धक्कादायक ! स्वतःच्या हाताने जेवण घ्यायला सांगितल्याचा राग, मुलाकडून आई-वडिलांना बेदम मारहाण

कल्याण : मुलाला हाताने जेवण घ्यायला सांगितले म्हणून संतापलेल्या माथेफिरु मुला (Son)ने आई-वडिलांना बेदम मारहाण (Beating to Parents) केल्याची धक्कादायक घटना कल्याणमध्ये उघडकीस आली आहे. अमित घोरकडे असे 28 वर्षीय माथेफिरु मुलाचे नाव आहे. याप्रकरणी पीडित वडिल नामदेव वगप्पा घोरकडे यांच्या तक्रारीवरुन आरोपी मुलाविरोधात टिळकनगर पोलिसात तक्रार दाखल करण्यात आली आहे. पोलिसांनी आरोपी मुलाला अटक (Arrest) केले आहे.

पीडित नामदेव घोरकडे हे सिक्युरिटी गार्ड म्हणून नोकरी करतात. कल्याणमधील कचोरे गावातील न्यू गोविंदवाडीमध्ये ते आपली पत्नी रंजना घोरकडे आणि मुलगा अमितसोबत राहतात. सोमवारी सकाळी साडेअकराच्या सुमारास अमित बाहेरुन घरी आला. त्याने आईकडे जोवायला मागितले.

हाताने जेवायला घे सांगितले म्हणून भडकला

वडिल नामदेव यांनी मुलाला स्वतःच्या हाताने जेवायला घे असे सांगितले. यामुळे मुलगा अमितला राग आला. त्याने रागात आईला शिवीगाळ आणि मारहाण करण्यास सुरुवात केली. यावेळी पत्नीला मुलाच्या तावडीतून सोडवण्यासाठी नामदेव हे मध्ये पडले.

वडिल मध्ये पडल्याने अमित अधिकच भडकले. त्याने घराशेजारी असलेल्या कोंबड्या ठेवण्याच्या लोखंडी जाळीवरचा सिमेंटचा पत्रा वडिलांच्या डोक्यात घातला. या हल्ल्यात नामदेव हे जखमी झाले.

शेजाऱ्यांनी धाव घेत आई-वडिलांची सुटका केली

आई-वडिलांचा आरडाओरडा ऐकून शेजारी धावत आले आणि माथेफिरु वडिलांच्या तावडीतून आई-वडिलांची सुटका केली. यानंतर जखमी आई-वडिलांनी टिळकनगर पोलिसात मुलाविरोधात तक्रार दाखल केली. पोलिसांनी तक्रारीची दखल घेत तात्काळ फरार झालेल्या माथेफिरु मुलाला ताब्यात घेतले. पोलीस पुढील तपास करत आहेत. (In Kalyan the son abused and beat the parents for minor reasons)