाह पार पाडणार असल्याचं जाहीर केलं होतं. विशेष म्हणजे त्यांनी कन्येचा विवाह नोंदणी पद्धतीने केला. नाशिकच्या अकराला गंगापूर-सावरगाव रोडवरील एका रिसॉर्टमध्ये हा विवाह सोहळा थाटात पार पडला. मात्र, प्रत्यक्षात हा साधा विवाह सोहळा न राहता शाही विवाह सोहळा ठरला. मेजवाणी, नृत्यसंगीत, रोषणाई, पाहुण्यांची खास बडदास्त आणि मोठा बंदोबस्त यामुळे साधा विवाह आहे की शाही विवाह असा प्रश्न सिन्नरकरांनाही पडला होता. (who is manikrao kokate, read about his political journey)

संबंधित बातम्या:

‘भोर म्हणजे थोपटे’ आणि ‘थोपटे म्हणजे भोर’; कोण आहेत संग्राम थोपटे?, वाचा सविस्तर

दोनदा पडला तरीही लढला, तिसऱ्यांदा पठ्ठ्या जिंकलाच; जिद्द आणि संघर्ष म्हणजे समाधान आवताडे!

ठाकरे घराण्यातील पहिला आमदार; शिवसेनेतील तेजस्वी युवापर्व; जाणून घ्या, आदित्य ठाकरेंचा राजकीय प्रवास!

(who is manikrao kokate, read about his political journey)

Follow Us
रत्नागिरीत गोवा बनावटीच्या दारूचा तब्बल 1.75 कोटींचा साठा जप्त....
Ratnagiri Liquor Seizure : रत्नागिरीत गोवा बनावटीच्या दारूचा तब्बल 1.75 कोटींचा साठा जप्त; हातखंबा येथे उत्पादन शुल्क विभागाची कारवाई
बिहारमध्ये महाराष्ट्र भवन उभारण्याच्या हालचालींना वेग; संजय शिरसाट....
Sanjay Shirsat : बिहारमध्ये महाराष्ट्र भवन उभारण्याच्या हालचालींना वेग; संजय शिरसाट यांनी घेतली मुख्यमंत्री सम्राट चौधरी यांची भेट
जिल्हा बँकेच्या निवडणुकीत शिवसेना-राष्ट्रवादीची खेळी; भाजप नाराजी....
Satara Bank Election : सातारा जिल्हा बँकेच्या निवडणुकीत शिवसेना-राष्ट्रवादीची खेळी; भाजप नाराज असल्याची चर्चा
जमीन व्यवहार करताय? सावधान; 2 लाखांपेक्षा जास्त रोख व्यवहाराची माहिती
Chandrashekhar Bawankule : जमीन व्यवहार करताय? सावधान; 2 लाखांपेक्षा जास्त रोख व्यवहाराची माहिती आयकर विभागापर्यंत पोहोचणार
दुष्काळातही मुंबईकरांची पिण्याच्या पाण्याची तहान भागणार, फडणवीस सरकार
Mumbai Water : दुष्काळातही मुंबईकरांची पिण्याच्या पाण्याची तहान भागणार, फडणवीस सरकारचा मोठा निर्णय
पांडुरंगाचा आशीर्वाद आहे, चिंता कसली? हेलिकॉप्टरमधील बिघाडावर शिंदेंची
Eknath Shinde Helicopter : पांडुरंगाचा आशीर्वाद आहे, चिंता कसली? हेलिकॉप्टरमधील बिघाडावर एकनाथ शिंदेंची पहिली प्रतिक्रिया
नाशिक महापालिकेतील स्वीकृत नगरसेवक निवडीवरून भाजपत वादंग....
Nashik : नाशिक महापालिकेतील स्वीकृत नगरसेवक निवडीवरून भाजपत वादंग; नेमकं काय घडलं?
सरकारने करसवलती दिल्या, आता उद्योजकांनी काय केलं? पंतप्रधान मोदींनी...
PM Modi : सरकारने करसवलती दिल्या, आता उद्योजकांनी काय केलं? पंतप्रधान मोदींनी FICCIच्या व्यासपीठावरून सुनावलं
लग्नसराईत दागिने खरेदी करणाऱ्यांसाठी आनंदाची बातमी; सोन्या-चांदीचे दर
Gold Silver Price Today : लग्नसराईत दागिने खरेदी करणाऱ्यांसाठी आनंदाची बातमी; सोन्या-चांदीचे दर अचानक घसरले...
पाच एकरांतील मोसंबीची बाग जेसीबीने उपटली, दुष्काळापुढे शेतकरी हतबल....
Nagpur : पाच एकरांतील मोसंबीची बाग जेसीबीने उपटली, दुष्काळापुढे शेतकरी हतबल; नागपुरातील विदारक वास्तव आलं समोर